الله يفرج همك امين
الاخوات ما قصروا

__________________
انا لله وانا اليه راجعون

*مهم*

اتمنى منكم اخوتي الكرام قراءة الردود وتعقيباتي على الاعضاء وسبق وان قلت لكم ان حكايتي لم تنتهي وانما ستجدون مربط الفرس فعلاً بتجاوبي معهم ... فعلا انا لا استطيع سرد المشكله في صفحه واحده وايضا لايمكنكم توجيهي وارشادي بعد الله الا بمعرفه المشكله وتفاصيلها..

وشكرا

حياك الله أختي "انثى ابكت القمر" لكن المسأله تعدت ماكنت انتي وانا ابغاه .. المسأله الان تعدت الحل للأسف .. انا الان اسكن في مدينه وهي بمدينه تبعد عني 4 ساعات , ومعها ولدي الي يتفطر قلبي عليه الليل والنهار ! طبعا انا بعد ماطردتني من بكره توسلت لي اني ارجع وانا في دوامي ورفضت وارسلتي لي اني تعبانه ارجوك تعال واني احبك و...و...! واستمر الرفض مني طبعا وبعد شهر من سكني لوحدي طلبت نقل لمدينتي وتم النقل والان لي 6 شهور لحالي !

كلمكم الان يحاول طرح حلول ولكم مني جزيل الشكر والتقدير ولكن الحل انتفى مع الزمن لان المساله تعدت الوضع الي انتم تعتقدون .. الان هي مصره على الطلاق لسبب واحد وهو نقلي من الرياض لمدينتي الاصليه ولانها ماتحب مدينتي وتكره اني اسكن فيها وتكره حتى ذهابي لها اصرت على طلب الطلاق !! وهذا الي انا مابيه لاني متعلق في ولدي تعلق شديد والله اني اكلمه بين فتره وفتره احس ان قلبي يتقطع من القهر ..

رحماك يا الله

ياليت المسأله مسأله تميع وبس .. والله اني عندي الان 750 رساله خاصه في تيوتر من شخص واحد .. تصدقون وصلت المسأله لاهداءات بينه وبينها لقصائد الحب والغزل ...!!! آآآآآه ياقلبي ومع هذا تقول انا ماقلت شي عيب وتنكر ايضا انها قالت هالكلام .. المشكله انها نحويه وتحب الادب والادباء (اي ادب والله انه قلة أدب) !! ووقع لي روايتك الجايه وانا بحضر عشان اشوفك وتسلمها لي بيدك و...و....الخ ياجماعه ماهو شي يشق المراره شق !!

الى الان ماصارحت اهلها بالموضوع نهائيا اقصد بخصوص الرسائل والخيانه المبطنه ! لكن انا ادري ان صورتي مهزوزه عندهم بشكل كبير ولان اصلا من 6 شهور ولا واحد من اهلها رفع السماعه علي واستفسر ..! حتى اني طلبت من اخوي اني اقابل ابوها واواجههم بكل شي ومسعتد اتحمل وارد على كل شي ولكن للاسف قوبل طلبي بالرفض منها اولا ..! بحجه اني خلاص مابغاه !! وهي في الاصل خايفه من فضيحتها لان حتى ابوها مايدري انها تمد يدها علي وتلعن وتشتم ...الخ

قبل شهرين وقبل سالفه التويتر والفضيحه اتصلت ابغى اكلم الولد كالعاده ارسل لها رساله اني ابغى اكلم ولدي ولما اتصلت ردت علي هي وقالت انت متأكد انك تبغى الولد !!؟؟ قلت اي نعم قالت طيب عندي كلام بقوله لك وسلمت علي ولاهي عادتها ابدا ودخلت بالموضوع وخلاصته اني ابغاك ولا اقدر اعيش من دونك وهي تقول هالكلام كانت تبكي ..! قلت لها تبغيني تعالي لديرتي انا الرياض خلاص ماعاد لي فيه مكان المهم املت علي شروط ثلاث منها تركي للدخان رغم انها في حياتها ماطلبت ترك التدخين ! ورجوعي للرياض .! والاعتذار لاهلها ...ههههه شر البليه مايضحك ..

اختي مشكور حلولك هذي للبنت العاقله اما البنت الي تحاول تنتحر لاسباب تافهه ماعتقد هالحل ينفعها ...!! لاني وبكل بساطه لما تصير مشكله مستحيل اطلع من الشقه لانها بتسوي بنفسها شي ... وايضا لاتنسين الولد تتعب نفسيته فلازم احضنه والعبه وحاول اهدي هذي من جهه والولد من جهه وياقلب لاتحزن ..!

اه الانسان العصبي ما يشعر بالي يحدثه من حوله

بصراحه ما شاء الله عليك مستحملها 6 سنوات

الله يصلح حالك اخي و يرجع ولدك لاحضانك

اهلها اكيد عارفين السبب عصبيه بنتهم

هذا هو الحلم والأنه لايفيد في الحالات المستعصيه ..

بقولك حاجه ممكن تستغربين منها والله ثم والله ثم والله اني حليم معها لدرجه لايمكن تصورها تتلفظ تمد يدها تكسر تجرح تضرب تبصق وانا اهديها ليس ضعفا مني بل رحمه بها وبولدي المسكين وبي انا ايضا والا لو كنت عصبي كانت اول ليله لها بالمستشفى .. لكن انا اشوف وضعي انا لا اب ولا ام واخوان متفرقين وكبار ولافيه الي يلتفت لك ولايسأل الا بالمناسبات والاجتماعات العائليه العاديه .. للاسف ممكن هي استغلت وضعي الاجتماعي

هههه و انت مصدقها انها تبغى الطلاق .!!!
واضح جدا انك طيب و ابن حلال ...



طلقها طلقة و احده و شوف النتائج ...
و لا تخاف انت رجل و ابنك ماراح يضيع و راح يلتم شملكم

و ايضا مسالة الانتحار صدقها قول لها طيب يالله انتحري
لها ست سنوات بتنتحر و الى الان عايشة ..!!
ياخى كون اكثر نضج حزنت عشانك


و بحثها عن غيرك اكبر دليل على احتياجها لرجل
و عفوا منك مانقصد انك لست رجل
لكن احتياجات الاناث مختلفه و يبدو ماعندك خبره
فانت رجل بعين غيرها و العكس بعينها حسب ما اظن

ياخى ربما تستفزك لتقهرها بقوتك يعنى باختصار هذه شخصيتها
و انت بارد معها مما يزيدها اشتعااال
اضطرابها هذا ناتج عن نقص لديها لم تشبعه انت

فابحث عن السبب وعالجه

الله اكبر الان صار الحلم ضعف شخصيه وصار الرجل الحكيم رخو..!!

اللهم لك الحمد لدي ثقه بنفسي لو وزعت على اهل مدينه لكفتهم ولله الحمد ولا اشتكي من هذا الشي أبدا .. ولكن التعامل مع هذا النوع من النساء صعب وصعب جدا لايحتاج لحزم ولا لتفريط ولكن حتى وان توسطت بيهم فحتما ستثور كالبركان فالحل معدوم لابحزم ولا بحلم..