المشاركة الأصلية كتبت بواسطة روح الطير

ما أكذب عليك أخوي ..

إنه الحالة هذه تصيبني دايما ، من يوم وفاة أبوي الله يرحمه ..
دايما ألوم نفسي و أسأل حالي ، يارب أنا قصرته في حقه ؟ ياربي صار الموقف هذا أنا غلطت عليه ؟
ياربي لو كان فيه كنت عملت و عملت و عملت .. إلخ ..

فهذه حالة طبيعية ( صدقني ) و غاليتي لمني بشوق و اللي أحبها من كل قلبي ( صدقيني ) ..
حالة جداً طبيعية ..

.
.

عشان كذا يوم عرفت بمرض أمي الله يرحمها ، و شفتها بالأيام الأخيرة كيف كانت تتعب كثير ..
كنت أحاول استغل الفرص اللي ما عملتها لأبوي الله يرحمه .. و من ربنا كذا سبحان الله ..
قبل لا أمي الله يرحمها تتوفى بثلاث أيام .. بست يدها و أنا خارجة من بيتها و أسألها
( ماما إنت زعلانة مني ؟ ) و كنت أبكي و الدموع زي المطر من عيني و كنت مغطية وجهي لإني خارجة
بس عيوني كانت باينة و أمي طالعت بعيني و شافتني أبكي ( أكيد فهمتني لإنها تفهمني من عيوني )
( فهمت إني أبكي حزن على فراقها ) ..

كانت وصلت للمراحل الأخيرة من المرض و ما تقدر تتكلم ..
و أشرت لي بيدها إنها ماهي زعلانة مني ..
ماعرف كيف ربي ألهمني الساعة هذيك و أسأل أمي السؤال هذا ..

.
.

المهم .. مع كل هذا الشي ..
إلا إني اليوم و أمس و قبله و من دخول شهر رمضان خااااااااااااااااااااصة ..
و أنا أفكر بنفس تفكير لمني بشوق ..

أنا يمكن زعلتها هذاك اليوم ، أنا يمكن أغضبتها بيوم ..
طيب أنا مرات كنت أمزح معاها و أرد عليها بكذا ، أكيد زعلتها .. بس ياربي هي تحبني أرد عليها كذا عشان تضحك .. إلخ من الأسئلة اللي ما تخلص ..

.
.

يعني اللي بأبينه و أوصله ،، إنه حتى لو رجعوا و عاشوا من جديد ..
و عملنا لهم اللي نفسنا نعمله لهم .. و رجعوا ماتوا و فارقونا ..

راح نرجع و نحس بنفس الإحساس ..

.
.

و الله حتى إني يوم أكل أي شي مرات و يعجبني طعمه ، افتكر بسرعة أمي و هي مريضة و ماتقدر تذوق
طعم الأكلة هذه ،، و تنسد نفسي لإني أكون اشتهيتها لأمي الله يرحمها و يغفر لها ..

.
.

بس الحمد لله إنه لنا (رب كبير ) و يحس بنا و عارف بكل هذه الأمور ،، و أعطانا طرق نوصل فيها هدايا لهم ..

كل ما حست لمني بشوق الإحساس هذا ، خليها تتصدق بنفس الوقت لأخوها ..
راح يفرح بها و هو في قبره .. و هي راح تفرح بالشي هذا ..

الأعمال الخيرية ، الدعوات .. كل شي ممكن نوصله لهم بالعمل و بالنية ..

و أنا اكتب الكلام هذا ، ترى كأني بأكتبه لنفسي ..
لإني محتاجة بالفعل لنفس اللي تحتاجه الغالية لمني بشوق ..

.
.

و نفس الشي بيصيبني ، أول ليلة في رمضان صرت بس أبكيييييييييييييييييييييييي بكاء من قلب
و اشهق من البكاء و زوجي حزن علي .. يسألني إيش فيك ؟

بس أقول له ( مادري ، مادري ) ..

اخر شي قلت له ( افتكرت أمي ،، و توي استوعب إنها ماتت و تركتنا ) ..
هو المسكين كمان أكيد تعب مني ههههه ..

المشاركة الأصلية كتبت بواسطة سيدة الموقف

المشاركة الأصلية كتبت بواسطة Beta2

كل عام وانتم بخير أخي .. سلامي وتحياتي للعزيزة لمني بشوق
لن أستطيع أن اضيف شيء على رد الحبيبة روح الطير فهي تتكلم من واقع تعيشه وجرحها قريب لكن خطر ببالي سؤال
اخي .. كان في اقتراح ببناء مسجد أو المساهمة عن روح اخوها .. ماذا جرى على االاقتراح ؟

المشاركة الأصلية كتبت بواسطة المتفائل بالله

السلام عليكم ورحمة الله تعالى وبركاته

أخوي اذا هي حاسة بالتقصير مع أخوها الله يرحمة وهو في حياتة خلها تنفعة وهو في مماتة!! خلها تروح تسويلة ماي سبيل او تطبعلة قرآن وتوزعة بالمساجد ، او تكفله يتيم ، او تطعملة مساكين ، او تبنيلة مسجد في أحد الدول الفقيرة ، او تحفرلة بير !! ترى الميت ماينقطع عملة إذا له أهل صالحين !! خلها تسويلة اي شي يمكن تحس بالراحة.

موفق.