حبيبتي هو جالس يشوي ويتسامر مع صاحبه..
وانا اغلي بالغرفه لحالي بين 4 جدران..
فوق كذا ناقصني ارتب وانظف بعدهم..
كيف تبيني انبسط

زوجي كان يتهمني بالنديه واني ارادده..
وهذا كان يصعد اي خلاف بينا..
هذا كله بأول سنه زواج بس..
السنتين الثانيات تغيرت تدريجيا..
والان صرت ونعم الزوجه واللي لو يلف الدنيا مايلاقي مثلها..

هدوء وذوق واحترام وادب وانوثه
واناقه وجمال وسنع واهتمام فيه وبالبيت
وهو يثني ويشكر ويبوس راسي وبس
هذا اقصى شي عنده..
ويحس انه مسوي شي كبير بعد..

والله من القهر اللي فيني يا سر الحياة..
والمشكله كل الاعضاء لاموني سابقا
وكانوا متفقين على اني مقصره معه بالعلاقه..
وهو رغم كل هالتطورات اللي صارت
الا انه زاد بصده.. اكره الليل بسبته..
احاول انام قبل يرجع حتى ما انقهر اكثر..
لما اشوفه يتعمد يعطيني ظهره وينام..
بالايام والاسابيع.. وكأني راح اعيش كل عمري كذا..
شي يقتل.. خصوصا مع مبادراتي..
لو اني اطنشه مثل اول كان ارتاح ضميري..
اما انه هو يطنشي بعد ما اتجهز واتزين واتدلع
فهذا متعب جدا لي.. ولا ارى له اي داعي..
نكون طول اليوم مبسوطين.. ووقت النوم يحقرني..
يشغل نفسه بأي شي عني.. تلفزيون او جوال الخ..
واذا بان علي الضيق الشديد..
رجع من الدوام وطلب العلاقه ثاني يوم.،
وبرضو بدون نفس.. يعني يجامل..
شيء مقرف والله

طيب اختي انتي ايش هدفك .
ايش حابه توصلي له في النهاية

ابي اعيش زي كل المتزوجين..
لو يوم بالشهر اسهر مع زوجي.. رااااضيه..
بدون ما يتململ ويجامل ويقلب جواله..

ابي يحسسني اني انثى..
نمارس حقنا الشرعي مره في الاسبوع.. ما ابي اكثر..

ووقت النوم مايعطيني ظهره كأني نايمه مع عدو..
علما ان حركه الظهر هذي له فيها شهرين او ثلاث.. ماكان كذا..

ابي اعيش بشكل طبيعي.. بس بس بس

أعلم عزيزتي وأُقدر ماتمرين به ..
لكن رُبما هذه الكلمة نكرتي له الجميل السابق ..فلا أٌريد أن تكوني ممن تغضب من زوجها وبسبب القهر الذي بداخلها تقول كلمة ليست جميلة وتعتبر من الذين يكفرن العشير ..
أنتِ تتغيرين للأفضل والتعامل معه ومع أي انسان للأفضل يحتاج صبر ووقت ..وأنتِ مازلت في البداية ..
أُريد منكِ أن تكون أكثر صبراً وتحملاً مع ماتفعليه من خطوات ..
وكذلك نصيحة مني عندما تكوني أنتِ الأفضل أولاً لأجلكِ أنتِ وبالعكس هذا يجعلكِ ترضين عن نفسكِ ويعطيكِ شعور جميل اتجاه ذاتك ..
نصحتكِ لأني محبة لكِ وأُريد أن تسعدي في حياتكِ وتصبري على تغييره ..
الله يسعد قلبكِ

جميل إنه جامل وهذا يعني بأنه خائف على مشاعركِ ..
بعض المجاملات تكون بداية يقظة ..
استغليها للأفضل وليس للتذمر ...

كل الي قلتيه اختي بسيط و يهون . صدقيني اختي زوجك مو سيئ
ابدا

بل زوجك طيب و يحبك و يعزك

هو أخطاء كثيره و انتي كمان

انتي عندك تراكمات و هو ايضا

انتي عايشة بصراع معه و ضغطه علئ نفسك و عليه

يا ريت اﻻخوات يفيدوك اشلون تطلعي الكبت الي جواكي

اشلون تشوفي هذي المشاكل بسيطه بمنظور اخر
اكثر إيجابية

اختي كوني وسط
لا تقلبي الطاولة تماما
انت بحاجة لجزء من الحياة خاص بك
و عندما تكوني متواجدة لا تقصري بامور المنزل و طفلتك
و ترتبي بدون مبالغة و اظهار رغبتك.بما ان تلك الطريقة في استجداءه للغزل لا تنفع

__________________

يا كنافة ما ادري وش اقول لك وانا اشكي مثلك واكثر

زوجي زي زوجك معدنه طيب وبوادره تقول انه يحبني

بس لما احاول اعيش معه الدور الطبيعي للانثى مع الذكر تبدا الامور تتوتر

ردات فعله تحسسني انه يشوفني شي وباقي الحريم زينات والا شينات شي ثاني

ادخلي موضوعي وشوفي اللي صاير معي

وللحين انا واياه في هذي الدوامة ..
ابي اتذكر نفسي اول كيف كنت عايشة حياتي ومبسوطة ما اشيل همه وش يشوف ومع مين يتكلم وبايش يفكر

وودي ارجع زي ما كنت .. بس مو مخليني .. كل فترة يفاجئني بتصرف جديد يهز مركبي يشككني بكل شي بنيته معه

دخلت المنتدى زيك ادور حل ابي احد يعلمني كيف اتصرف ووشلون اتعامل معه .. مالقيت حل يرضيني .. ما حسيت احد يفهم زوجي زيي ولا يفهم مشاعري مهما كتبت


انا واياك يا كنافة نحتاج قبل ما نعرف نتعامل مع الزوج نصلح وضعنا من جوا


طالما انتي حاليا تعيسه بسببه وهو مو حاس فيك .. ما راح اقول لك سويله ليالي ملونة وصيري له شهرزاد لانه مهما سويتي ماراح يجيب نتيجه

انا واياك نحتاج نتعلم اننا نرجع نحب انفسنا ونتمسك بكل الاشياء الحلوة اللي بحياتنا وما نسلم الرجال مفتاح سعادتنا مهما كان

عن نفسي لقيت اشياء كثير تغيرت بحياتي غير زوجي .. والتغيير حصل مني انا:

اكتشفت اني ما طلعت مع صديقاتي من حملي الاخير يعني اكثر من سنة
واني بطلت اروح السوق برضو من حملي وصرت اشتري كل اغراضي واغراض عيالي من النت
ومن قبل ولادتي اخذت اجازة من الدوام وللحين اداوم اسبوع وارجع امدد في اجازاتي

يعني صرت لزقة بالبيت ولا لي شغل وهم الا هو واكله ولبسه ونومته


من فترة قريبة اشتركت بنادي .. يوم رجعنا بعد اول يوم وقبل ما اغير ملابسي ناداني قال تعالي سولفي معي

بصراحة فهمت شي من هذا الموقف

انه صار عندي جانب جديد يبي يعرف عنه

حسيت انه المفروض هذا اللي يصير اني اعزز الجوانب الخاصة فيني لحالي من غيره وغير عيالي

لازم اكون مشغولة بنفسي وحياتي واخصص له الجزء اللي يستحقه كجزء من حياتي
مو جدولي كله يصير ملكه ويادوب الاقي وقت لشي والا اثنين غيره

لازم اتمسك بصديقاتي .. باحتياجاتي السوق الصالون النادي ...

حتى بالبيت لازم يصير لي وقت خاص فيني يحترمه ولا يقاطعني او يطلب مني شي خلاله.. سواء اقرا قرآن او اتابع تلفزيون او ارسم ايا كان ..

لازم يصير لي جوانب في حياتي ماله علاقه فيها ولا يعرف كل شي عنها


كنت كذا من تزوجت وانا في دراسة .. وبعدين وظيفة وعضويات في جمعيات ونوادي .. وبزنس ومبادرات .. وحياة اجتماعية حلوة مع صديقاتي وبنات عماتي وخالاتي.. بس يوم قررت اسكر كل الابواب واجلس ارتاح ببيتي واتقرب من زوجي وعيالي نحشت الرجال ههههههههه

والله هذا اللي صاير

فشوفي انت نفسك قبل ما تتزوجين او قبل ما تبدا مشكلتك وفكري وش الاشياء اللي تحبين تسوينها واستعيديها بقووووة

طبعا بدون تقصير في اي حق من حقوقه .. لكن احذري انك تحبينه او تعطينه اكثر مما ينبغي


هذا من اللي تعلمته بالتجربه لعله يفيدك .. ويمكن يجي احد افهم مني يعطيك نصيحة افضل