غاليتي لما لا تبدئين بالصلح انت ِ اي تعتذرين له عما بدر منك فالمطار ..؟

حبيبتي انا اتفقت معه على وقت معين نستقر فيه
وصدقيني فاهمة ان الفجوات تكبر في البعد ولكن مابيد الحيلة
انا الان ماتكلم عن بيت ولا حب ولا مشاعر افهميني ياقلبي
انا اتكلم انه لو مجرد من كل شى اقل مايمكنه فعله يقوم بواجبه من الاتصالات والسسؤال عني
مو يقول توصين شى ويطلع من المسنجر
والله ان امي كل يوم تسالني دق عليك زوجك؟
اقولها ايه توه دق اليوم
وش اقووول عيب قدام اهلي والله مارضى اقولهم انه يكلمني بس مسنجر
انا الي جنني تجاهله لي معقولة يا ناس لهالدرجة يتجاهلني حتى لو كنت بعيدة
دامني بذمته فهو لابد ان يسال ويقوم بواجباته

__________________

انا ماتكلمت الحين عن النفقة والحب والمشاعر
المشاعر والحب غسلت يدي ولا صار هذا شغلي الشاغل
بس اتكلم عن واجباته اتجاهي وانا مسافرة هل من المعقوول يكلمني بالمسنجر زي الغريبة
وعرف اني بسافر يدق ويقول متى تاصلين وهل تحتاجين شى ياعالم افهموني كفاكم دفاع عنه والتماس له الاعذار
وان طبيعة اغلب الرجال كذا
كيف طبيعة اغلب الرجال كذا وامي كبيرة بالسن ومتزوجة غير عربي ويدق عليها ويسال ويمايهناله باله الا لمن يكلمها
بعيد عن المشاعر والهم هل مايدق ويقول ناقص عليك شى ؟؟؟؟؟؟؟؟؟؟
بالكلام مابي منه شى ابي بس احس اني زوجته وانه يسال ويهتم بسفري كاي زوووج عربي عنده غيره على اهله
لو عندي عيال منه مايسال ويقول متى توصلون ويسال عن عياله؟.........
اجل اذا مافي عيال ماجاب خبري
والميثاق الي بينا رغم انه وسخه بالطلاق والتحريم كل شوي
قمت صرخت اطلع الي بقلبي من قهر قال لا روحي لاهلك صاحية قبل لا تروحي مجنونة
قلت اوكي
قال انتي علي حرام
على طول المدافع عنده تشتغل
لانه عارف ومتاكد ان هالشى يحطمني
وقالي هيه اسمعي لا تترجيني وتذلين نفسك خلاص قولي اللهم اجرني في مصيبتي واخلفلي خيرا منها
والمصيبة انه يمسكني بشى لو تكلم فيه للناس يقلون له معك حق
بعد مايضغطني وارفع صووتي ويطلع مني كلام يعور القلب هو هنا تشتغل مدافعه
اما وقت احتاج منه كلام فهو مطنش وحتى لو ماسبح من سنة يجلس يسبح وقت ما انا احتاج منه كلام
او ياكل فصفص
لا تقلون لي تراه يحاول يكتم الغضب ..........لا انا احسه يقهرني بالي يسويه وسبقت وقلت له هالشى
يعني انا لو احد يجيني ويقول تراك تقهريني بالي تسويه وقت الغضب والله اتفادى واحاول اريحه فما بالكم زوجي

ناس كبار مني ولهم خبرة في الحياة اكثر مني قالو المفروض يدق ويسال حتى لو مدري ايش مسوية العقاب لوحده ومسؤوليته كزوج شى لوحده
صح اني افضل البعد عنه والاحتكاك فيه لانه مافي فايدة بالقرب ولا حتى بيفهمني وتكلمنا مليون مرة لا حياة لمن تنادي
ولكن ابيه يحسسني اني زوجته
يسال ويهمه تحركاتي وكل شى
لا قلت مسافرة يقول تروحي بالسلامة وانتهى
طيب يسال كم بتطولين ومتى راجعة ..........بل انا الي قلت له ضبطلي التذكرة عشان ارجع بوقت معين
قال اوكي بشوووف!
الله اكبر

__________________

انت ِ تخنقينه لين تطلعينه من طوره .. شلون تبينه يسالك عنك ويقوم بواجباته وانت ِ اصلا متخانقه معه .. مشكلتك انك عنيييده بتفكيرك مهما يكتب لك من حلول بالنهايه تسوين الي براسك بس ماعندك وسطيه بالحياه

كيف عرفت اني خنقته؟؟
واني عنيدة
وكيف عرفت اني اسوي الي براسي
عجيب
عموما الي انا مقتنعة فيه بسويه ومهما اشوف من ردود الا وانا انسانة اقدر اميز بين الصح والغلط
شكرا على مرورك

__________________

لا حول ولا قوة الا بالله ... حاسه فيك وبتعبك

ربي يفرجها عليك ويريح بالك

__________________

انا متابعه لك بكذا موضوع نزلتيه وتابعت كلام الماضي الدفين هي بنفسها قالت لك تفكيرك متطرف ياانك تحاصري زوجك بحبك المبالغ او تتركيه بشكل نهائي وتعيشي حياتك ماعندك وسطيه بالتعامل من اول ماقريت مشاكلك ونفسيتك ماتغيرتي صح توافقين التعقيب لكن ماتتغيري المشكله تبدا منك والتغيير يبدا منك
وانا مااهاجمك انا انصحك ترى بعض العتاب موده .. اجلسي مع نفسك فكري بوضعك بهدوء وعقلانيه

اختي الفاضلة من الكلام اللي قريته واضح انك انتي تموتي فيه وهو كذلك لكن اتوقع فيه احد بينكم حاولي تتنازلي لزوجك لبعض الاشياء اللي يبيها وايضا هو لمن يشوفك تتنازلي وتبين الخير وتحبينه صدقيني ماراح ينساك طول العمر حتى لو تفارقتم.
كذلك ارجوا من الاخوان القراء عدم النصح بالطلاق نهائيا لانه ابغض الحلا عند الله والحرمه اللي تطلب الطلاق او الخلع لا تشم رائحة الجنه .
وانتي يااختي تعوذي من الشيطان ولو عاره نفسك غلطانه حاولي تعتذر على مابدر منك فهذا زوجك وليس لك غيره وخاصتا المطلقه في مجتمعنا تعتبر مجرمه فأبعدي عن هذا الشى واصبري وان الله مع الصابريين
اتمنى ان تصلحي مع زوجك وتكون المبادره منك الافضل ............... وشكرا