شكرا على اهتمامك اختي صدقيني جربت واذا ابتعدة عنه فتره احس اته يشتاقلي


ارجعله واهتم فيه كثير بس مادري اختي اذا تزاعل هو وزوجته يرجعلي


بكل مشاعره بس اذا تراضو رجعت حليمه لعادتها القديمه


صراحه محتاره فيه

اختي الكريمة ، اولا انتِ ما زلتِ صغيرة ، وثانيا ما دام انه لا يريد طلاقك فعليه ان يحسّـن من اسلوب تعامله معكِ ، تحدثي اليه بصراحة ووضوح وحزم ، اخبريه انكِ لن تقبلي بالاهانات ، وانكِ تقومين معه بكل واجباتك فإما ان يحترمكِ ويمسككِ بمعروف او يسرّحكِ بإحسان ....

والله صابره

اسم على مسمى ماشاء الله عليك

انا مااقدر اقول لو كنت في مكانك كان طلبت الطلاق او عملت كذا او فعلت كذا ...

لأني مامريت بتجربتك وانتي الوحيده اللي تتألم حتى لو كان كل اللي حولك متأثرين بشده بحالتك

لكن اللي ابي اقوله

حاولي لحظه بس تفكرين بعقلك وتجاهلي قلبك

ادري انه شي صعب لأنه هذا اساس المشكله عندك ولو ماكنتي تحبينه اتوقع انك انفصلتي عنه ولا صار فيه مشكله اصلا

والحب بين الزوجين رباط مقدس وعظيم لكنه اذا كان من طرف واحد ايش تتوقعين يصير ؟؟؟

تقولين انه يحبك ؟؟؟

يمكن كان يحبك ومازال يحبك وراح يظل يحبك وانتي بعد

لكنه خلاص صار عنده عيال وحياة جديده وماابي اظن في الزوجه الثانيه ظن السوء لكن انتي ماتدرين يمكن هي اللي تضغط
عليه ويتصرف معك كذا علشان يطلقك وهو مايبي مثل اللي صاير بين نارين

ومثل ماقلت لك حاولي تفكرين بعقلك وتجاهلي قلبك وفكري بوضعك قبل زواجه وبعد زواجه

وفكري بالأطفال وبالأنجاب مثل مافكر هو وطبق تفكيره على الواقع وصار عنده عيال

وفي الأخير الموقف بمجمله محتاج شجاعه منك انتي .... يعني اقطعي عرق وسيحي دم .. واروع مافي الحياة الزوجيه انها تكون

مستقره ... فيه كلام بداخلي ابي اوصله لك لكني ماني عارفه كيف

اتمنى الله يسعدك ويرزقك .. واتمنى اني مااكون ازعجتك او جرحتك بكلامي

اختي الصابره اعانك وصبرك على الي انت فيه وجزاك عنه كل الاجر والثواب وان شاء الله التعويض يكون من رب العباد بنصحج اختي

ابتعدي عنه لفتره ........ حسسييه انج مشغوله باشياء عنه وان لج اهتمامتج الخاصه يعني لا تبيني له انك قاصده خلي كل شي يجي بطريقه عفويه

حاولي انك تبطلين القران في بيتك او انك تروحين لشيخ يقرا عليك صحيح ان بعض الظن اثم والله تعالى اعلم لكن مدري انا شاكه انو يكون في نوع من التفريق بينك وبينه

والله تعالى اعلم

__________________
اللهم لك الحمد كما ينبغي لجلال وجهك وعظيم سلطانك

شكرا لكم على الردود ومشاركتي مشكلتي


بس حبيت اوضح لكم موقف حصل اليوم الصباح يمكن تحكمون من خلاله على تصرفي وتصرف زوجي وارجوكم قولي لي الخطا وين


وانا ماراح اكتب الا الحقيقه بالحرف الواحد صدقوني اكتبلكم ودموعي مغرقه الكيبورد صدقوني تعبت مادري وين الصح من الخطا


المهم قمت الصباح كالعاده كل واحد في غرفه مايرضى اني انام عنده بحجة ان وراه دوام ومايبغي احد يزعجه في النوم


المهم قمت سويتله القهوه واعددت الفطور وضعت القهوه على طاوله عند الكمبيوتر واخذت اسولف معه واتناقش انا وياه فالسهم


لاني كنت مافهم شي قبل سنه في الاسهم لاكن بعد مشفت زوجي متابع للاسهم فتحتلي احساب تداول وقرات عن السهم وبحثت


الا ان اصبحت مستشاره الخاص في الاسهم وصرت اكسب واعطيه التوصيات وانا في البيت المهم اخذنا نتناقش في بعض الامور


الاقتصاديه بعد مافطر قلت له لحظه ابطلع الزباله واخذت انتضره لمين ينزل لاني اخاف اطلع وحدي والساعه السادسه صباحا(ن)

اخذت عباتي وصرة انتظره في الصاله جاء لصاله وشافني انتضره قال ماطلعتي الزباله الى الان قلت انضرك ابكمل ابقول انا


اخاف اطلع لوحدي الا الشتائم والسب ------ قلت خلاص روح بعدين اطلع الزباله والا ياخذ مفتاح


السياره بيضربني فيه بس الله ستر الا طلعينها الان انا صابني نوع من الخوف والذهول وعلى طول طلعت الزباله يوم رجعت


قال يالله ادخلي وسكري الباب طلعت روحك حرمه فاشله الله ياخذ هالوجه وارتاح منك انا على طول دخلت وسكرت الباب


واخذت ابكي واطلب من ربي الفرج وجيت اكتبلكم هذا ماهو زوجي الي اعرفه هاذا واحد ثاني انقلب فاجائه صار مايتحمل


ولا كلمه سراحه مادري ايش اسوي تععععبت الله يعجل بالفرج

الناس تتغير اختى والابوه والزوجه الجديده غيرته
انت قررى اما تستمرين معاه او تطلبى الطلاق
وانتى ما زلت صغيره فسن 30 قمه حيويتك وكل شىء نصيب
لعل الله يكتب لكى الزوج الصالح والذريه من بعد زواجك الاول

أعانك الله أخيتي وأسعدك في الدارين

بصراحة غريب جدا تغير زوجك المفاجيء وبالذات نومه في غرفة مستقلة عنكِ!!!!

لذا أنا أقترح أن تقومي بتشغيل قراءة لأحد المشايخ بسورة البقرة في البيت يومياً
والأفضل لو تحاولي قراءتها بنفسك كل ثلاثة أيام

وعليكِ بقراءة أيات الرقية في ماء وأشربي منه وأشربي زوجك دون أن يدري

وعليكِ بالدعااااااااااااااااااااااااء فهو سلاح فتاك وعن تجربة

قومي في الثلث الأخير من الليل وصلي الوتر وأدعي الله بكل مافي قلبك وأنتِ تبكين
ادعي بأن تكوني في عيني زوجك دائماً الحبيبة والعشيقة والجميلة وأن يشتاق إليك ويعاملك بحنان .....وبإذن الله ربي لن يردك خائبة


والشيء الثاني :

هو ضرورة جلوسك معه جلسة رومانسية في وقت ذروة نشوتكم وتقولي له كل مافي قلبك بحنان ورقة وإستعطاف وأجعلي حديثك كله يصب في شيء واحد وهو إنك لاتستطيعي فراقه وان جفاءه يعتبر لكِ كالموت
أخبريه بأنه أبوك وأخوك وحبيبك وولدك وأنه كل حياتك وانه كالهواء بالنسبة لك




وعليكِ بإثارته وتدليله كل ماتواجد عندك وان لايخرج من عندك إلا وهو مشتاق للعودة إليكِ
وعند خروجه قولي له : الله يعينني على فراقك لين ترجع لي في يومي ....وأحس اليوم كأنه سنة وانت بعيد


دائماً إمدحيه وأثني على أخلاقه وإذا غلط عليكِ ردي عليه بدلال (أرجوك حبيبي أنا حبيبتك فلا تغلط عليّ)

فلربما تلك الكلمات تجعله يرق قلبه لكِ


اسأل الله أن يسعدكما في الدارين ويبعد عنكما شر كل ذي شر.

__________________

السلام عليكم


والله ما ندري هو مسحور هو مريض يمكن عنده سكر يقولون السكر اذا مرتفع يخلي لواحد عصبي او منفعل
وخاصة لما كتبتي انه اكل فطوره بعدها كتبتي انه صار عصبي وحذف المفتاح وسب - شكله ارتفع عليه السكر يمكن والعلم عند الله سبحانه وتعالى .

ومثل ماقالت الاخت ام جمانة عطيه ماء مقري عليه و الانترنت لو تبحثين تحصلين
الرقية الشرعية وحفظي الماء المقري عليه في الثلاجة حتى لو يجلس الماء كم شهر و كل فتره اعطيه يشرب ولو تسوين منه عصير او شاي .

و الانسان يتسبب الشفاء وكل واحد مكتوب له من يصبر ويحتسب الله لايضيع اجر المحسنين .
ولكن اذا شفتي الرجال ما صار يتحكم بنفسه يحذف مفتاح يحذف شيء حاد هنا الصراحة ما ينسكت عنه
شكله الرجال فاقد اعصابه او ناوي يسبب مشاكل وينخاف منه ماندري بكره وش بيحذف لازم تشوفين احد من اقربائك - اخوانك او اعمامك او خوالك يتفاهمون معه او ينصحونه او يردون شره علشان يعرف هذا الزوج ان نساء الناس ماهي لعبة عنده ولكن مع هذا بعضهم ما يرتدع ويزيد في شره و تسول له نفسه ويزيد في مشاكله ويحس انه انذل من قبل اهل الزوجة يعني لازم تشوفين اللي يناسبك وكيف طريقة التعامل معه - ولاتنسين الدعاء ان الله يسهل عليك ويوفقك في كل خير .

اما عن الهرمون هذا سهل باذن الله
اعرف اثنين قربــيــيــن من حارتنا عندهم ضعف في الهرمون واخذوا ادوية مساعدة ومقوية و كم شهر الله فرج لهم و هذه السنه كل واحد منهم جاء له ولد بعد تقريبا 12 سنه بدون انجاب .

ولا ننسى ---
ان الصلح خير .

بصرحه أختي تأثرت وصرت أبكي من القهر
بس أختي إذا تقولين أنك ما تخلفي م من العقم فحاولي ولا تياسي والله يرزقك بالذريه الصالحه
و أكثري من الاستغفار
و الله يهدي زوجك لك
وجعله ما يشوف السعاده الا في شوفتك
والله يصبرك

أول شي اختي الصابره أقول لك الله يعينك ويصبرك .. وانتي صابره بمعنى الكلمه ..

بصراحه شتم الزوج للزوجه شي مزعج .. احس انه اهانه للزوجه ..

اختي .. الله يعينك على مصيبتك .. وترى الله اذا حب عبده يصيبه بمصيبه .. وانتي لازم تصبرين على مصيبتك .. مع المحاوله الجاده بإيجاد حلول .. انا راح اقترح عليك حلول وان شاءالله راح تفيدك ..

1. اطلبي مثلا مره انه يجيب الأولاد عندك .. واذا جابهم قدميلهم هدايا .. من ملابس و و و و و..

2. حاولي تذكرين زوجك بأيام أول .. وخصوصا اذا صار جوكم رومانسي ..

3. اقري دعاء الهم والحزن ("اللهم إني عبدك ابن عبدك ابن أمتك ناصيتي بيدك، ماضِ في حكمك، عدل في قضاؤك، أسألك بكل اسم هو لك سميت به نفسك أو أنزلته في كتابك، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي، ونور صدري، وجلاء حزني وذهاب همي"
"اللهم إني أعوذ بك من الهم والخزن، والعجز والكسل والبخل والجبن، وضلع الدين وغلبة الرجال )

4. اقري دعاء الكرب ("لا إله إلا الله العظيم الحليم، لا إله إلا الله رب العرش العظيم، لا إله إلا الله رب السموات ورب العرش الكريم"
"اللهم رحمتك أرجو فلا تكلني إلى نفسي طرفة عين ِ وأصلح لي شأني كله لا إله إلا أنت"
"لا إله إلا أنت سبحانك إني كنت من الظالمين"
"الله الله ربي لا أشرك به شيئاً" )

والله يوفقك يارب .. ويرجع زوجك مثل أول .. ويكتب لكم حياة الحب والسعاده .. آمين