اختي عجيبه هالدنيا، انا احس بمشاعرك و اتفهمك و هناك ملايين من السيدات من مروا بنفس تجربتك فانتي لستي الوحيده


لا تتجاهلي مشاعرك و ابحثي و أوجدي حل لهذي المشكله و لا تهمليها


ابحثي عن السبب الحقيقي لاحساسك هذا - هل هو نابع حقيقه من شخص زوجك و تصرفاته ام نابع منك، ربما لم تتكيفي مع الحياه الزوجيه الجديده، ربما تحتاجين الى وقت اكبر حتى تتأقلمي


حاولي ان تكتشفي الجوانب الايجابيه في زوجك و ان تنظري الى شخصه بشكل موضوعي


ربما احساسك بالبرود نابع من انه لم يستخدم الاسلوب المناسب لكي في الاثاره و المعاشره - فممكن عن طريق قراءة كتب او استشاره متخصصه لن ترشديه الى الطريقه المناسبه لك - عدم الاشباع الجنسي قد يولد الاحساس بعدم الرضا و الكأبه




ان جربتي كل الحلول و الطرق و لم يتغير شعورك فلا تضغطي على نفسك و تقبلي بوضع انته تعيسه فيه و بالتالي تنعكس هذه التعاسه على زوجك


اتمنى من الله ان يفك ضيقك و يفتح قلبك لزوجك و تنحل مشكلتك على النحو الافضل

امين يارب العالمين

اتكاءة حرف!
مااعرف وش اقولك صدمتيني لاني ماتوقعت ان يكون فيه احد مشكلته مشابهه لمشكلتي
انتي بس الحين اللي راح تفهمني وتعرف وش انا امر فيه ووش كثر اتعذب
انا مااعترض على قضاء الله وقدره فالحمد لله سبحانه لايحمد على مكروه سواه
اولا قلتي لي استخيري عشان مااندم وانا اللى قبل كم يوم وانا استخير عشان مااندم

ثانيا وقفت كثير عليها حاولت القى شي يعجبني فيه حاولت اجبر نفسي احبه او ارتااح له اقل شي حاولت اكذب على نفسي واقول اني مرتاحه معه بس وربي الذي لااله الا هو سبحانه اني ماذقت طعم الراحه الى هاللحظه مااعرف كل تصرفاته ماعجبتني حتى طريقة كلامه اسلوبه يزعجني ماعرف وشلون اشرح لك
وهو سألني مره اذا فيه شي ابيه يغيره انا استحيت قلت وش بقول له طبعا جاملته قلت لامافيه شي ابيك تغيره لاني لو قلت ابيك تتغير كلك بيزعل وانا موتي ولااجرح احد
انا اعرف نفسي مافيني برود متاكده من هالشي بس اني اتقرف منه ولااقدر استمتع

ثالثا ماجت في بالي اني اروح لطبيب لاني فكرت فيها مااحد راح يفهم اللي انا اعيشه
رابعا انا احاول بس هو الحين يبغى اطفال مااعرف وش اقول له

خامسا انا اكثر وحده حساسه من الكلام واسمع واخاف من كلام الناس ضعيفه جددددا
شخصيتي تكاد تكون معدومه الكل يمشي رايه علي

سادسا مااهملت الحل الى الحين وانا ادور لي حل ابي اعيش لاني من جد احس حياتي منتهيه مالي هدف احس اني عايشه كذا وزي ماقلتي كثير قالوا لي اصبري بتحبينه مع العشره
والله انك صاقه في كل كلمه قلتيها
انتي قلتي !! فقد كانت في بداية الزواج لدي رغبة طبيعية والآن اصبح برود جنسي وتحول الى موت!!!!
وهذا اللي صاير لي بالفعل اقولك احس حيااتي منتهيه
لولا خوفي من الله وعذابه كان انتحرت

سابعا: حينما دخلت المنتدى وقرات طرق التعامل الزوجي والافكار المطروحة ووو الخ احسست بغصة تخنقني وداخلني شعور بانني الوحيدة المحرومة في العام من هذا النعيم! نفس شعوري ورب البيت بس انا عكسك حتى المحاوله ماقدرت احاولها معه

ثامنا االدعاء هو الشي الوحيد اللي اخذته من حياتي الحين
صدقيني احاول بقدر الامكان اني مااخلي يوم يمر بدون ماادعي الله واترجاه يفرج همي
واحاول الح اكثر واكثر لدرجه اني اقعد ساعه او ساعه الا ربع متواصله الح في الدعاء وهذا الشي الوحيد اللي مريحني
كلما دعيت احس بيجين الفرج باذنه تعالى
وربي يوفقك ويجزاك كل خير توقعت ان الكل بيهاجمني وبسمع كلام مثل ماسمعته برا المنتدى حرام عليك وترفسين النعمه والخ وانتي اعرف بالكلام اللي ينقال ويخلي القلب يتقطع ويزيد الهم
ربي يفرج كل همك ويوفقك يفتح لك ابواب رحمته ورزقه
الله لايحرمك ويعطيك كل اللي في بالك
الله يرزقك الجنه ويحرمك على النار
لك مني اختي دعواتي اصادقه ورجائي بان يتقبل المولى عز وجل دعائي

اختي مسلمة2005 انا كنت اقول كذا بس قريت على نفسي وماتغير شي
والله يستجيب دعائي رجاائي فيه سبحانه وتعالى جزاك الله الف خير

=================

اخي النور والحنان جزاك الله الف خير وصدقني اسألتك فكرت فيها كثير حتى قبل انت ماتسألها ولو كنت مافكرت فيها كان تطلقت من زمان
الله يشملنا برحمته وعفوه وجنته

===============
اختي مريوم صدقيني صعب تغيرين انسان خصوصا اذا كان كل شي ودك تغيرينه
وانا من النوع الخجول ومااحب اجرح احد جزاك الله خير

====================
اختي ناااااااني
انتي مافهمتيني ولاراح تفهمين علي ابدا ابدا صدقيني
انا ماحلمت بكل اللي كتبيتيه انا الل في خيالي انسان ارتاح له احس معه بالامان مو اكثر
صدقيني زوجي رومانسي بشكل مو طبيعي ومقتدر من الناحيه الماديه ومركزه ممتاز بس ماارتاح معه مارااح تفهميين صدقيني
انا ماقلت ولاطلبت مواصفات خياليه كل اللي كنت احلم فيه اني ارتاح معه واحبه ويملا عيني الزواج سكن وراحه يااختي مو رومانسيه ومال وجمال وانا مو مراهقه عمري 21 سنه
مااقول غير الله لايبلاك مثل ماابتليت والله يسااامحك
الحمدلله الذي لايحمد على مكروه سواه

==========================
اخي الكيف
مااعرف وش اقولك صدقني القبول والراحه والمان شي اساسي
انا يمكن قلت لزوجي في البدايه اني مااحبه بس يوم ترجاني سكت وكملت معه
والحين اخفي عنه هالشي ماابين له محترمته واحاول ابين له عكس شعوري
الله يوفقك ويفتح لك ابواب رحمته انه على كل شي قدير


===================
اخيsomeone33
كل شي فيه يخلين مااحبه بداية من طريقة كلامه اسلوبه تصرفاته
تفكيره
بس كل همه هذا وش عنده وهذا وش سوا وهذا وش حط وهذا وش جاب وهذا يغازل
اشياء كثيره انا اكره اللي يلاحق الناس ويحاول يتدخل عشان يعرف وش عندهم خلاص كل واحد حر في حياته
اشياء كثيره اكرهه فيه طباعي غير طباعه الاشياء اللي اكرهها هو يموت فيها
اهتمامتي غير اهتمااماته
ريحته انا مااعرف ليش الرجال يهملون الريحه انا مااقول ابغاه يتعطر والا تفوح منه ريحة العطر بس لو سمحت لاتجيني وانت ريحتك عرق الله يكرمكم والا طالع طول اليوم من الصبح الى الليل ولاتحاول تغسل على طول تجي تبدل ثيابك وخلاص
يحب يعلق ويتهزا بالناس وانا اكره هالشي طيب هذي خلقة ربي
اكره اتكلم معه والا اقول له وش صار لي بالجامعه او وش اخذنا تلاينا طول اليوم ساكتين مااحب اقوله اي شي
مااقول غير انه هم وابتلاء الله يصبرني ويرحمني برحمته
جزاك الله خير
=========================
اخي مناجي الصمت
انا ماتخيلت ولاقلت ان الحب بيجي من اول نظره وهمسه ولمسه وكلام الافالام والمسلسلات
انا ماطلبت غير اني اكون مرتاااحه له
افهموووووووني يانااااااااس الزواج سكن وراحه
وش فايدة الزواج اذا انا طول الوقت خايفه وضايق صدري واخر الليل بس ابكي ولااحد يدري عني غير الله سبحانه وتعالى
مهما قلت ومهما تكلمت ماراح تفهم لانه ورب السموات والارض شعور صعب شعور لايطاق تحس بالالم والعذاب بين ضلوعك وعظامك وداخلك تحس الالم يهزك هز
لااكل زي الناس ولانوم زي الناس طول اليوم تفكير احاول اعيش حياتي
قلت يالله هونيها يابنت مدام الولد يحبك اغصبي نفسك وهذا انا لي سنه ونص والشعور هو الشعور حاولت والله حاولت اني اتماشى معه ماقدرت عدم الراحه لشخص شعور مؤؤؤؤلم وشولن لو كان الشخص المفروض انه اقرب الناس لك وفي الحقيقه هو ابعد الناس
مااحب اقوله وش مضايقني وش يزعلني وش صار لي مااحب اتكلم معه لاني مو مرتاحه دايم قلقانه دايم خايفه
حاولت ا اتغير قلت له يوم عن اشيا ضايقتني في اخر اليوم تحسفت اني قلت له ندمت ندم

لانه يرجع ويكرر كل الكلام اللي قلته

وحتى ان كنتي لا تحسين بالراحة معه في الفراش ..
فذلك يرجع لأسباب نفسيه .. اختلقتيها انتي بسبب نظرتك العامة له !!!
ثم أنتي لم توضحي الأسباب ,, مجرد عدم ارتياح وبس
اخي لاتتهاون بالراحه الراحه هي اهم شي اذا انت مرتاح للشخص بتحبه وبتعيش معه وبتشعر بالامان معه
مارااااااااااح تفهههههههههم اذا انت ماتدري ليش تقول كذا والله مو بيدي هالشعور
مااقول غير الله لايبلاك بمثل ماابتليت والله يسامحك

==========================
اخي رونالدينو الله يهدي الجميع

اخي رينبو والله مااعرف وش اقولك من كثر الهم احس اني الوحيده اللي لها هالتجربه
بس الحين اكتشفت اني مو لحالي وفيه ناس كذا
صدقني يياخي لم اهمل المشكله واكبر دليل ان لها الحين سنه ونص وانا ابحث عن حل
لاتحسب اني مهمله حاولت بكل اللي اقدر عليه والله يهديني لطريق الحق ولثواب واللي فيه خير لي
الاحساس بالبرود مو انه مايثيرني لاني انا اتقرف منه
انا الى هذي اللحظه ادور لي حل ورجائي بالعزيز القدير ان يفرج همي عاجلا غير اجل انه على كل شي قدير
اخي هذا اللي صاير فعلا ضاغه على نفسي وقبلت باني اكون تعيسه بدون مااخلي احد يشاركني هالتعاسه والله والله محد درا عني وعن الالم اللي احس فيه في داخلي ولااحد درا عن دموعي اخر الليل
حاولت بقد مااقدر اني ابين العكس للكل ابتدا من زوجي لانه وش ذنبه اتعسه ضغطت على نفسي بس الله يستر لايجي يوم وانفجر هذا كل خوفي
لك مني اخي اصدق الدعوات بان يشملك الله العلي الدير برحمته وعفوه وجنته
ويحرمك على النار ويغفر لك ذنوبك جزيت خيرا والله يفتح لك ابواب رزقه
اللهم تقبل مني انك سميع قريب مجيب

اختي الحبيه عجيبه هالدنيا


هل انت لم تحادثيه قبل الزواج ولم تتعرفي عليه خلال النظرة الشرعيه..



انصحك بقرأة كتاب.. الرجال من المريخ والنساء من الزهره...


ومالك حل الا الدعــــــــــــاء


الله يولف بين قلوبكم ويسعدكم طول العمر ويلهمكم الراحه



لان ما نقدر نقولك خطه لازم تعملينها...لان قلبك ليس بين ايدينا نقلبه كيف نشاء



والله تعالى هو الملجاء ..فلا ملجأ ولا منجأ منه الى اليه وهو مقلب القلوب




اكثير من دعاء يا رب تحببني فيه وتبعد عني عيوبه ويقر عيني ويكون سكن لي




اختي الكريمه لا نستطيع ان نقول لك اطلبي الطلاق من زوجك لانك كما ذكرت بأن اخلاقه جيده ويحبك لكن المشكله بقلبك ...فلن نؤيدك على الطلاق بتاتا..




اذن حل المشكله..



دعــــــــــــــــاء + حسن ظن بالله +صـــــــبر +وقـــــــت= راحه بأذن الله وسعاده




فلا تقولي دعوت الله ولم يستجيب بل قولي دعوت وسأرى ما طلبت..






الله يوفقكم

__________________

اخي شوقي للحبيب
تعرف النظره الشرعيه كنت مستحيه ووالله اني مارفعت عيني بس اناظر الارض
وفي الملكه ماكلمني كثير وكل مكالمته كيفك ووش اخبارك
لااقول غير الحمد لله الذي لايحمد على مكروه سواه
جزاك الله الف خير

أهلين اختي عجيبة هالدنيا
اولا لا تزعلين من كلام اي شخص يعتب عليك في نظرتك لزوجك..
صدقيني انا ما الومهم.......!
تخيلي نفسك مكانهم تحبين زوجك واللي تعرفينه ان كل الحريم مثلك........ وقالت لك وحدة ان ماتحب زوجها مع انه يقولها شبيك لبيك انا بين يديك وش تتوقعين تكون ردةفعلك؟
نفس كلامهم الحين....احمدي ربك .... الخ الكلام اللي تسمعينه..

فلا يجرحك كلامهم لانهم ماقالوه الا نصيحة من واقع تجربتهم وجزاهم الله خير على حرصهم..


مسالة الطبيب ليش رافضتها؟
بالعكس بصراحة احد الاطباء كان كلامه مقتع مؤثر بس سبحان الله اللي ارتحت لكلامه وقفت الظروف اني ما اروح له!
ماا دري اطرقي كل الابواب علشان ماتندمين بعدين..
وصدقيني الطبيب -غالبا- شخص له تجربة ويعرف كيف يناقش ويقف عند افضل الحلول..
حتى لو ما لقى حل واقترح الانفصال راح يساعدك في تهيئة الامر!

بس ودي ما تصيرين محطمة كذا حاولي تعيشين حياتك بشكل طبيعي دراستك...صداقاتك قراءاتك الخ...لا تستسلمين للهم كذا
انا اتمنى انطلق بحياتي لو معاه بس يخليني امارس حياتي بحرية... لكن الحمد لله على كل حال
اهم شيء لاتياسين من الدعااااااااااااااء والتفكير العميق.....
وصدقيني لا تتوقعين احد بيقترح الطلاق صدقيني ماحد يتحمل ذنبك....فلا تنتظرين من اي شخص يقترح لك حل نهائي....كلنا نحاول نخفف...بس في النهاية القرار لك...
وعلشان كذا روحتك للطبيب راحتساعدك في اتخاذ قرار وعلى الاقل تقولين في نفسك بذلت كل الاسباب..
فببصراحةا نا لو حصل لظروفي اي تردي ما راح اندم لان فعلا بذلت كل الاسباب وصبرت ودعيت واستشرت لكن الفرج من الله...
الله يفرج لك يارب ولي ولكل مبتلى....

اختي الكريمة ...

اعانك الله على همك وحزنك ... وبدلهم إلى أفراح ومسرات

اولا اعتذر عن كلامي ...
قد يكون مجرد نظرة عامة متواضعة وسطحية على المشكلة
وليست تحليلا دقيقا ومشخصا لمشكلتك من قبل مختص
وذلك لعدم وضوح التفاصيل والأسباب كثيرا !!

ومن خلال ردودك على الأعضاء
وبنظرة ورأي شخصي .....

اقتباس:

وهو سألني مره اذا فيه شي ابيه يغيره انا استحيت قلت وش بقول له طبعا جاملته قلت لامافيه شي ابيك تغيره لاني لو قلت ابيك تتغير كلك بيزعل وانا موتي ولااجرح احد انا اكثر وحده حساسه من الكلام واسمع واخاف من كلام الناس ضعيفه جددددا شخصيتي تكاد تكون معدومه الكل يمشي رايه علي

أرى انك خجولة جدا .... وغير واثقة من نفسك في بعض المواقف
وهذا يختلف عن عدم جرح وتزعيل الآخرين .... لانك تسكتين عن حقك ,,
ثم ليس شرطا ان تصارحيه بأن كل شي فيه لا يعجبك
فستكون هذه نظرة سلبية جدا .... حاولي مصارحته ببعض الأمور الصغيرة
والأصلاح يبدأ خطوة خطوة ... ولن يكون بلمح البصر في لحظات !!!!

اقتباس:

ماجت في بالي اني اروح لطبيب لاني فكرت فيها مااحد راح يفهم اللي انا اعيشه رابعا انا احاول بس هو الحين يبغى اطفال مااعرف وش اقول له

لأنك تعيشين باحزانك معزولة عن العالم ... فلا تشعرين بفهم أحد لك
وهذا الأمر يحدث كثيرا في مثل وضعك !!!
ولكن لا بد من محاولتك للتقرب من زوجك
لان معظم الزوجات اللاتي لديهن نفس شخصيتك يحاولن تعويضها وتعديلها
بالتقرب للزوج حتى يشعرن بالأمان وتعود لديهن الثقة بانفسهن

اختي في الله
لن اطيل عليك ... فأنا متأكد انك تحسبين كلامي مجرد مثاليات نظرية لا فائدة منها
ولكني أقول لك بان الحل والعلاج لن يكون من أعضاء المنتدى على طبق من ذهب
ولن تجديه جاهزا وناجحا 100 %
الأعضاء الكرام بذلوا جهودهم في محاولة مساعدتك وافادتك بكل ما لديهم
وهنا يأتي دورك ...
اختاري من الأفكار والحلول ما ترينه مناسبا وفعالا في وضعك وظروفك
وابدأي التطبيق منذ اليوم ... ولا تيأسي مهما كانت النتائج

وإن صعب عليك أمر وجهلتي الاختيار ... فأسئلي من تثقين فيه
والمنتدى لا يبخل عليك بهذا الأمر ....
كما لا تنسي الأساس - الدعاء والاستخارة

صدقيني ,, إذا لم يبدأ الإنسان بمساعدةنفسه - فلن تفيده مساعدة الآخرين
خصوصا ونحن في عالم .. انشغل فيه كل انسان بنفسه (الا من رحم الله)

تمنياتي لك بكل خير في دينك ودنياك
وعسى أن يصلح الله حالك مع زوجك
وتجدين الراحة والامان والسكن النفسي
وتعيشا في جنة الدنيا والآخرة

واعتذر عن التقصير والإطالة

أخوك في الله
@ مناجي الصمت @

(وَعَاشِرُوهُنَّ بِالْمَعْرُوفِ فَإِن كَرِهْتُمُوهُنَّ فَعَسَى أَن تَكْرَهُواْ شَيْئًا وَيَجْعَلَ اللّهُ فِيهِ خَيْرًا كَثِيرًا) تاملي هذه الاية
ربما يكون في زوجك خير لا تعلمينه .. اصبري فوالله ما بعد الصبر الا الفرج وربما اذا رزقتي بمولود يتغير كل شئ وتحبين زوجك من محبتك لابنك .. اعلم ما تعانينه وصعب على الانسان تحمل ما لا يطيقه .. الدنيا كلها متناقضات ولا تعتقدين انك الانسانه التي تعاني .. كلنا نعاني ... ولكن نصبر .. واذا لم ينفع الصبر معك واصبحت الحياة معه مستحيلة عندها شرع الطلاق ليكون راحة لك وإنهاء هذه الحياة على كُرهٍ من الإسلام فإن أبغض الحلال إلى الله الطلاق. ليست هذه دعوى للطلاق، ولكن هناك حالات أراد الله -سبحانه وتعالى- بتشريعه مواجهتها بعملية واقعية، فشرع لها ونظَّم أوضاعها وعالج آثارها، فديننا دين واقعية يعالج حياة البشر، ويدفعهم دائمًا للأمام، ويرفعهم دائمًا للسماء، ويربطهم بها حتى تصفو النفوس وتتطهر وتسمو وتصبح أهلاً للاستخلاف في الأرض ( إمساك بمعروف أو تسريح بإحسان ).
اتمنى لك التوقيق

__________________

سبحان الله الدنيا دى عجيبه فعلا...
فيها اللى بتتمنى حتى ربع كلمه حب من زوجها...... و فيها اللى زوجها يموت فيها و هى مش عاجبها و مش راضيه عنه...
على كل حال انا مقدره شعورك جدا... بس انا ضد فكره الطلاق تماما لان مفيش واحده تخرب بيتها بنفسها....
لكن كل الللى اقدر اقوله ان الحب بيأتى بالعشره الطيبه و المعامله الحسنه و الالفه بين الزوجين....ولكى تتحقق كل هذه الاشياء لازم لازم تشيلى من راسك كل هذه الافكار السيئه و هى انك اتصدمتى فيه و ان مش ده الانسان اللى كنتى تتمنى ترطبتى به و ما الى ذلك....
اعلمى ان الانسان فى الدنيا دى مش بياخد كل اللى يتمناه...
احمدى ربنا انه انسان ملتزم و يخاف الله و بيحبك و دى اهم حاجه.... و الباقى سوف يأتى ان شاء الله...
و ربنا يوفقكم و يهديكم لبعض...