سيدة الموقف
بس هالشي كبير ومو عادي
فكرة نظرة لهالاشياء بغض النظر عن الغيره اللي هي شي اكيد طبعا
حراااام
كيف بيربي ولده على الصلاح والخوف من الله
وهو كذا ،، لو كان ينظر لها كان ارحم من انه ينشرها
مع انه يقول اول مره وندمان بس ولوو
اما مسالة التفتيش فاني والله اكرره هالطبع
بس هو اللي حدني على هالتصرفات

الله يعطيك العافيه

ذكريات لاتغيب

ذكرته بولدنا وقلت له لو تشوفني اتراسل هالاشيا
مع صديقاتي يرضيك واكد لي انه ماراح يرضيه هالشي
انا من القهر اللي فيني تصرفت بدون شعور
انا تربيت في بيت ملتزم
لااغاني ولا غيره
صحيح ماني مثل اهلي الله يتوب علي
بس اكيد هالشي اثر فيني كثير مو متخيله
زوجي يكون من هالنوعيه من الشباب

مشكورة

الاخ سيف
ماكان في بالي اني اخبر اي احد
واساسا انا كتومه حتى امي عمري
ماقلت لها عن اي شي يضايقني
مااحب احد يشيل همي
بالنسبه لموضوع اني اشوف الغلط واسكت
مااقدر وحتى لو سكتت يبين علي
الله يهديه يارب
والف شكر

أختي انتي ببداية الزواج ..
والمشاكل لابد منها..
وأكيد فيه أشياء ما تعجبك يسويها زوجك
وفيه أشياء ما تعجبه فيك وانتي تسوينها

شوي شوي بيتركها إن شاء الله..
المهم إنك تحتوينه بحب مهما كانت المشكله..
الآن هو يحس بالندم إذا زعلك..
بعد فتره ما عاد يهمه زعلك..إلا إذا كان اسلوبك معاه هادي ولين

وانصحك صلحي نفسك ما تدرين وانك وثقتي فيه وخلاص
ودلعيه واشبعيه من كل النواحي..
واهتمي بنفسك..

أختي مشكلتك بسيطه .. تعوذي من ابليس

اقرأي هنا عن المشاكل .. أنا ما استهين بمشكلتك أو احساسك بالألم
والصدمه بزوجك
لكن انا اقولك انه شيء مقدور عليه بإذن الله
المهم الاحترام والتفاهم بينكم

واصدقاءه لهم تاثير عليه..
والرجل ببداية الزواج يحب يبين لأهله واصحابه انه ما تغير شيء
وهذا انا زي ما تعرفوني..
بعد فتره يتغير الوضع..خاصة مع وجود الأطفال

إذا كانت مشكلة زوجك في مشاهدة الإباحيات فعليك مساعدته للتخلص من هذه العادة لأنها نزغ من الشيطان و ليست حبا منه

__________________

	رأيي يحتمل الخطأ

أختي الفاضله
سهلي الأمور وبسطيها ... تسهل بإذن الله
كبري الأمور وعقديها ... تتعقد

أذكر عضوة معنا في المنتدى كانت مشكلتها شبيهة تماماً بمشكلتك ( مقاطع وصور )
عقدت الأمور وكبرتها حتى تطلقت من زوجها
تجسس .. تتبع .. تفتيش .. ضبط .. دلائل .. قرائن ..... الخ
وقفت ضد زوجها , بدلاً من أن تقف معه .

اختي انا مع الاخوات فانا لاارى ان مشكلتك تستحق ترك المنزل انصيحه وذكريه باننا نحاسب يوم القيامه وان عليه الخوف من رب العباد فالانسان لايعلم متى تحين ساعة الموت انصحيه وادعيله بالهدايه والله يحسن خاتمتنا يارب

__________________
اللهم فرج همي

دامه اعترف بالغلط وشاريك لاتزودينها عليه
بالعكس حاولي تكسبينه اكثر
ربي يوفقكم

اهلا بكم جميعا
انا لما شلت اغراضي في بالي بزعل
وبرجع مافكرت بالطلاق
بس كنت ابيه يحس ان هالشي يهدد حياتنا
وانه لو عادها يعني مو مهتم
انا مااقدر اعرف انه يشوف هالاشيا واسكت وربي انفجر صياح فورا مااتحمل
نفسيتي متغيره من دريت اول مره لي شهور
اثر على مزاجي وهالشي واضح للكل
صرت قلقه اخاف يكون فيه اشيا اكبر
تعبت من التفكير
انام جنبه وانا ابتسم وفي داخلي غصه
ليه يجرحني بهالاسلوب
يعلم الله اني احبه من كل قلبي
واتنازل عن اشيا كثيره عشان مااضايقه
وهو عارف هالشي هذا جزاي؟
انا ماانتظر من تصرفاتي رد
بس مايقابلها باستغفال ومسخره وكذب
كذب علي مرتين وقال ماله دخل واتفاجأ انه هو يرسل بعد
ويقول ل قريبه ما الومك !!!!

انا قلت له انا كل ليله ادعي علي فلان( صاحبه في الدوام)
مثل ماخرب حياتي
تبي تكون في نفس الموقف تبي تخرب حياة قريبك
وانا اعرف زوجة قريبه وربي متهورة وفضيحه
ماراح يبقى احد مايدري

مشتته
مقهوره منه وخايفه عليه
زعلانه و ابي اكلمه
ابي ارجع اثق فيه بس مو قادره
ابي ترجع حياتي مثل قبل
ماحب اكون كذا وعمري ماكنت طفوليه ولا طبعي التجسس
بس هالمواقف حدتني على كذا
ابي ارجع مثل بداية زواجي
ابي احس بالاستقرار اللي قبل

عفوا متطفله وليس طفوليه ماقدرت اعدل داخله من الجوال