افضل ان الاهل مايتدخلون احسن لأن اذا تدخلوا هالمره بيتدخلون كل مره

يعني يا اختي
زوجج غلطان ومقصر بحقك

بس انتي بعد الله يهديك

كانت فرصه بايدك تطلعين معاه وتتكلمون وتسولفون
حتى لو الوقت مو مناسب

وشبيصير يوم انه قالج بنطلع

كلتيله تسلم يا عيوني دقيقه البس ونطلع

وتلبسين ذاك اللبس الحلو والعطر يقول انا ؟

تغرقينه بكلام الحب وتسألين عن حاله؟!!

كانت فرصه تبينين له انه الطلعه مع حبيبته غير عن سهراته مع ربعه!!!

الحين عطيتيه حجه انه ما يطلعج ابد

ولما بديتي تسولفين معاه قلتيله انت تناظر في الحريم؟؟!!!
الله يهديج بس!!!

حتى لو كانت صح
مو بالفم المليان تقولينها له!!
علشان جيه هب فيج وعصب !!!!

الامور ما تتعالج بالصراخ والروحه عند الاهل!!

الحين روحي البسي وتعدلي
ولما يجي قوليله احنا اخطينا بحق بعض...وانا اعتذر عن اتهامي لك...وما انتظر منك تعتذر...بس انتظر منك انك ما ترجع تقولي هالكلام ....وان شاء الله بيهدأ وبتصفى النفوس

__________________

اساس اغلب المشاكل هو تنازل الزوجة عن حقوقها ...هذا اولا

ثانيا يا اختي ...دام انه قال لك خلينا نطلع ... حتى لو في قرارة نفسك كنت متيقنه انه بس تأدية واجب

كان بذكائك خليتيها احلى طلعة

عشان هو ينبسط و مع الوقت يحب يطلع معك

لكن انت الحين عطيته الحجة انه مايطلع معك

صلحي الموقف معه

وخليك ذكيه وسياسية في اخذ حقك

وربي يهديكم

لا فض فوك اختي الفاضلة بارك الله بك على الكلام والتوجيه الطيب واود ان ازيد

يا اختي الفاضلة

اخطأ الرجل بحقك وهذا وارد ولا احد معصوم من الخطأ

استفزازك له اعطاه ذريعه هذا اولا


انتقاصك من مبادرته حتى وان كانت لا ترتقي لما تريدين يجب عليك ان تشعريه بانك رضيتي منه على الاقل حتى يشعر بانك بحاجة للترويح عن النفس

موضوع النظر للنساء يعني الكثير من الرجال عندهم هالافة اسال الله ان يحصنا جميعا

يجب عليك ان تكوني اكثر روية وصبرا ....

الشد من كلا الطرفين يفاقم المشكلة ويؤدي بها الى التعقيد اكثر

تفكري هذا الحديث الصحيح المذكور في الجزء الــ 16 صفحة 197 من صحيح البخاري
عَنْ أَبِي هُرَيْرَةَ قَالَ
قَالَ النَّبِيُّ صَلَّى اللَّهُ عَلَيْهِ وَسَلَّمَ : إِذَا بَاتَتْ الْمَرْأَةُ مُهَاجِرَةً فِرَاشَ زَوْجِهَا لَعَنَتْهَا الْمَلَائِكَةُ حَتَّى تَرْجِعَ))

هل تدرك النساء عظم هذا الفعل !!!!!

اختي الكريمة يجب ان تتعلمي قيادة مركب الحياة الزوجية لوحدك بدون تدخل الاهل واحذري من اظهار زوجك بصورة ناقصة امام اهلك حتى وان كان به خلق سيء

فنحن لا نريد ان نزيد الطين بلة

حاولي معه بالكلمة الطيبة وبالنصيحة وذكريه بخلق سيد البشر عليه افضل الصلاة واتم التسليم

ولا تنسي نفسك انظري لاخطائك ولا تضعي الكرامة حاجزا بينك وبين زوجك

يغلط بحقك الان باسلوبك الهادئ تجعليه يندم على فعلته

ذكريه بان من اهان المرأة فهو لئيم

ولكن طيب المعشر من الزوجة مطلوب ايضا

بارك الله بك

المفروض طلعك يمشيك تشكرينه حتى لو كان الوقت غير مناسب

وتقدرين بالاسلوب الحلو تفهمينه ان الوقت غلط

مرحبا حبيبتي فراوله اولا قولي لا اله الا الله محمد رسول الله
ثانيا ديري بالج تتنازلين عن حقوقج مهما صار
ثالثا حبيبي قبل لا تزعلين من زوجك شوفي تصرفك واسلوبك اشلون كان؟ علشان يغلط عليج
وبعدين اذا هو غلط بعد انتي ساهمتي بالغلط
ثالثا (زوجك اناني ومزاجي ) لا تنظرين له بهذي النظرة ابدا حتى لو كانت فيه مافي انسان خالي من العيوب اكيد فيه مميزات حلوة طيب حاولي تتدرسين شخصية زوجك وكيف تتعاملين معاها مافي مشكلة وما لها حل
وتاكدي تماما طول ما ربي حي قيوم لاتاخذه سنة ولا نوم وتطلبينه مستحيل يردك
والحين حبيبتي تعوذي روحي صلي ركعتين واطلبي ربك صدقيني بترتاحين

اهلج لا يتدخلون ابدا في حياتك انتي وزوجك ترى ممكن تدخلهم يزيد الطين بله
حاولي دايما تحلين مشاكلك بعيد عن الاهل مثلا عن طريق رفيجاتج او النت
وبعدين انا اوافق رايي اختي 3thoooooooooooob
ولا تحطين امر الطلاق من الحلول الاولى والافضل الافضل ما تحطينه في بالج
ما تردين يمكن يجيك اردى منه
وفي شي مهم ابي اعرف انتي طالبة او موظفة
اذا كنتي لا هاذي ولا هاذي يعني ربة منزل اشغلي وقتك او اطلبي منه انج تدخلين دورات كمبيوتر و انجليزي واذا ما تقدرين ادخلي دورات عن طريق النت عندج الاكاديمية التابعة لقناة المجد

تدرين ليش لما تشغلين وقتج سبحان الله ما تقعدين تتحلطمين وتتضايقين اصلا بالعكس اذا كنتي فاضية تحاسبين زوجك عالطالعة والنازلة وانواع الاكتئاب وليش انا غير الناس ومن السوالف اللي تدور بالراس
ترى الناس مايحبون النكدية فما بالج زوجك وانا انصحك بقراءة كتاب رجال من المريخ ونساء من الزهرة جدا رائع

بصراحة عندي كلاااااااام كثير ودي اقوله بس اني مو سريعة بالكتابة علشان جذي اقول شي وانسى الباقي على بال ما ادور الحرف
الله يوفقج ويخسرلج زوجج
وانشاءالله والله كريم اني اسمع الاخبار الحلوة عنج وتكتبين زوجي قالي يا لب قلبي اللهم آمين

يافراولة ياوخيتي في الله ...رجالك غاصبن نفسه ومطلعك نصف الليل ..طاوعيه ووسعي صدره

علشان يتعود عليك شوي شوي .....وبعدين الله يصلحك مايطير عقل الرجال إلا أن تقول له حرمته

أنك تطالع ...وبعدين تطولين صوتك وتعصبين وهو يسوق ..لونه صادم كان رحتي فيها أنت وهو

أقول لك نصحية .أذا حاول يعتذر لك أضحكي له ونسي تراك أنت سببت على نفسك

ياأختي في الله ترى الرجال مايمشي بالصراخ والتأمر يمشي بأشياء كثيرة يسونها الحريم

السحر الحلال ...راجعي نفسك ...الله يهديكم ويسخر مابينكم .

__________________
اللهم آتني الحكمة التي من أُوتيها أُوتي خيراً كثيراً

انت اخطائتي عليه والمفروض ما تقولي الا قلتيه
ام عن كلمة حيوانه يااااااااااما قال زوجي ياهبله وياغبيه ويا ثور والله من غير ما اقول شيء

ياختي االيوم قال لك حيوانه لكن بعدين يمكن يتطوال عليك اكثر لازم تضعين له حد
وبعدين الازم الزوج والزوجه يطلعون مع بعض بين كل فتره واخرى يناقشون المشاكل ويشمون هواء شوي

الله يعينك ياعمري على هالرجال ونصيحتي لك انك تنفذين كلام الاخت او الاخ (نونو انا )


بالحرف الواحد والله يعينكمره ثانيه