مشكلتك فيها شقين:
الأول عدم مبادرة زوجك : يمكن زوجك بعده خايف عليك خاصة إنك قلت إن توقفت العلاقة في الشهور الأخيرة بأسباب طبية أو إنه مثل ما قالت الأخت سوسو عنده فكرة غلط عن المرأة بعد الولادة أو أنه حابب منك إنك إنت تبادري و تهتمي فيه (بعض الأزواج يغارون من أطفالهم و يكون ودهم شوية اهتمام ورعاية) الشق الثاني : معالجتك للموقف: مهما كانت الأسباب إنت لازم تبادري بحل الموضوع و لا تضعي عثرة مثل تفكيرك إنه لازم يحسسك إنك مرغوبة معلش تعالي على نفسك شوية أولا هل إنت تجملتي و حاولتي ترجعي لزوجك ب "new look " على قولتهم؟؟ إذا لأ... روحي ألحين الصالون و تجملي و تعدلي و ألبسي أحلى قميص نوم الليلة و شعلي الشمع و خليها ليلة رومانسية ... (معلش يعذرونا الأخوان) و إذا أمكن خلي مولودك عند أمك عشان تاخذوا راحتكم و تقربي منه شوي شوي و بادري.. و إذا أبدى اعتراض حاولي تفهميه إن طبيا إذا كانت الوحدة والدة طبيعي ممكن ترجع تمارس العلاقة الزوجية بعد 6 أسابيع و ما في أي إشكال ثانيا: معاملتك اليومية له خليها كلها حنان و اهتمام عشان النفسية تؤثر بهالموضوع و معلش عارفة إنك مشغولة بس على قد ما تقدري إرضي بصره باللبس الحلو و إرضي شمه بالريحة الزكية و إرضي سمعه بالكلام الطيب أنا بقول لك عن تجربتي لأني لسه والده و كملت خمس شهور و أنا كنت من الشهر التاسع ممتنعة عن العلاقة لأن الحمل تعبني كثير ، و قضيت نص الشهر التاسع في بيت أبوي عشان أمي تدير بالها علي لأن أول حمل لي. هذا غير الأربعين قعدت عندهم كمان يعني باختصار ابتعدت فترة عن زوجي.. هو تضايق شوي بس الحمد لله كان في الأخير متفهم و كان يزورني كثير في الأربعين في بيت الوالد عشان يشوفني و يشوف ولده. أنا في المقابل قلت لازم ما يخلص الأربعين إلا و أنا راجعة عروس جديدة لزوجي .. خاصة أن الغيبة كانت طويلة حبتين يعني لما قربت أرجع لبيتي ظليت أربعة أيام مداومة في الصالون ... من حلاوة و قص شعر و صباغة و بدكير و منكير و شريت قميص نوم حلو و إلخ إلخ (معلش يعذرونا الأخوان مرة ثانية للوصف) و رحت للدكتورة عشان أشوف إذا وضعي الصحي يسمح على فكرة أول ليلة ما ضبطت لأن ابني خرب علينا و ظل طول الليل ينام شوي و يقعد و زوجي كان كذا بس الليالي اللي بعدها ضبطنا أنفسنا و هذا احنا رجعنا لحياتنا الطبيعية و الحمد لله |
اعتقد والله اعلم لانه يشوفك عنده طول الاربعين وتبلد الاحساس عنده
ويشوفك انتي انتي ماتغيرتي للاسف؟ لاحبيبتي ضروري المرأه تجدد بحياتها خاصة بعد الاربعين وبعض الحريم تكون كأنها عروس حتى باللبس اللحين ابدأي غيري من نفسك وروحي مشغل واصبغي وقصي وسوي اللي تسويه العروس عنايه كامله اكيد عارفه قصدي وانزلي السوق اشتري لبس جديد حتى ملابس البيت جديده وموديلات مختلفه وعطور وتولات جسم وشعر وكل يوم اطلعي له بشكل واهتمي بالعطور بشكل كبير كل شوي اتعطري مع الاهتمام بالنظافه الداخليه اهم شي واذا تقدري تغيري بغرفة النوم اضافات حلوه ورومانسيه وان شاءالله يرجع زي اول واحسن وطمنينا عنك. |
ماظن انه شكلها الخارجي له علاقه بالموضوع
الاخت ما صارت قبيحه بعد الولاده عشان نقول شكلها ما جذبه !! ربما يواجه مشكله بالعمل تسبب له عدم رغبه بالجماع فيتهيا له انه حتى لو بادر سيكون اداؤه ضعيف الافضل انك تصارحيه حتى لا نضع احتمالات قد تكون اكبر من الموقف نفسه .. خلي ثقتك بنفسك قويه وانتي جميله وستبقي جميله وجذابه حتى لو ولدتي عشرين مره .. |
أختي بسمة سعيدة... معلش غيرت اسمك
طريقة كتابتك لمشكلتك أوحت إنك والده أول مرة لكن من ردودك عرفنا إن هذا المولود الثاني.. و زوجك ما شاء الله دكتور يعني فاهم و عارف إنت شكلك أرهقت نفسك زيادة عن اللزوم .. ما فيها شي إذا طلبت مساعدة من قرايبك أو جبت وحدة تنظف لك البيت على الأقل تخفف عنك.. و ليه كل الأربعين قضيته في بيتك على الأقل كان ريحت لك سبوعين في بيت أبوك إنت مو " superwoman " !! يعني إنت حتكوني أم و لا زوجة و لا مدبرة منزل ولا ولا ... كل هذا راح ياخذ من صحتك و عمرك.. و ما راح يجي الليل إلا و إنت هلكانة.. كيف راح تقدري تستقبلي زوجك بابتسامة حبي نفسك و دلعي روحك عشان نفسيتك كمان تكون مرتاحة و لازم تشوفي حد يساعدك و معلش فهمي زوجك ما فيها شي هو كمان لازم يدعمك عاطفيا و نفسيا و ما فيها شي لو ساعد كمان في العيال.. في النهاية هذلين عياله و طمينينا عليك حبيبتي |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|