شكرا لمداخلتك عزيزي لكن انا اعذرك تماما لانك لا تعرف ابعاد المزضوع من بدايته ومن قال لك اني احفظ كرامتي على زوجتي..نعم لا يوجد كرامه بين الازواج المخلصين فقط لكن عندما تتصل على زوجتك وانت في بلد بعيد فوق ال 15 مره وما ترد عليك لاي سبب كان هذا ماذا تسميه ؟؟ عندما تسمح زوجتك لاهلها ان يرفعون صوتهم عليك وانت رجلها وسندها بالدنيا لاي سبب كان هذا ماذا تسميه ؟؟ عندما تعرف زوجتك موعد رجوعك من سفرك وعندما لا ترجع بموعدك المحدد ولا تتصل عليك عن سبب تاخر رجوعك لها هذا ماذا تسميه ؟؟ وعندما تتاخر 10 ايام عن رجوعك ولا تتصل بك للاطمئنان عليك لعلك مت هذا ماذا تسمي؟؟ تحملت زوجتي كثيرا وهي تعرف اني متمسك بها جدا دائما عند غضبها ابادر واتصل واذهب لاخذها من اهلها ولم يهمني كرامتي وابىر لنفسي انها زوجتك لها الحق في ذلك وكل مره لانها تعرف تماما اني سارجع واتصل بها تزيد وتزيد وتزيد وتطلب منك طلبات خارج الاصول ولابد ان تنفذها وان لم تنفذ فانت لا تحبني وديني لبيت اهلي .. اهلها اللي مدلعينها زياده عن اللازم وانا اللي تحملت الوضع..حان الوقت لترى حصاد زرعك اخي الكريم لترى ما الذي جنيته تفعل كل هذا والحصيله صفر !! اي منطق هذا انت تحسب اني ما ابي اسمع صوتها ولا اكلمها والله اني الشوق راح يقتلني لكن الاصول تقول لمن زوجتك تعرف انك رديت من السفر لازم ترد بيت زوجها صح ولا لا ؟ ولا تقول زعلانه ومو زعلانه وقسم بالله لو تعرف الاسباب لا تنجن لكن ماكو فايده من الكلام .. متى ترى زوجتك متى تختبر مدى حبها لك ياخي يمكن ما تبيك شنو تسوى ؟؟ تدري والله زوجتي كررتها اكثر من مره ما ابيك طلقني طلقني وانا دائما ارفث الشيطان واصبرها واحاول بكل الطرق لكي تتخلى عن تلك الفكره هل الان بعثرت كرامتي !! كنت دائما اقول لا توجد كرامه لا توجد كرامه لا توجد كرامه الا ان وجدت الموضوع زاد عن حده واحس خلاص بعد شوي ما راح تصير رجال ببيتك.. وصلت لمرحله كل شي تطلبه لابد من تنفيذه والا اروح بيت اهلي تتادب وراح تجيني وبعد ما تجيني راح تنفذ اللي ابيه لانك ماراح تقدر تتخلى عني. وبعدين كل مده سفري ما تجاوزت ال 25 يوم يعني مو بالطويله .انا الحين احاول اصلاح ما فات احاول رد اعتباري كرجل لبيتي..والله انا احب زوجتي لكن وجدت ان اترك الموضوع لهم واشوف شنو بخاطرهم يمكن تبي تنفصل لان كل هذا الصمت يشككني انها ترغب بالانفصال والله اعلم لكني ساترك الموضوع بيد الله سبحانه وتعالى وهو يقدر الخير لي

لا تضيع وقتك بالتفكير في أمور لن تستطيع تغييرها العمر الجيد قصير كما تعلم أترك زوجتك عند أهلها لتربية أبنها وأنت تزوج من امرأة ثانية

اخي الفاضل
تقدم لأبيها واطلب رجوعكما لبيتكما فإذا رفضت هي او قال لك ابيها انها ترفض ذلك
هنا اطلب حضورها وسماع شكواها من فمها بحضور ابيها وكن متماسك الأعصاب هادىء في نقاشك لكي تخرج بنتيجة إيجابية وتحل مشكلة ولا تشعبها ،،،،،
دعها تقول ما بخاطرها ،،،دعها تتكلم وتنهي حديثها وبعدها قول ما بنفسك
واطلب من ابيها نصحها وارشادها وتوجيهها وشد ورخي في التوقيت الملائم لشد والرخا
واشعرهم بمدى استياءك من هذا الوضع وبعد ذلك لكل حادثة حديث
ولكن نصيحتي لك لا تقف متفرج ابري ذمتك امام الله
اما اهلها اذا كانوا كما قلت هم من كبروا رأسها بالعناد عليك فهذا راجع الى جهلهم فهم اضروا ابنتهم ولم ينفعوها وكانت هي كالضحية لهم بهذا الدلال الذي جعلها لا تفرق بين الصح والخطأ
وانني التمس لها العذر اذا كانوا اهلها لا يوجهنها توجيا صحيحا فهي كالتائة الذي أضل طريقه فالتمس لها العذر اخي الكريم واصبر وماصبرك إلا بالله
اسلك جميع طرق الاصلاح مهما كانت النتيجة لكي ترتاح نفسيا بعد كل خطوه تخطيها وهي تزيد الم بعد الندم على ما فات لانه ربما تفيق ولكن تفيق في وقت متأخراً

حسب ما خطتة يمينك
لا تضيع عمرك مع زوجة هذي مواصفاتها وهذي طريقة وسلوب اهلها
تزوج وخلها تربي ولدك والله مجرد انها تدري انك بتعرس تجيك تمشي على راسة ولكن درات او ما درات اعرس لان صعبة مثل هالنوعيات تغير

__________________
سبحان الله وبحمده سبحان الله العظيم

كلامك جيد جدا انت تريد الصلاح والاصلاح ربي يوفقك ويكثر من امثالك .. لكن صدقني انا اعلم زةجتي جيدا هي تزيد من العناد لكي تعلمني ان اي شي ابيه لازم ينفذ غلط مو غلط لازم ينفذ..وانا جلست مع زوجتي العديد من المرات في خلافات سابقه مع ابوها وانها ويقعد ينصحني وينصحها وتقعد تقول انا زعلانه من كذا وكذا وانا احيانا اجادل لعدم قبولي بما تطلبه لكن بالاخير اريح راسي .. ونقوم ونرجع بيتنا وكم يوم ونتهاوش مره ثانيه وكل مره تقول وديني بيت اهلي لان اهلها عودوها ان تشتكي لهم كل شيء وهذا اكبر خطأ ان الزوجه تشتكي لاهلها كل ما يحدث مخزن اسرارك صار عالمكشوف كل اهلها يدرون بكل حرف يدور ببيتنا مع اني حذرت زوجتي اكثر من مره بالترغيب مره وبالترهيب وماكو فايده لحظه الهواش تروح وتسولف لاهلها باللي صار .. انا غلطتي اني تركت الحبل عالغارب وما شديت بطريقه صحيحه لذلك هي ما تخاف مني ولا علي لذلك هي تزيد بالعناد ولو تركتها سنه ما راح تسأل فيني او نشوف وين زوجها

لا تيأس
ابنك يستحق منك الكثير لكي يعيش بين أبوين
وبما ان أبوها ينصحها هذا معناه انه فيه خير
كلمه على جنب بينك وبينه وقول اللي بخاطرك اتجاه زوجتك علشان ينصحها
ما تدري يمكن الله يهديها ،،،،، ترى جلستك كذا خطا أسعى والله معك
يعني الان الشيطان يرقص بينكم ومبسوط جداً واذا جئت ودك تروح لها يقولك لا تمشي ويذكرك بأمور يمكن كنت نسياه علشان ما تمشي
سير لهم وتوكل على الله وفي كل خطوة احتسب الأجر من الله يكفي انك سعيت وجاهدت حتى ما تكون في النفس غصة ولا يلاحقك كلام وملام من حديث النفس وغيره

وان كل سعيي راح عالفاضي ما العمل ؟؟ ولو رحت وقالت ما ابيك نتطلق ما العمل ؟؟ وانا اعلم ما تشكو منه ليس له حل عندي الحل الوحيد هو اختفاء اهلي من حياتي نهائيا هذا فقط الحل الوحيد لمشكلة زوجتي..ستقول لي ابوك يتحكم فيك وانا اكره ابوك ستقولها لي صراحة انا اعرف زوجتي جيدا الله يسامحها..راح تقعد معاي واسمع شكواها المتكررة التي يأست من حلها لان فوق المستحيل حاولت مرارا وتكرارا الاصلاح والتعديل باءت كل محاولاتي بالفشل الذريع وتبقى زوجتي الكره داخل قلبها تجاه اهلي للاسباب هذا وذاك وذاك .. والله لو رديت ورحت تكلمت والله راح اتفشل وراح اطلع مهزوم غير راضي ويمكن المره الجايه بدال لا تزعل 20 يوم المره الجايه راح تكون 3 اشهر لأنها تعلم جيدا انني سوف اضعف عاجلا ام اجلا وسوف اتصل بها لارجاعها للبيت وهي تفهم انني بحاله اتصالي ورجوعي يعني ان راجعت نفسي واكتشفت اني غلطان لاني لو مو غلطان ما راح اتصل هذي حسابات زوجتي...انا كل مره احاول واحاول واحاول وادق على ابوها وعلى اخوها وعلى امها عشان ترضى وبعدين شنو استفدت! هي ليش ما تحاول معاي ؟؟ ليش كل مره انا احاول ؟؟ يا عزيزي كل واحد منا يعلم بما فيه وصدقني كل الكلام اللي تقول عليه سويته سابقا الفين مره ما جنيت منه غير الاشواك والدلع الحين بحاول ارد اعتباري وانها تسمع كلامي انا طفشت منهم واي شي يصير ببيتي تروح لاهلها وتقولهم .. اشكرك عزيزي لصمودك ومجادلتك بالمنطق لكن كنت اتمنى شخص مثلك يضعه الله في طريق زوجتي..لكن الله كريم

تبي رايي ؟؟ اذا هي زوجه جيده وعيبها بس العناد وتحب انك تكون مبادر اقولك توكل على الله وبكل مره انت بادر وخذها ببساطه انها شريكة حياتك وتستاهل منك اي شي...صدقني مع الوقت بتكبر ويتغير تفكيرها 180 درجه ..كلنا تغيرنا عن بدايات حياتنا وندمنا واستحينا من اشياء كنا نسويها..انت رجعها الحين وشوف سبب صدها وطيب خاطرها،،وبعدين حاول دايماً تغبط اصدقاءك امامها ان زوجاتهم يهتمون بالسؤال عنهم ويدورون عليهم ،،

اخي الكريم
أستخير الله وما خاب من استخار الله
علق قلبك دائما بالله سائلا مناجيا شاكيا لله أمرك وصبرك وحالك
ثق بان الله لن يخذلك مادمت له داعيا منكسرا متذللا
اصلح الله حالكما وهدى الله سركما

لا اله الا الله سبحانك اني كنت من الظالمين