والله ما اعرف شو اقولج.. بس الضعف مب حلو أبدا و لو كان مغلف بالطاعه الزوجية و العزه والكرامة والنتيجة قنبلة موقوته لابد ما تنفجر يوما ما و تضيع كل شي..


ضعي النقاط على الحروف اختي.. و لا تكوني الحلقة الأضعف و الذي يضحي بها كل مره .. احترامي الشديد وأطيب شخصج اللي للاسف يستغل دائماً ف هالدنيا

__________________

حبيبتي صحيح الكل قال لك اثقلي عليه ولا دورينه
وطنشيه بس ماقلنا تنازلي عن حقوقك المفروض من اهم شروطك
العدل في المبيت والوقت
كيف نظامه معكم في تقسيم الوقت بينك وبينها
وثاني شي المفروض أهم شرط تشرطينه عليه توفير السكن
وصدقيني اذا حقك من البدايه تنازلتي عنه ماراح تاخذينه
وخاصه انك تقولين زوجته قويه ويخاف منها
قلبه صدقيني مهم ادعيتي ألقوه ماراح تصيرين على فرق
المعامله بينكم هذي فطرة المراءة لازم تكلميني
عن حقك وحق عيالك في الجلوس عندكم
ولله يقلبي ماحرضك بس الضعف شين يهلك صاحبه
غبن وقهر وتعب نفسي وماراح تستمرين صدقيني

اذا وقته عندك تاخذينه كامل ولا تتصل عليه بيومك
واذا وقته عنده اتركيه كانك في بيت اهلك
ام اذا تنازلت عن حقك فراح تتنازلن اكثر لين تصرين زوجه
بالاسم وبعدين ليش ان شاءالله مسفرها وانتي وأولادك
مالكم حق في السفر بدال مايعوضك انتي وعيالك فترة
غيابه عنكم
زوجك استهان فيك قبل وبعد لأنك مسالمه
لأكن عرف حقوق الزوجه مع الثانيه لانها قويه
قلبه غيري شخصيتك تاخذين حقك

mimomea

اشكرك حبيبتي كلامك جدا واقعي
بالنسبه للنادي مالي فرصه فيه الا الآن
وقت اجازه وفراغ
صعبه وقت الدوام اشترك
فماراح افاتحه فيه الا بوقته

وراح اعمل بنصايحك
🌹🌹🌹

اختي ضي

لا زوجته تعرف برجعتي
وقاعده احاااول احطه آخر اهتماماتي
بس تصرفاته مفاجئه وغير متوقعه
وتضايقت كثير

شاكره لك كلماتك عزيزتي

ريم الاوطان
صحيح اطيعه بس بحدود
مااقولك اني ضعيفه لكني لست بتلك القوه
التي تمتلكها زوجته
اعرفه عنيد ومايلين بسهوله
وراح اسعى اكون شخصيه مختلفه
متوازنه
ألف شكر لك

عريبه جد
مقدره حرصك واهتمامك

شرطي الذي لن اتنازل عنه هو السكن
وتناقشنا في ذلك ووعدني ان نزلته الجايه يكون خير

اما بالنسبه لسفرته مااظلمه بعد ملكتنا باسبوعين سفرني
انا وعياله وماقصر حاول يعوضنا وهو مشغول كان

بالنسبه لي اسعى اتغير ولاحظ علي
وهو يحاول يحسن صورته

وحقوقي ماراح اتنازل عنها بس حاليا مااقدر اتكلم
لان مالي سكن

اللي قهرني تصرفه الاخير ومحاولته جعلي اخليه
هو محور حياتي بمنعي من الخروج للنادي

شاكره لك عزيزتي

قلبه اكيد ماراح نكون اعرف منك بزوجك
والنادي قولي له ان الفراغ وعدم وجود بيت لك
تنشغلين فيه مع عيالك سبب لطلبك

وأنك تتنازلين عن حقوقك بسبب عدم وجود السكن لا طبعن
هي تأخذ حقها عشان لها بيت هو مسئول عنك حتى لو
بشقه مفروشة لين يتم تجهيز بيتك
وبعدين هذا هو جايبه معه ومسكنها وهي لها بيت

وأي شي يقدمه لك لاتتكاثرينه هذا واجب كل زوج الزوجته
انتي يمكن بسبب معاملته السابقة لك شفتيه زين
بالعكس المفروض تحسسينه بظلمه لك ولعيالك الأربع سنوات السابقة
عشان يحاول يعوضكم بكل مايستطيع
وحلو منه انه يضغط على نفسه عشان يتغير
وحلو منك تغيرين شخصيتك السابقة ويحتار فيك

حبيبتي لمست فيك صفه جميله ماشاءالله ماتنكرين المعروف
حتى بعد ظلمه تشكرين بالقليل اللي يقدمه
صفة كفارة العشير اللي تطلق على المراءة من الرجال
ماشاءالله ملغيه عندك
يجي الرجال يشوفون الحريم اللي اول كلمه يطلقها عليها
كفارة عشير

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

السلام عليكم اعذريني راح أكون صريحة معاك
انتي للأسف انسانه سلبيه وهذا اللي ضيعك من البدايه وخرب بيتك واذا استمريتي بنفس الشي الحين ماراح ينفع في البدايه كان سكوتك عن اشياء كبيره جدا وغلط زي سفرياته ولعبه وإنتي عارفه وش فيها المفروض أخذتي موقف صارم وحازم وتنازلك عن حقوقك ومصاريفك وطلباتك غلط واكبر غلط كيف بيحس بقوامته عليك وعلى أولاده وإنتي مريحه راْسه من المصاريف يحق له يلعب ويتزوج متوفرة الفلوس ماعنده احد يصرف عليه وسالفة انه يجيب زوجته معاه أبدا مالها داعي خير مرافقه الأخت لان هو جاي لزوجتة وعياله يعني الطبيعي بيستاجر لهم ويشوف طلباتهم وبكذا هي اشغلته صار العكس يستأجر لها ويشوف طلباتها خليك حازمة معاه وقويه وسالفة زياره بس لا هذي ماتمشي الحال خليك صارمة معاه او خلي احد من اهلك يتفاهم معاه يستأجر لك بيت في مدينته ويأثث كفايه تشتت وبعد السنين اللي راحت ويصرف عليكم زي الاوادم ويمشيكم انسي سالفة انتي نادرة وذهبه ماتوكلك خبز حاف وانا اختك وإنتي مجربه من قبل كيف تخلى عنك وجرحك بسهوله لاتعذرينه وظروفه وظروفه ماتسمح بيعجبه الوضع كذا انتبهي تعطينه ريق حلو وتستخفين له بزياده ترينه مايستاهل وماله أمان أمني نفسك وعيالك ببيت ومصاريف خليك من كذبه وكلامه الفاضي شدي عليه شوي بطلي تدلعينه هذا رأيي اذا عجبك خذيه واذا ماعجبك على راحتك واعتذر جدا اذا كنت ضايقتك

حبيبتي نصيحتي لك هي جملة وحدة فقط ( المؤمن لا يلدغ من جحر مرتين )