أحس بدري تسألينه هالسؤال الحين
ماتدرين مين يعيش ومين يموت لذاك الوقت
وزوجك صار له ظرف خرّب عليه إتفاقكم وبما إن أبو زوجته تعبان توقعي الأسوأ
ع العموم المفروض تكونون بمدينة وحدة ليه هالتشتت!

__________________

وبدأت تحدي إنقاص الوزن الهدف إن شاء الله 55 كيلو

زوجي ايه وداها لأهلها وهو حالياً عندها
بس مو عارفه كيف اتصرف بخصوص عيد الاضحى
هل اكتب له رساله تتضمن فيها سؤالي عشان
اعرف جوابه او اتركه

وبخصوص اني اسكن معاه في منطقة زوجته
اهو اقترح علي كثير هالشي بس انا مابي
مابي ابعد عن اهلي ما اقدر والله

يعني هذا شرطي انا اني ابقى بمنطقة اهلي

انا ما اقدر اعيش بمدينة بدون اهلي
ما اقدر والله..
انا ودي انه يكون شهر هنا وشهر هناك كذا مايكون في اختلاف ابد
بس مشكلة زوجي انسان داخليلاً احس ماعنده استقرار حركي ومايحب يقعد بمكان واحد وهذا الكلام قالته لي امه
قالت من وهو صغير هذا طبعه
بس طبعاً هالشي متعب لي ومرهق
انا افكر بالسنين الجايه صعب هالشي
وعلماً ان زوجي حالياً بدون شغل مره مره متعبني هالامر
هو المفروض يكون اساس شغله بمنطقتي
بس احس انه متردد لأن هذا الشي
بيمنعه من فرفرته وبيقيده واحس انه يماطله كثيييير انا كنت انزعج منه وانصحه
الا شغلك يافلان اشتغل بأي منطقه مو مشكله بس مو تبقى بدون وظيفه كذا

ابتسامة ورد تتمنى ينقلها مكان سكنه
وانتي يطلبك وترفضين!! سبحان الله
خلاص اجل تحملي الشتات

نفسي اعرف سر تمسك بعض النساء بالبقاء بجانب اهلها
خلاص يا اختي تزوجتي تروحين مع زوج وتزورين اهلك
اما تجلسين جنب اهلك وتبين زوجك اللي يزورك صعبه

دامه قرارك تحمليه

__________________
( اللَّهُمَّ آتِ نَفْسِي تَقْوَاهَا، وَزَكِّهَا أَنْتَ خَيْرُ مَنْ زَكَّاهَا، أَنْتَ وَلِيُّهَا وَمَوْلَاهَا )

كلن وله ضروفه
انا بزواجي الاول بعدت عن اهلي وتشتت كثيييييير وماعندي النيه اعيد التجربه

وخصوصاً ان زوجي ان احتمال وظيفته تكون بمنطقتي

إبتسامة الورد ياليت اتواصل معاها بستفيد من خبرتها وتجاربها الكثير

هذا مو موضوعي اسكن في اي منطقه

موضوعي ابيكم تساعدوني كيف اقول له هذا الكلام بخصوص العيد
زوجي انسان يكره النقاشات وانا اكره فيه هذا الطبع اي موضوع اذا تناقشنا فيه غالباً مايتم
والموضوع اذا كان فيه حق من حقوقي وطلبته بوضوح بدون لف ودوران غالباً يقبله

كيف اتصرف معاه

بسيطه دامه يتقبل الحقوق

قولي يافلان انت عيدت عند زوجتك من حقي انه تجيني من اليوم الفلاني الى بعد عيد الاضحى اشتقت لك وحبيت اذكرك بحقي الي عليك

وسالفة السكن زواجك الاول كنتي بدون اطفال لذلك تقولي كنت مشتته

بعد وجود الاطفال رح يتشتتو أطفالك وتضيع حقوقهم وحتى تربيتهم فيها شتات

مارح تحسي بدا الشي الا لما تنجبي اكثر ولما يكبرو اكثر ودام الموضوع بيدك الان لا تتركيه حتى يفلت من يدك غداً

وان شاء الله ماتتذكري كلامي وتندمي

الحل ان تنقلي انتي وبنتك لمدينة زوجك وتساعديه في لم الشمل,
وبكذا بنتك تقدر تشوف ابوها باستمرار وتتعرف على أخوانها...

يعني زوجك بيقعد معها عند اهلها كل المدة هذي ويمكن من كلامه انها بتجلس لعيد الاضحى وهو معها ..سؤال ليه مايخليها عند اهلها طيب في الوقت اللي المفروض هو عندك هو يجي عندك عشان يعدل بالايام يعني مو عذر هذا..ثم من العدل ان يعوضك ايام رمضان اللي المفروض كان فيها عندك وقعد فيها زيادة عندها..الحق حق..الا اذا انت متنازلة من عندك هذا شي راجعلك..انت اعرف بزوجك

اختاري

اما اهلك او حياة مستقرة

اما تبين حياة مستقرة بمدينة اهلك ومع زوجك ماينفع ياعروس

انتي شوي تتصرفين بانانية ولا تزعلين

من وقت ماتتزوجين انتي انسانة مستقلة تماما عن اهلك.. زوجك مررة مسايرك بموضوع اهلك لكن الوضع ماراح يستمر كذا

مهما حاول يسدد ويقارب صعب يمشي نظام حياته ونظام زوجته وعياله وكذلك نظام حياة بنتكم على رغبة عروس بقرب اهلها

انتي تشوفينه معقول؟

هو مايقدر يقطع نفسه.. عنده التزامات وانتي راعي هالشي

اما تبين تبقين عند اهلك وهو عنده اسرة ثانية وشغل بمكان ثاني ولاتبين ولا شي يتغير مايصير

قد يطقها بوجهك بيوم من الايام بطريقة ما.. اذا حبيبك عسل لا تلحسه كله

اذا هو راضي بجلستك بمدينة ثانية لا تستغلين هالشي وتخربين على نفسك نصيييحة

وترا البعد يقسي القلب غصب

ومسؤولية بنتك بتكبر.. وهو ماراح يحس بهالشي وهي بعيدة مستقبلا.. بتلاقين نفسك شايلتها لحالك وفوقها نص درزن بزران

كل هذا ماراح يكون شعور سهل ابدا

انتبهي كله ممكن يصير

__________________

اختلافي عنك لا يعني اختلافي معك