ليش ماعاد عطيتوني رأيكم انا فعلا محتارة ومو عارفة شنو اسوي

عزيزتي .. بحبك وسام

اعتقد بان الاخت بحرينية كفت ووفت .. وانتي كأن امورك استقرت ووصلتي لحل تقريبا لمشكلتك ..

زوجك طيب ومتعاون متفهم .. ماشاء الله عليه .. فكوني صبوره معه ومقدره لظروفه اكثر ..

أسال الله ان يبارك لكم .. وان يرزق زوجك على قد نيته الطيبه ..

__________________

أمين يارب العالمين ويوفقك يارب
بس انا عم فكر لبعدين خايفة اخوانه يستغلو طيبته ويتم هو الي يصرف على البيت فيه ثلاث عائلات والله ماني عارفة احياناً اقول جذي احسن واحياناً اغير رأي وكل شوي أذكره وأقوله انه لو حسيت اني متضايقة من اي شي او مرتاحة انا راح اطلع يعني لاتنسى هل الموضوع وخليه ببالك يقولي اوكي

عزيزتي لا تدققين كثير معاه .. وبلا ما تذكريه كل وقت ..

انتي ان شاء الله استخيري .. وتوكلي على رب العالمين .. ومافي شي غصب .. محد يقدر يجبرك تعيشين بمكان ما ترتاحين فيه .. وزوجك اكيد تهمه راحتك وراحته معاك ..

ومثل ما قالت لك الاخت بحرينيه .. حاولي تتدخرين من اموال زوجك .. واي مصروف ثاني بيصرفه عليهم فغضي النظر عنه ..

انتقلي لبيتهم وانتي بنفس طيبه .. ولا تخلين ببالك انك بتشوفين الويل والتعب .. لان بأي تصرف منهم راح تفسرينه انك غلطتي بموافقتك ..

وكل شىء يهون عشان زوجك .. واللي فيه خير في اهله .. تاكدي انه فيه خير لك .. وما راح يخليك متضايقه ..

__________________