وعليكم السلام ورحمة الله وبركاته

الحقيقه اتفق معاك فيما قلتيه فمن تعود على الاتكاليه وان يقوم شخص اخر بعمل اموره نيابه عنه فلن يعمل شي ويتكاسل وهذا امر سلبي جدا له ولمن حوله


فلكل شخص دوره الطبيعي والمناسب له اذا قمتي بعمل كل شي فما دوره اكل ونوم فقط ومن الرائع انك عودتيه على عدم الغاء وجوده والاعتماد عليه عكس ماكان قد تعود عليه

والناس ستختلف في النظر لهذا الموضوع حسب البيئه التي تعودوا عليها بارك الله فيك ونفع بك

__________________
الحمد لله على كل حال

ملاحظة

ابو زوجي .. ماهو شخص اتكالي .. و ما أجبرها على القيام بالاعمال هذه ..

انسان قيادي و مكافح .. و شايل بكل مسئوليات البيت ..

لكن هي تحب و تعشق انها تقوم بالاعمال هذه ..

هي تدور عليها ..

صاروا اولادها يرموا كل شي خلاص عليها ..

.
.

و دحين لما كبرت .. و صارت تطلب من اولادهم اي شغلة ..

يتهربوا .. و يتكاسلوا ..

و صارت تبغاهم يعتمدوا على حريمهم ..

.
.

و لما مرة زوجي اخد الجوال منها عشان هو يتفاهم مع العامل ..

قالتله مالك دخل ..

خلاص اكيد بيشيل يده و ماهمه ..

.
.

و يشوف بعد كذا .. انه عادي زوجتي تقوم بكل الاشغال هذه بنفسها ..

يا جماعة ..

امي ترملت و هي شابة .. و علمت اخواني من صغرهم انهم يقوموا بالاعمال عن مية رجل ..
يعني انا عشت تحت يد امرأة عن مليون ردل .. و كل واحد فينا كمل تعليمه و الحمد لله و توظفنا .. و راسنا مرفوعة ..
و ربتنا عالاخلاق و الدين ..

.
.

فرررررررق بين الي فهمتوه غلط .. و بين ام زوجي و الي كانت تربي اولادها عليه ..
و دحين باتحمل نتايجه ..

.
.

صح هي كل شي تعمله عن اولادها .. لكن تعلموا التهرب من المسئولية و الاتكالية ..

مثلا اول ما تزوجت كان زوجي عنده امتحانات الثانوية العامة منزلي ..
كانت تقول لي ( غششيه مافيها شي ) ..

يروح زوجي الاختبار .. و اخوه و اخته يغششوه بالجوال و ماعرف كيف ؟
و باتفاق مع امهم ..

و لما يرسب في مادة مثلا ..
هي تتصل على الاساتذة و تتفاهم معاهم و ترسل لهم انواع و اشكال من الاكلات عشان ينجحوا ولدها ..

هي تحب تخرج من البيت .. بأي حجة ..
عشان زوجها ما يسمح لها الخروج للاسواق او افراح او مناسبات ..
فمثل الشخص المخنوق .. تقوم تدور على شغلات عشان تخرج من البيت ..

.
.

زوجها قايم بكل شي ..

و انا امي كانت ارملة و معاها ايتام و كانت تقوم بكل شي بعزة نفس .. عشان ماتحتاج لأحد و لانها مضطرة ..
و علمت اولادها عالمسئولية من صغرهم ..

.
.

ام زوجي ماخدة الامور هذه ( تسسسسسسلية ) ..

و دحين تقول لاولادها .. بعد ماكبرت و صارت تطلب منهم بعض الشغلات و يطنشوا و يتهربوا ..
تقول الله يهديكم ..

.
.

جلست معاها قبل كم يوم .. جلسة ودية و بأسألها هو ليه كذا زوجي ؟
كنت ابكي لانه تركني اتفاهم مع صاحب البيت .. و صاحب البيت رفع شكوى بإسمي للشرطة و زوجي ابرد ماعنده ..
و يقولي زوجي انت تفاهمي معاهم ..

يعني الي بينتقد .. خليه يضع نفسه مكاني .. قبل الحكم ..
و يكون منصف ..

.
.

وقتها ام زوجي قالتلي ..
هي كانت كذا و كذا و كذا تعمل ..

قلتلها انا تعودت اخواني هذه الشغلات يعملوها هما لنا و ابويا لما كان عايش ..
و امي ماكانت تخلينا نحتاج لشئ ..

فما اتحمل ..

كانت زمان تحسبني يمكن امثل عليهم ؟او اكذب ..
بس لما شافتني اخر مرة ابكي و من جد كنت ابكي مو تمثيل ..
بدأت تتعاطف شوي معاي .. و اول مرة نتكلم ..

زمان كانت بس تدور اي سبب عشان ترمي عيوب ولدها علي .. او تنتقدني ..

انا قوية ظاهريا .. لكن داخليا لا ..
سهل انجرح ..

لو زوجي رد علي بطريقة عصبية .. اسكت و ما ارد ..
بعد فترة ابكيييييي ... ماتعودت ابوي او امي او اخواني يصرخوا علي ..

انا عملية بشغلي و جادة بعملي ..
لكن مجرد ادخل بيتي .. احب اكون زوجة و ام .. و امرأة و انثى ..

اسجل ولدي عن طريق النت .. اتصل و احجز بالتلفون مثلا فندق ..

لكن اروح اتمرمط و ادخل وسط الرجال و اخلص اشغال .. و زوجي نايم و عاطل ؟
مستحيييييل ..

.
.

حماتي عندها عادي الشي هذا ..
تشوفه شي طبيعي ..

.
.

فزوجي اكيد بيشوفني انا اللي مو طبيعية

انا مثلا اقدر اقوم بأشغالي ..

لكن ولدي عمره 6 سنوات .. علمته يساعدني و يتحمل مسئوليات ..
عشان لما يكبر .. يواجه الحياة بنفسه .. ما راح اكون أمه الي تدافع عنه و تشيل عنه كل مرة ..
هذه التربية الصح .. اني أربي رجال من صغره ..

مو اقول له .. حبيبي نام و كل .. و انا اخلص عنك كل شي ..
و بعدين لما يكبر .. ازوجه موظفة و اقول له اعتمد عليها .. و خذ منها و اعطينا ..

الله يعينك يا روح.. تأثرت بكلامك جدا..
وارجع واقول انتي صح مليون بالميه..
تفكيرك هو الطبيعي والسوي واللي تطالبين فيه من حقوقك..
بنفس الوقت زوجك يكسر الخاطر..
لانه مايسوي كذا بدافع عنادك او استغلالك او لؤم..
هو ضحية سوء تنشئة.. دلال زايد.. اتكاليه..

انتي حاولي تعززين فيه جانب تحمل المسؤوليه..
اربطيه عنده بمفهوم الرجولة.. والأبوه..
اذا عمل شي بسيط شجعيه.. حسسيه انه سوبرمان..
سميه الهيرو.. البطل.. العزوة.. شي زي كذا..
وبنفس الوقت حسسيه بضعفك واحتياجك له..
لا تسوين نفسك عنتر قدامه ابدااا..
حتى بالاشياء التافهه..
مثلا اذا طبختي وحطيتي الاكل بالصينيه ناديه.. قولي حبيبي شلها ثقيله علي..
وطبعا مايحتاج اقول لك تنادينه عشان يطلع زباله البيت.. هذا شغله..
اشتغلي عالفروقات اللي بينكم.. حسسيه بقوته البدنيه كخطوه اولى..
بعدين انتقلي لمرحله الامور الماديه..
اذا شرى شي حتى لو تافه.. طيري فيه وافرحي..
قولي هذا اثمن (اسم الشغله) جتني بحياتي لانها منك وعلى ذوقك..

انا ادري هالامور يبي لها مزاااج وطولة بال..
بس هم الرجال كذا يبي لهم نفس طوووووويل..
لكن نصيحه ابعدي عن المواجهات والنقاشات.. والله مامنها فايده..
ولا تخلينه يقارنك بأمه ابداااا..
دايما لمحي انها من جيل وانتم من جيل ثاني..
خليه يشوفك ستايل عملي ويعيش معك المشاركه وتحمل المسؤوليه..
وحتى لو بيشيل معك الاغراض.. افرحي وسولفي..
عشان يستمتع بمفهوم المشاركه معك..
الله يعينك ويسخره لك..

بكر الشايب

ايش هو دور الرجل ؟
حابة اعرف منك ..

ترى انا الي قايمة بكل شي في البيت .. هل معناها اني انا رجل او مسترجلة ؟
لكن انا انحطيت بالظروف هذه ..

.
.

و عرفت السبب ..

أحب افكر هنا بصوت مسموع ..
لانه فيه اخوات فاهميني و يدلوني على طرق افضل للتعامل او يوضحولي اشياء انا ماكنت شايفتها ..

.
.

مثلا .. انا و حماتي .. تقريبا فهمنا بعض و سبب اختلاف نظرة كل وحدة ..
هي كان على بالها اني متعلمة و معايا شهادة و وظيفة .. اني بأكون وحدة مثل ماهي متخيلة ..

يعني تقوللي خلصي اشغالك بنفسك ..
و انا اتضايق .. ليش كل شي علي و انا اقوم بكل شي ؟ و فوق هذا كله ام زوجي عادي عندها لو ينام ولدها و يجلس عاطل و انا اصرف و اشيل و اعمل ؟ و تتمنى الشي هذا ..

.
.

انا لما اروح اي مشوار .. عودت زوجي هو يوصلني و يرجعني .. الا في حالة انه يكون مرتبط بوظيفته ..
وقتها اتصرف ..

هي تقول لي خلي اخوانك او السواق يخلص مشاويرك ..
و تنقهر لو عرفت انه زوجي بيخلص لي اشغالي .. تشوف انه من واجباتي ..

.
.

ولدي الصغير .. مرة كنا خارجين من البيت .. و لسى ما غيرت لبسي و اصلا راح البس عبايتي ..
قاللي .. ماما ؛ انت راح تخرجي و انت لابسة زي كذا ؟
ما يصير .. لازم تغيري عشان ماحد يشوفك كذا لابسة .. مكشوف من فوق و تحت ..

.
.

و لما جووا مرة عمال في البيت .. ارشلت ولدي و قلت له اوقف مع ابوك و تعلم منه .. و شوف العمال ايش يسووا ..
قالي ماما لاتخرجي من الغرفة عشان العمال ما يشوفوكي ..

.
.

كذا اتطمن انه ولدي لما يكبر ان شاءالله .. يشيل عني المسئوليات و يوقف مع الرجال و يتفاهم معاهم و يغار علي ..
مو يشيل يده عني ؟ و لما يكبر اقول ازوجه و بنت الناس تتحمله و تتحمل اخطاء تربيتي ؟

.
.

انا كتبت اني عرفت السبب الان ..

عشان اقدر بالتدريج .. اعالج المشكلة من جذورها ..

احب لما تكون هناك مشكلة .. ابحث لها عن حلول .. و ابحث عن اسبابها ..

.
.

يعني يجيك شخص مريض و تعطيه مضاد حيوي و خلاص ؟ غلط طبعا ..

لازم تعرفي ايش الاسباب و تعرفي العلاج المناسب له ..

.
.

مازلت عند سؤالي اختي بكر الشايب ؟

ايش دور الرجل بالمنزل .. برأيك ؟

روح اذا بتتكلمين عن ام سالم انا قلت بتزوجه ومابتريا رضاها ماقلت عنها مسترجله وتربيتها غلط في غلط وامي ايدها ناعمه وارمله وشلت المسؤليه ع راسها.. حللتي لامج وحرمتي ع ام زوجج.. روح انا موب قاعده اتهجم عليج انا قلت وجه نظري باسلوبي .. موب مجبوره تتقبلينها ..
وانا امي الله يرحمها من صغرنا المسؤوليه ع راسها وابويه كله مع الشيوخ والمقناص ومسافر .. هل معناته ها انها مسترجله.. ؟؟ او انه تربيتها غلط في غلط؟؟ تشلنا مدارسنا اجابل اكلنا ونظافتنا ودراستنا وشايله البيت على جتوفها وعمرها والحمدلله اخواني ع صراط ماشين وبطي المرحوم كان من المتفوقين وبعد وفاتها ووفاه بطي كل شي اخترب..
الام مدرسه ياروح والمدرسه اللي ماتعجبج لاتنتقدينها اتركيها بحالها

وفوق ها مااهملت نفسها ولااهملت عيالها وتربيتهم.. روح ترى ام زوجج تبقى ام وانتي عارفه معنى الام شو

والسموحه

كنافة بالجبن

هذا هدفي من موضوعي ..

اني اتعلم طرق مناسبة مثل ما انت كتبتي ..
مو اني انتقد حماتي .. لاني ماراح استفيد شي من انتقادها ..

تكلمت عن جانب فقط .. الي مخلي زوجي اتكالي و الي كان سبب لاختلاف وجهة نظري و نظر حماتي ..
دحين حسيتها بدأت تفهمني اكثر و انا بديت افهمها اكثر ..

هي فهمت دحين .. انه انا مو مثلها و ما اتحمل ..
مو مثل ماكانت متصورة هي عن الموظفات و المتعلمات ..

هم في عيلتهم بس وحدة تصير مرة عمهم .. الي مكملة تعليمها و معلمة في مدرسة ..
و شايفة حالها و قوية و متسلطة .. فيمكن اخدت فكرة عن الموظفات نفس الشي ؟

أنا ماني كذا ..
انا تربيت تحت يد امرأة .. عيشت ابويا كأنه ملك زمانه .. بيت نظيف و اكل جاهز و اطفال نظيفين ..
ندخل البيت نسلم على ابويا .. يتاخر عن الاكل؛ ماحد يبدأ قبل لا ابويا يبدأ بالاكل ..
نحترم ابويا في غيابه .. لما يكون نايم ماحد يسبب ازعاج .. ثيابه نظيفة و اكله جاهز .. البيت معطر ..

مانرفع عيننا لو ابوي خاصمنا .. كلمته مطاعة ..
ماتخرج الزوجة من بيت زوجها غير بإذن منه .. و ماتدخل اشخاص هو غير راغب بهم ..
.
.

و علشان كذا

مهما بلغت من العلم بإذن الله ومن الشهادات ..
انا في البيت و مع زوجي .. ما اكسر كلمته امام اطفاله ..

زوجي معروف عند اهله .. انه اصغر اخواته ترفع صوتها عليه و تتريق عليه و تشتمه و هو ساكت مايرد ..

فيستغربوا لما يشوفوا اولادي يحترموا ابوهم .. و يسمعوا كلامه و مايكسروا كلمته ..
و نفس الوقت يحبوه و يدوروا عليه ..

.
.

انا ايش ما وصلت من مراتب علمية ..

اكون امرأة و زوجة و ام ..

و محسسة زوجي انه هو المسئول عننا و عن توفير الامن لنا ..

.
.

بدأ يتغير و يتحسن ..
لكن بصعوبة كنت اواجهها ..

عرفت السبب ..

حماتي حكت لي عن نفسها و كيف كانت ..
و انتبهت هي .. اني مختلفة عنها ..

حتى اخر شي قلت لها ..
عشان كذا عرفت دحين .. زوجي يبغاني اصير مثلك ؟
قامت ضحكت و انبسطت من الجملة ..

قلتلها كيف نحن تربينا و اني ما اقدر و ماتعودت .. و هي فهمتني و فهمتها ..

.
.

برضو .. هي طبيعتها بشكل عام .. مثل الرجال ..
تستخدم كلمات ماكنت اسمعها غير غند الشباب ..

بنت بو ظبي

انت شايفة كلامي عنها انتقاد ؟

هي تشوف انه فخر ..

هي تحب تكون كذا ..

ماعندي وقت انتقد تربيتها .. هي ربت و زوجت و خلاص انتهىىىىىى ..
و وقع الفاس في الراس ..

دوري أنا الان ..

و بابين طريقة تربيتها .. عشان اعرف اتعامل مع الموضوع هذا ..

قلتلك الموضوع وصل للشرطة و زوجي يقول تصرفي انت مالي دخل ..
بس هذا مو موضوعنا الشرطة ..

بالرغم من كوني فاهمه وجهة نظر روح الطير ، لكن اشعر بالغثيان وانت تتكلمين عن ام زوجك بهذه الطريقة