طيب انا كزوج وش عرفني انها شريتني وهذي حركاتها الناس مالها الا ظاهر الامور
والي يظهر انها او غيرها من هذا النمط ماتبية

__________________
سبحان الله وبحمده سبحان الله العظيم

هو وصفها بإختصار وقال ...
"هيا بنت عملية لابعد حد وعقلانية وهي متربية على الثقة والإعتماد على النفس وتحمل المسئولية بعيدة عن الرومانسية وكلام الحب ولكنها حنونة معطاءة عقلانية تحب الخير للجميع .."


وهو بنفسه قال موافقه علي وتبيني واعرفها وتعرفني واذا ماكلمتها يومين تكلمني وتبادر وتسأل عني ، معناه مافيه" تصريح ولا تلميح" انها ماتبيه ليه نقدم التفكير السلبي ونتأهب دائماً لأسوأ الظنون !

خلاص هو يخفف جداً سؤاله عنها لين تتعود هي تبادر كثيراً
ويصارحها انه يفضل إهتمام أكثر

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

طيب ممتاز الله جابك يا ابله دلال .. بحكم قرب شخصيتك من شخصيتها ما هو اسلوب التعامل اللي تفضليه من زوجك وتعتبريه مثالي وجذاب بالنسبة لكي ..
شكرا جزيلا لكي مقدما

بالاضافة الى ان هناك نقطة اخرى وما اظن ان اي انسانة تحب شخص تعملها الا وهي الطناش بمعنى اني لمن اكتبلها كلام على الواتس لاترد بالساعات واشوفها تدخل وتخرج من الواتس .. فماتفسيرك بصراحة للموضوع وهذا ايضا سبب من الاسباب اللي دعتني اقول انها غير منجذبة لي

اول شي لازم تميز هل تصرفاتها لأن نمط شخصيتها فعلاً كذا ؟ او صدود ؟
وهذا لايمكن تعرفه الا بالمصارحة وانا بقولك الطريقة
* اجلس كم يوم لاتكتب لها شيء أبد وهي كالعاده بتجيك تكتب لاترد عليها رد يبرد القلب
لا رد كلمتين بس ورد باااارد بعدها مليون بالميه بتسألك وش فيك ؟ هنا صارحها بدون ماتكثر عتب وتشره ولوم لأنه مايعجبها قول انت تبيني ولا لا ؟ انا انسان واحتاج اهتمام و و و !
على حسب ردها اذا اجزمت انها فعلا تبيك معناه خلاص مافي مجال للظنون


بالنسبة لي انا كنت ابيه ومقتنعه فيه ميتين بالميه
بس انا شماليه وهو جنوبي !!
انا ماحب احد مقابلني طول اليوم ويتغزل وماحب الرجال يسولف واجد وماحب المدح المبالغ فيه والرومانسية الزايده وكذا وأمانة حتى ماعرف اعبر بالحب كثير يعني كلمتين وتطلع غصب ومو كل مزح اتقبله وفيني صفه صراحه وموجوده في خطيبتك " اذا بعد عني فترة احبه اكثر اذا ماكتب لي اشتاقله اذا حسيت اني بفقده اتعلق فيه بينما اذا كان موجود بكثرة مايأثر فيني كثير وانا مؤمنة ان هذا من عيوب شخصيتي "
" اذكر في شهر العسل كان اذا مدحني وتغزل اقوله شكرا 😂 ويعصب وش شكرا ؟؟
وفيه شيء ثاني صراحه اهداني كثييير وانا ما اهديته ربع المرات اللي اهداني والله العظيم مو بخل بالعكس انا كرريمه الى حد البذخ واشتري الغالي لنفسي وللناس بس مدري ما احرص اني اهديه كثير ومو مهم عندي انه يهديني كثير صراحه ،، مثلاً انا اشتري لبيتي اغلى انوع العود والبخور وأشوف هذه مثل الهديه ! انا اللي اختارله عطوره لان ذوقي فيها صعب واشوف هذه هديه ! احرص اشتري فواحات ومعطرات وأواني جيده واشوف هذه هدايا ! الهديه في مفهومي ومفهوم خطيبتك مو مثل الهديه في معناها البحت عند العاطفيين والرومانسيين !!



إنت نفذ اللي قلتلك فوق وتعال علمني المستجدات

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

خطيبتك نفس زوجي لذلك قرات الردود لاتعرف عليه اكثر

لكن ممكن افيدك هي تحبك جدا لكن ماتعرف توضحه او ممكن يبين حبها لك اذا اجتمعتم ان شاءالله في عش الزوجيه با اهتمامها وخوفها عليك نوعيتهم لايحبون ان يكون الطرف الاخر ملازق له طول الوقت يحبون ويقدسون الخصوصية يعني انت لك حياتك واعمالك مراح اشغلك وانا كذلك زوجي وقت العمل على جهازة لايحب ان اتكلم مع طفلي حتى
عمليين وجديين

تذكرت نقطه وهي ان زوجي قال لي في شهر العسل انا لا احب المحادثات ولا اهتم بها فاذا رايتين لا اتجاوب معك لاتزعلين لاني لا ارسل امي وهذا لايعني اني اكرها وكان كل ما ذهبي بي عند اهلي يقول لاتكثري مراسلتي

واخر مره ذهبت لاهلي قطعت المراسله يوم ارسل يوم لا وصار اذا تاخرت ما ارسلت يرسل ويسال عن ابنه - انت خفف محادثات واعمل مثل ما تعمل هي وراح تتجاوب ويتغير اسلوبها واذا سالتك ليش ما ارسلت قول يبدوا انني تطبعت بطبعك اكيد ما تبغاك تكون مثلها جاف وان شاءالله راح تتعدل

اختي ابله دلال شكرا لكي على تفاعلك وعملت تقريبا ماتفضلتي باقتراحه وجاتني وصرحتلي بحبها بالاضافة لدعوة بانها تكون حلالي وزوجتي .. لكن فيه شي يضايقني بصراحة فيها يعني بعد ما رجعتلي بالكلام اللي ذكرته فوق وهذا الكلام امس حصل فمعناه بانها تريدني وهذا متفقين عليه لكن هل اللي يحب او يرغب بشخص لمن تسأل عنه مايرد عليك بالست ساعات كمثال سالت عنها اليوم ساعة 6 المغرب بعبارة طمنيني عنك ياقلبي والى اللحظة هذه ومافي اي رد مع العلم انها كانت اونلاين قبل ساعة تقريبا تفسيري بصراحة انه استهتار ولا ايش رايك ومالحل برايك لاتقوليلي صارحها لاني صارحت كثير وتتعذر بجلوسها مع اهلها وغيره ابغى حل عملي واسلوب يتماشى مع هذه الشخصية ..

في نقطة ذكرتيها في كلامك بانك مو شرط تشتري هدايا وممكن اختيارك للهدية يعتبر هدية قبل كم يوم سالتني ايش تعمل قلتلها اشتري محفظة معينة عن طريق النت قلتلها ايش اللون اللي يعجبك والماركة قالتلي في نوع ممتاز عند اخوي راح اساله واردلك والى الان ماردت .. فمقصدي ما ابغاها تشتريلي شي ابغى على الاقل اكون في بالها .. دائما حبك لشخص واهميته بالنسبة تبان من خلال المواقف البسيطة هذه .. يعني خلينا نفترض لاي ظرف ماقدرت تشتري حاجة وانا مقدر للظرف هذا لكن اقل شي اختاريلي شي على ذوقك .. كنت مسافر قبل اسبوع لمدينة معينة واعطيتها خبر حتى ماسالتني ليش رايح او شي ردها بكل بساطة توصل بالسلامة يارب .. تعبت افهم هذه الشخصية بصراحة .. اتمنى تفيديني تعبت قلبي الله يسامحها

^
اسمحلي غلطت وتسرعت !
صرحتلك بحبها ورغبتها وانها تبي تصير حلالك يعني فعلاً صار اللي انا قلته
ليه تتسرع اليوم وتروح تكتب لها ؟؟؟؟

المفروض بعد ماصرحت وانت تأكدت انه فعلا مو صدود وانها تبيك بس هي كذا نمطها
خلاص تنهي الحديث ولاتكتب لها شيء ابدا
لين هي تجيك تكتب
ادري صعب عليك بس روض نفسك الان عشان تروضها هي بعدين : )

وهكذا لاتكتب وخلها هي تبادر واذا هي بادرت لاتكثر كلام رد بكلمتين ورد موجز
يااااخي بإختصار عاملها بنفس اسلوبها وهي والله بتجيك بكل مافيها لأنها بتحب كذا

واذا كتبتلك لاترد بسرعه !! شاهد واطلع وبعد كم ساعه رد
نفسها بالضبط لازم هي تحس بالشيء وتقيسه على نفسها


،، فيه نقطة مهمة ترى كل هذا في فترة الخطبة "
بعد الزواج فيه أشياء تتغير شوي شوي منك ومنها هي بعد


يافهد نوعيتي ونوعيتها
نحب الرجال البعيد الغامض القوي
مانحب القريب السهل الواضح

يارب فهمتني وانا قريبة مررره من هالموضوع لأنه أثر فيني صراحه

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

الله يسعد قلبك ويحفظلك احبابك والله فعلا كلامك مية مية وخصوصا موضوع الغموض لانها قالتلي قبل فترة احب انك تكون غامض ..

بخصوص انك تقولي تحبون البعيد الغامض القوي ؟! احس ان لكل شخص في معايير محددة لكل صفة يعني مش من تعامل عن بعد مثلا واتس او غيره راح تبان هذه الصفات .. ممكن توضحيلي بعض الامثلة لهذه الصفات اللي ذكرتيها عشان اطبقها في تعاملي معها .. لان بصراحة احس الامور ماتبان الا من خلال العشرة ..

وعلى فكرة ردت علي قبل شوي تقلي كنت مشغولة مع اهلي >> بعد 6 ساعات من سؤالي عنها ..