طبعا شي طبيعي منكم ياحضرات الأعضاء مع احترامي الشديد لكم تقولون للأخ انت مااخطأت .. لأنه وبكل بساطه ماجربتوا اللي جربته البنت ومرت فيه .. واحتمال كبير مافيه عندكم اخت او بنت جاء واحد شافها واتصل يعتذر ....
يااخي ... الصراحه ... ولا تزعل .. انا اقول لك انت غلطان وستين الف غلطان ..مو لأنك تراجعت عن الخطبه .. هذا اكيد خير لها ولك .. لكن. لأنك بصراحه ماشي مع رأي اهلك وخواتك وهذا كلامك
اقتباس:
انا خواتي وحده تقول حلوه . .. والثانيه تقول عاديه..
من اصدق ؟ الحين ؟
وش اسوي ؟
بصراحه تعبت معهم ..---
|
ابي افهم من اللي بيتزوج انت والا ختك اللي تقول حلوه والا اللي تقول عاديه ؟؟؟؟
وابي افهم اكثر ... ليه الرجال اول يتخبون للبنت ويشوفونها وتعجبهم وبكل بساطه يتزوجون .... وليه الشباب الحين وكثير منهم مايتزوج الا بعد مايدخل عشرين وثلاثين بيت ....
اقول لكم ليه ... لأن عقول الشباب مغسوله بكلوركس << واسفه على التعبير ... مغسوله وغسيل ممتااااااز ومزيله كل الوان الطيف فيها ...وغير كذا مافيه اي شجاعه او جرأه بأتخاذ قرار مصيري مثل الزواج .. وبصراحه اكثر احسهم صايرن جبنااااااء بموضوع الزواج ومافيه قوه تدفعهم يتممون المواضيع هذي من غير تررد او حيره ... لاحظوا كثير من المواضيع هنا لشباب يقولون ... كبيره اتزوجها والا لا ؟؟؟ سمينه اتزوجها والا لا ؟؟؟ صغيره اتزوجها والا لا ؟؟؟ قصيره اتزوجها والا لا ؟؟ طويله اتزوجها والا لا ؟؟؟؟؟ ماااااهم عاااارفين ايش يبغون .... ونقطه الجمال هي المسيطره على ثلاث ارباع تفكيرهم .. وماراح نقول ان الجمال مو مطلوب .. الا هو اول طلب واخر طلب ... لكن المصيبه انهم يشوفون الخطيبه جميله ومع كذا يقولون مو حلوه ... بسبب ان العقول تبرمجت على اللي يشووووفونه في المحطات وياللأسف ...
وبعدين للي يقول الغلطه غلطه اهل البنت لأنهم خلوك تشوفها اول وماشافوها قبل ( الوالده والأخوات ) هذا شكله مو في الصوره ولا يدري ان حتى الحريم يدخلن ولا خمسين بيت ولا يعجبهم ولا بنت ...
ولأنه الحين القوه والسيطره بيد العنصر النسائي في مجالات كثيره من مجالات الحياة .. الناس بدؤا يرفضون رؤيه الأم والأخت للبنت لأنهم عارفين ان ذوقهم اصعب من ذوق الرجل .... وممكن اذا شاف البنت اول من غير تأثير من امه وخواته يكون فيه نصيب ويألف الله بين القلوب ....
وشي اخير اخي حابه اضيفه .. انت ماتأثرت ولا زعلت من اللي صار خوفا انك جرحت البنت او غيره ... ولافيه اي شاب يهتم او يتأثر بموضوع مثل كذا .. اللي صار مجرد حرج من ابوها او اخوها ويوم يومين بالكثير وينسى ويروح للبيت اللي جنبهم يخطب ولا كأن اي شي صار ....
اللي ابي اقوله يااخي اخيرا .. انت اعرف ايش تبغى انت مو والدتك وخواتك ....وتأكد انه مافي اي بنت في الوجود كامله ... وحتى اذا وجدت مافي اي شي ممكن يدوم ...والله بين يوم وليله يقلب القلوب ويغير الاحوال ....
الله يوفق الجميع ويسعدهم ويفرج علىالكل الهم وييل عنهم كل غم وحزن ....خصوصا البنات اللي يشوفونهم الخطاب ويقولون حلوات بس مانبغاهم ...