انا مع كلام الاخ Fahacci وأؤيده
فعلا كما تدين تدام والظاهر ان زوجك يخونك وانتي عارفه او تتجاهلين مقابل سكوته عنك
وهو يترك لك الحبل على القارب في النت مقابل انه ياخذ حريته في النت وتسكتين عنه
وماراح اعيد الكلام اللي قالوه الاخوان اهم ماقصروا بس حابه انك تتخيلين الوضع للنهايه
يعني لنفرض طلعتي وقابلتي هالذيب اللي استحاله راح يخليج الين ينهش جسدك
ويمكن يكونوا اكثر من واحد لا تصدقين الحب والوفاء اللي تسمعينه منه
انتي في نظره مجرد فريسه غبيه وساذجه صدقت كم كلمه حلوه
وطاحت في الوحل وتبي تغرق فيه !!!
بعد ماتتلوثين وتتلوث سمعتك وسمعة اهلك شنو الاستفاده اللي بتجنيها غير الطلاق والفضيحه والعار
بتكونين وصمة عار على اهلك وعيالك
وانتي للحين على الشاطي وزجك سكت عليك وسامحك ..... تبين تغرقين ليش ... تبين تنفضحين !!
لحساب من ؟؟ منو هالساقط اللي من اجله تبيعين عرضك وشرفك وغضب الله عليك!!
انتي ليش تبين تكونين
......... !!
ليش تبين تكونين فاجره !!!
شتبين يعني بالضبط !!
ترى الشيطان وراك وحالف مايخليك !!
تخيلي زوجك اللحين يسوي مثلك ويحب امراه متزوجه وياعيني على المراه المتزوجه مغرمه فيه
شنو شعورك تجاه زوجك بتقولين مسكين يحب وبتتعاطفين معاه !!
والا بتعتبرينه نذل وحقير والمراه المتزوجه احقر منه !!
ولو فيه خير هاللي تدعين ان بينك وبينه حب من سنوات لو فيه خير ما استمرت علاقته مع واحده متزوجه
او حتى غير متزوجه وهو مو خسران تلاقينه متزوج ويحافظ على زوجته ومايرضى حد يلمسها مو يكلمها !!
بس انتي
.......... وللحين مستمره معاه ومانسيتيه فحاب يكملها معاك ومو معناته انه مثلك
مايعرف غيرك تلاقينه الف ساقطه
....... ولا انتي حابه تكونين
.......... من الساذجات
.......
واللي ينضحك عليهم بكم كلمه !!
ويالله اضحكي على نفسج وقولي احبه !!!
واحد ما راح تلاقين منه غير الفضيحه وتقولين احبه ومغرمه فيه استغفر الله بس
الله يهديك ويصلح حالك
بعدين التوبه النصوح المفروض ماترجعين لمسببات المعصيه
وانتي للحين تكلمينه في النت وفي الجوال !!!
وتقولين ابكي وادعي ماتركب !!!
انتي تفكرين فيه وتبكين عليه مو راضيه تفهمين الين يطيح الفاس في الراس
ولاني ماعرفج حابه اكون شديده وصريحه اكثر
ودي اقولج
استحي على ويهج عيب اعرفي بنت من تكونين
منو ابوك ؟؟
منهم اخوانك ؟؟
يابنت الرجال !! اذا للحين تبين تظلين بنت الرجال !!!!!!
شتبين يعني شنو نوع الحل قولي شنو نوع الفضيحه !!
عشيقك مو خسران شي ........ ولا شي!!
زوجك مو خسران شي بيقولج انتي طااااااااااالق !!
ابوج بيدفن راسه في التراب اذا ماندفن كله من الفضيحه !!!
أمج بتلحق ابوج !!
اخوانج
حتمرغتي راسهم في التراب و
حهنتيهم ولعنوا اليوم اللي جيتي فيه !!!
خواتج وعيالج
رح تحملتيهم وصمة عار تلاحقهم طول عمرهم !!!
يعني شتبين بعد اقولج !!
حابه النصيحه الاخوان ماقصروا بس حابه اضيف انج لازم تسمعين اشرطه للشيخ سليمان الجبيلان
عن (( وهم الحب )) وفي عند الشيخ شريط عن الحب مو متذكره اسمه وكنت اعتقده بس للمراهقات
اللي ينضحك عليهم بسهوله !! بس طلع فيه متزوجات مراهقات وينضحك عليهم بسهوله أكثر!!
المهم اسمعي اي وكل شريط في شي عن الحب طبعا اشرطه دينيه بس!!
كوني جاده واتركي سماع الاغاني وكل شي من الذئب اشرطه او رسايل في الايميل وغيرها اتلفيها
غيري رقم جوالك ما يكفي الدعاء بدون عمل !!!
واذا حسيتي بتتعبين ماعليه اهم شي تزيلين اسباب الاتصال بينك وبينه
وتاكدي وثقي ان اللي يعاني من هالحب هو انتي وبس اما هو ما يفتكر فيك
ولا يفكر الا انك فريسه ينتظر متى تكونين اكثر غباء وتصدقينه وينال اللي يبيه وبس!!
انتي ولا شي عنده لاتعتقدين انه يفكر فيك او يعاني ابدا !!
بعدين قولي وانتي ساجده وتبكين
يارب انا تبت توبه نصوحه عيني يارب وادعي بكل صدق واخلاص
مع استمرار سماع الاشرطه الدينيه والقران والدعاء
وكل مالنتي اسمعي شريط او اقري قصص عن الحب في الشات وشنو كانت نهايتهم !!!
وان شاء الله مع التوبه والدعاء الله بيستجيب لك وبيهديك
وتذكري ان قدوتك وقدوت جميع نساء المسلمين خديجه وعايشه وصفيه وام سلمه
وان شاء الله احنا وانتي منهم باذن الله
وتذكري (( من ترك شيئا لله عوضه الله خيرا منه))