اقتباس:
المشاركة الأصلية كتبت بواسطة وليد99
والله اني اشوف لو تسترجع امورك وتحاول تصلح الوضع افضل مو عشان زوجتك طبعا اكيد بيكون عشان ولدك
بما انها ضايعه ومتورطه حاول اللي جاب لك الخبر انها ضايعه ومتورطه يسألونها لو تطلبها ترجع بترجع ؟.. يمكن هداها الله وعرفت مردها لزوجها وولدها ..منت خسران شي جرب .
|
أنا مع هذا الرأي..
خصوصا ان لها فترة طويلة عند اهلها و
أنا امرأة وافهم هالنوعية من البشر وكيف يفكرون ..كلام الناس لحاله اكيد ذابحها وسنة من عمرها راحت لاهي متزوجه ولاهي مطلقة وهالشي ماهو بسيط..تربي ولدها لحالها ويكبر وينادي ماما وبابا اكيد هالشي برضه يضغط.. واكيد خلاها تراجع حساباتها وتفكر زين..
انصحك اخوي بدل ما تبني بيت جديد وتبدأ حياة جديدة ..رمم البيت اللي بنيت ع الاقل علشان ولدك يمكن يهديها الله وتصير سنعة وتصير احسن من اول وهذا الشي المتوقع بناء على عشرتي معهم..
وفي الاخير ..انصحك نصيحة لوجه الله..أدري عمك غلط واخوها بعد خبل وقليل حيا اللي يكسر بيتك واثاثك .. بس اكبر غلط انك تتلفظ على عمك وتقل حياك عليه..على الاقل احترم انه كبير بالسن ..انه جد ولدك ..بتقول تكلم علي وتلفظ بالفاظ بذيئة بقولك لو رديت علية بادب واحترام وبينت له اللي صار بدون قلة حيا والله اني متاكدة انه كان على الاقل بيقول والله اللي هذا اسلوبه معي مستحيل يغلط على بنتي من الباب للطاقة
حط حدود بينك وبين عمك في الكلام ولا تكسر حاجز الاحترام بينكم لأنك كذا بكل بساطة خليته في صف بنته عليك حتى لو كانت غلطانه لأنك غلطت عليه انت بعد..