اللي قالوا لا تواجهيه وعامليه أفضل وعوضيه وما أدري أيش ..
ما أعتقد لو كنتوا مكانها راح تسكتون ..
ولو فعلا سكتو فأنتو ترتكبون جريمة في حقكم وحق انسانيتكم ..

واجهيه وخليه يفهم اما يندم ويتوب وإلا فأنت لست في عازة شخص مثله ..
خمر وبنات .. أعوذ بالله ..
اصلا كيف تأمنين على نفسك من الامراض ..
انا لو مكانك سأرفض أقترابه حتى أتأكد من سلامته من الأمراض ..
عذرا .. لكن هالامور مافيها مجاملات ولا مثاليات ..

كلام ام الدانه صح فعلا السكوت علامة الرضا ولكن يجب ان تكون المواجهه هادئة

__________________
اللهم اصلح قلبي وقلب ابنائي

انا مع kooki و ام الدانة ..

انقهرت بالبداية الاغلبية يقولولها تسكت و تحاول تلمح وووو الخ !؟؟؟؟

انا مع المفارق
كنت بقولها تسوي هالخطه
لان زوجها بيكابر ويحط الغلط عليها

انتبهي تعلمينه انك تجسستي عليه ابدا
عشان مايمسك عليك غلط

خذي التسجيل وارسليه له من رقم ثاني بدون اسم .. عن طريق الواتساب او اي طريقه ثانيه
او حطيه عند باب سيارته مع رساله

واكتبي فيها .. اذا ماتبت عن اللي جالس تسويه راح اوصل تسجيلاتك وفضايحك كلها لزوجتك
وافضحك بالانترنت واليوتيوب .. وافصلك من عملك

خليه يخاااااااااااف .. هالطريقه الوحيده اللي ممكن تخليه يرجعلك ..ويتوب عن السفر والخرابيط ويحس ان احد مراقبه

او انك تواجهينه ان الصوت جالك من ناس.. وتزعلين وتروحين لاهلك وتطلبين الطلاق .. وتزعلين فتره لين يحس بشوق لك ويرجعك بطلعه الروح ويتوب ..

لكن ارجح الطريقه الاولى .. ^.*

فكرة يونا الاولى ممتازة .. بس مهم تنتبهي تتصرفين على طبيعتك عشان ما يشك واحد بالمية انك عارفة

جهلك امامه نقطة قوة في صالحك .. استغليها قد ما تقدرين قبل ما تحتاجين للمواجهة

المواجهة ايضا لابد تكون مدروسة .. بدون ضعف وبكاء من جهتك .. لان الحق معك

استشيري احد فاهم من الاعضاء يمشي معك خطوة بخطوة

الله يربط على قلبك ويعينك ويفرج همك ويصلح زوجك

والله فكرة يونا جدآ خطييييره
طبعآ الفكره اﻻولى
اتوقع راح تنفع بشكل كبيير
بس خليك مراقبه اتصاﻻته بعدها شوفي بجد خاف وتراجع واﻻ باقي
قوي عين
بس انا ضد المواجهه صراحه خايفه عليك ﻻتنقلب حياتك نكد اكثر واكثر
بعض الرجال ان واجهتيه بخطأه يتغير تمامآ فء المعامله يقهرك اكثر
نااادر اللي يستحي على وجهه ويعرف غلطه ويعتذر
الله يقويك وييسرلك الخير

بس تذكري آيه وانا اختك
وﻻتجسسوا /////
إبراء للذمه

لا تهددينه يمكن يتعب نفسيًا ويخاف من الفضيحه وينعزل عن الناس لان انكشف امره من شخص غريب فراح يحتار خصوصا انه يهتم لسمعته هذي مشكلة الكثير مننا للاسف يخاف من المجتمع اكثر من الله يا الله تهدينا

وليه تجسستي تحملي اللي جاك وقد يكون مظلوم ان بعض الظن اثم ويمكن صار لبس ويمكن مجرد كلام مافي فعل بس يبين لربعه انه يقدر وجريئ ويمكن ويمكن ويمكن

واخيرًا استريه الله يسترك *

فكرة يونا حلوة وترا فيه قصه فالنت دوريها وبتلاقيها ان شاء الله عن وحدة سافرت الخارج مع زوجها للدراسة وشكت فيه وطلع يروح الملاهي ويسكر فقامت خلت وحده تصوره وجلست تهدده يوميا ترسل صوره تحطها عند باب الشقه كل ماجاء بيروح الدوام حصل ظرف وفيه كم صوره وتهديد ان الصور راح توصل أهله وزوجته وهو طبعا من النوع المثالي اللي يحب صورته حلوة قدام الناس ونفعت معاه ألطريقه
ترا اكثر الرجال ما يحبون المواجهه لانه أساسا. ما يحب يعترف باخطاءه
والله يهديه ويستر عليكم يارب

التهديد بالفضيحه مصيبه وعار وتخسرين زوجك وينقلب السحر عالساحر

ماهي طريقة علاج نهائيًا .......................

......................
ومن ستر مسلم بالدنيا ستره الله يوم القيامه

وكلنا بشر خطائين ما حنا ملائكه لا تنسين