ماتوقع انه متزوج ..
ممكن يتابع اشياء مو كويسه وفهمكم كفاية 🙂
افكر لما يرجع اقعد عند اهلي اربعه شهور زيادة ..
واعطيه العيال ..

حبيبتي
اناي عطيتيه المجال
قاعده عند اهلك وهو مبسوط برى مؤمنكم عند اهلك
يفترضما تحركتي من شقتك
وخليتيه يتورط صدق

معلش اختي وش ذنب العيال
انا مستغربه كل من حب ينتقم من زوجته او من زوجها استخدمت هالعيال
تراهم امانه برقبتكم
وان قصر هو بيسائل عند رب العالمين
تقومين انتي وتقصرين وترمينهم بعد
هم ما طلبوا يجون للدنيا
تشوفينه مقصر معك ومغصوبه عليه
تحملين فيهم ليه
لا اختي فيه اكثر من طريقه تتفاهمين معاه
لكن عيالك الي فيهم كافيهم

من موقف المستفى زوجك ارحم من ابوك صراحة

اذا تطلقتي بتعيشين تحت رحمة ابوك من جديد ولا تتخيلين بتتزوجين مرة ثانيه بسهولة واذا تزوجتي ممكن يكون اسوأ من زوجك ..... طوري نفسك ولا تبقي عالة لا على زوجك ولا ابوك عزي نفسك يعزوك الناس .... عندج سهادة؟ حاولي تدرسين او اشتغلي بأي عمل تجيديه ما شاء الله الحين البنات يسوون منتجات اشكال والوان وينجحون نجاح باهر

ما شاء الله يقطع البحار والوهاد ليدعوا الى الله
وهو يعصيه في مكانه!!!
قوليله ما تخاف من التناقض اللي انت فيه

عموما لو منك اسعى لوظيفة اولا
ثم اجلس معه جلسه حازمه وقويه ومحترمه
واقوله امساك بمعروف او تسريح باحسان
وانت كذا وكذا وكذا وانا واولادك نحتاج كذا وكذا
وطلعي اللي بقلبك من سنين
يا تصحى لنفسك يا ولد الناس يا كل واحد بطريق

واذا على الدعوة حول دعوتك ببلدك
هم عندنا فساد زي باقي خلق الله
خل مجالك داخلي ..نصلح اللي داخل بعدين ندور صلاح اللي برا

وقتها بتكوني موظفه ويعرف انك مستقويه بمالك
وما بيجادل معك كثير ويتغير لو 10 بالميه ان شاء الله

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

شخصية زوجك وااااااضحة
يركض ورا ناس مايحتاجونه ولا يهتمون له
وتارك اللي محتاجين له ويحبونه

انتي اذا صرتي من الفئة اللي ماتحتاج ولاتهتم
هنا بيركض وراك
زوجك من الرجال اللي لا يحس ابدا انه ضامنك
عشان ماتخسريه ويخسرك


توظفي او اعملي مشروع حالا
اعملي رفريش لعلاقاتك وصداقاتك
ارجعي تذكري طموحاتك وحققيها
راح ينكد عليك بالبدايه.. تحملي شوي
بعد كم شهر انتي بنفسك بستغربي تحسن تعامله


الله يوفقك

الله يكون بعونك

اخونا في الله يدور الاجر برى ومهمل اهله وينه عن قول الرسول صلى الله عليه وسلم ( خيركم خيركم لاهله وانا خيركم لاهلي )

والله يبغالك تاخذين موقف قوي وبدون تراجع .، سؤال بس تشكين انه يتزوج هناك ؟
مستحيل يبعد عن زوجته هذي المده كلها

تواصل مع الجهه اللي يروح معها للدعوه ، ان الامر فيه تمادي و مضيق عيشتك .

السلام عليكم ورحمة الله وبركاته
ما أحب أزيد عليك وأول مره أشارك بردود لأني أشوف إني ماني في موضع شخص عنده القدره يحل مشاكل الآخرين لكن لعلها مشاركة بسيطة إن أفادت الحمدلله وإن أخطت فأعتذر

قريت موضوعك كله.. أنتي نفس نوعية زوجتي.. يا أختي الأمر هيّن ولا يحتاج طلاق.. ما يحتاج أصلاً تفكير في هذا الأمر.. زوجك ولله الحمد إنسان يخاف الله وأنتي أقرب من تعرفينه.. مثال خير وخير مثال.. يمكن ما عنده وقت في السنة كلها إلا هالوقت يطلع فيه.. وطالع لويش! طالع لدعوة! جزاه الله كل خير..

الأمر بسيط ورب البيت.. ولا يحتاج زعلك أصلا.. الدنيا بنعيشها مره وحده ليش نزعل!
كلها كم يوم ويجيك إن شاء الله.. وكلامك انك بتجلسين عند اهلك وبتودين الاطفال عنده ومراسلته هذي كلها مالها سنع! بدل ما تكونين له سند وعضيد تعيقينه! ان شاء الله الولاده الجايه يكون معك! وبعدين بيني وبينك! هالأمور البنات يشوفونها أمور صعبه! شيبانا أول ما عندهم هالأمور! تروح المره تولد وتجي تشل ورعها في يدها ما فيها إلا العافية.. أنا ما أقصد كوني مثلهم! لكن لو رجلك موجود وش بيسوي! بيدخل معك! بيمسك يدك! يكون موجود؟ كلها أمور لو نظرتي لها ترا عاديه! وجوده وعدمه ما راح يسهل عليك الألم ولا شيء..

بالنسبة إنك ما تردين على أبوك معليش هذي قلة أدب وسامحيني على المصطلح.. وعصيان لله سبحانه وتعالى.. فوق إنك زعلانه من دون سبب مقنع(يمكن تشوفين سببك مقنع بس فعلياً هو ما ضربك ولا تلفظ عليك اقصد كذا ممكن تكون الاسباب) على زوجك تجين الحين وتسوين كذا في أبوك!

بالنسبة محد جاكم! المشكى على الله! وين إخوانك؟ وين عمانك؟ خوالك؟ زوجك الآن خارج البلاد! بغض النظر عن السبب لكن وين أهلك يجون ياخذونك! لا تلومين زوجك على الشيء هذا ماله دخل.. لا تقولين لو هنا كان وكان! الآن أنتهى الأمر..

هذا ليس المقصود بالآيه.. وهذا ليس تشدد في الدين.. وليس تدمير حياه..

بعض الإخوان اللي يقولون.. مهو ضرورة زوجك يروح.. ومدري كيف! يا إخوان اتقوا الله.. بدل ما تلطفون الجو.. لا تزيدون الفجوة.. وتحسنون الوضع لا تخلونه تكون فعلا مشكلة.. الأمر بسيط.. والزعل بيروح.. وترجع القلوب أقوى مما كانت..

وأنتي يا اختي رساله اخيره لك.. رضى الله من رضى والديك وزوجك.. والدنيا سهالات.. ومالك الا هو وماله الا انتي.. وعيالكم.. سوي لك مشروع .. خليه يساعدك واستقلي فيه.. يعني شوفي شيء يشغلك في وقت فراغك..والله يسهل امرنا وامرك..

اخوي ماخاب من استشار
مشكله الاخت مو بسيطه زي ماتقول


الرجل اللي يغيب عن زوجته 4 شهور
عند الفقهاء كلهم من حق المرأه الانفصال
لان هذي اقصى مده تصبر فيها المرأه
الزواج اعفاف وتحصين للطرفين
اذا ماتحقق هالشي ايش الفايده؟!
اذا بتعينه تروح معه
مو تجلس وحيده مع الاطفال

بالنسبه للانثى وقت الولاده
هالشي مايتفهمه اللي النسااااء
الرحمة حلوه وقمه الرحمه ان الزوج مايتخلى عنها بأصعب اوقات حياتها
ترى الام المخاض تعادل نزاع الموت
صح هو ماراح يقص الحبل السري ويختن الولد
ندري في اطباء ومستشفيات
لكن حضوره ككيان مهم للاسره
ولو اضطر يتركهم مايكون بالشهوووور
شيء مؤلم
الله يصبر النساء
المرأه جدا ضعيفة بمجتمعنا

حبيبتي صاحبة الموضوع قلبي معك