نور الإيمان ..
- قصة تاريخية
( بالفعل لازم أركز عليها ) .. خاصة إني شايفته مهتم و يتأثر ، و عنده قيم من الآن ..
- بأمدحه و أكافئه ..
لكن خفيييت كثير عن قبل ..
-----------------------------------------------------------
- المشكلة ، إنه ولدي ما بيغلط عشان أبوه يعاقبه ؟؟؟؟؟؟؟
( مسألة مزاج ، أو مثل ما قلتي .. شي أبوه يشوفه الآن صح .. بكرة زوجي يشوفه غلط ؟ )
و ولدي ماشاء الله ، ذكي و يفهم .. و يتكلم مرات و يقول ( ليه ؟ )
أبوه يشوف إنه كلمة ( ليه ؟ ) أو ( بابا فين رايحين ؟ ) <--- قلة أدب ؟؟؟؟؟؟ نفس نظرة أهله للتربية ..
تجيه فترات ( زي الغيبوبة و يمشي بنفس أسلوب أهله ) ،،
لحد ما ( أكلمه مرات و يقتنع بكلامي .. و يصير مرررررة كويس مع الأولاد و مافي أب مثله )
عشان كذا ( الحمل و الثقل عليّ ) ..
لما أتفضى لأولادي .. أحس يكونوا متفاهمين و مافي أي ازعاج و لا مضاربات بينهم ..
بس انشغل شوي عنهم ، و يبدأ كل شي يتلخبط ..
-------------------------------------------------------------
- بالنسبة لقناة طيور الجنة .. ما كنت أعرفها مررررة .. و كنت أحسبها شي كويس للأطفال ..
لإني ما أتابع التلفزيون ، بس صرت أجلس و أتابع بنفسي و حتى ام بي سي ثري ..
أية تربية و أي أفكار راح تتزرع بمخهم ؟؟؟
.
.
بدأت من اليوم بفتح قناة ( براعم ) بعض الأحيان ..
جا ولدي الصغير ، و معاه الريموت و يأشر لي .. يبغاني أقلب له القناة و أفتح له ( طيور الجنة ) ..
حتى لو كانت القناة مافيها شي ، بس راح يكبر و هو حافظ كلماتهم و بس يرقص ..
أفتكر إلى الآن و أنا طفلة ( أبويا و أمي الله يرحمهم ) ، لما كانوا يفتحوا قناة السعودية ..
صح ما كنت افهم شي ، لكن اتغرس شي بداخلي ..
.
.
لو فيه قنوات كويسة و تناسبهم ، ليت أعرفها ؟
و أفكر إذا بدأت أأثث غرفتهم ، إن شاء الله مثل ما قلت لنورة ..
لازم ( مكتبة صغيرة لهم ) ، و كمبيوتر و آيباد ( و برامج أشرف عليها ) ..
و ما فيها شي لو ألعاب و كذا ، لكن أحاول أدخل لهم برضو ، أشياء مفيدة ..
----------------------------------------------------------------------------------------------
و صادقة بنصيحتك ..
صايرة الفترة هذه
( قلوقة بشكل زايد عن حده ، حتى صحباتي لاحظوا و كل شوية يقولولي - هديييي - مو كويس عالحمل )
الصراحة ،،
حاسة إنه الجنين أمانة في عنقي ، و بسبب اهتمامي الزائد ..
أبدأ أشعر بداخلي ، بتقصير شديد ، تجاه نفسي و أولادي و بيتي و عملي و خادمتي و زوجي و أهلي ..
.
.
و بالفعل ، سلاح الدعاء له تأثير عجيب ..
و هذا الشي اللي أفتقده ( فعلياً ) ،،
و بإذن الله بأرجع أهتم ..
.
.
بالنسبة للنصائح اللي بالمقالة /
رقم 5 ،، الإكثار من نقد الطفل .. هذا الشي اللي يضايقني بتعامل زوجي مع ولدي الكبير ..
على كل شي ينتقده ، و يفرق بينه و بين الصغير .. لدرجة الكل بدأ يلاحظ عليه ..
غصب عني ، أكون ( ماسكة الفرامل ) ،،
.
.
و رقم 6 .. نفس نصيحة أمل ..
كنت زمان أطبقها مع ولدي الكبير ، لكن توقفت مع قدوم أخوه و أهملته الصراحة ..
اقتباس:
اللعب مع الطفل مدة من الوقت كل يوم ,أو قراءة قصة له ,وقد يشترك جميع أفراد الأسرة في هذا اللعب ,أو الاستماع للقصة فهذا من شأنه أن يقوي الترابط والتلاحم والحب بين أفراد الأسرة,ويزيد من طاعة الأطفال لوالديهم.
|
.
.
و الله يجزاك خير على النصائح ..
و الحمد لله ، ارتحت نوعاً ما .. و أكثر من قبل ..
لما لقيت بعض النقاط ( أنفذها ) ،،
.
.
هو موضوع الإنتقاد ، زااااااااااااااااايد حده الأيام هذه ..
لدرجة إنه ولدي صار يقول ( ماحد يحبني ، لا الشغالة ، و لا ماما ، و لا بابا ، و أنا خلاص أترك لكم البيت )