والله يااختي الرجال اللي ينشك فيه تكشفه تصرفاته .........عموما كون انه مايرد على رقم غريب اكيد مو سبب مقنع لك انك تشكين فيه لكن انتي شوفي تصرفاته الثانيه معاك واكمان لا تنسين اخلاقياته ونشاته.......اذا كان تمام معك خلاص فوتيها ........الله لا يوريك مراره الشك لاني فعلا حسيت حياتي انقلبت 180 درجه بس انا لي اسبابي وتقدرين تقولين عريته امام نفسه
أنا مستغربة من بعض المشاركات اللي تنصح بترك السائلة مسألة الشك في الزوج .. وكأن الشك في الزوج من المسائل المحرمة .. ترى الزوج مجرد بني آدم .. يخطئ ويزل على أتف الأمور .. لاهو نبي ولا هو معصوم عن الخطأ..!!!!
أمثلة من حياتنا وايدة .. والمجربين وايدين .. إن الحياة الزوجية مبنية على أمور قد يراها البعض تافهة .. أو يضخمها البعض الآخر في أعينهم .. بس المشكلة إن موضوع الشك 99% منه يكون صحيح .. لأن الزوجين أدرى كل واحد فيهم بالثاني ..
مجرد اختلاف بسيط في العلاقة .. ولو كانت مجرد كلمة عابرة .. تخلي اي حد واثق من نفسه .. ومن الطرف الثاني .. انه يشك في بعض التصرفات .. ولو كانت بسيطة .. ومنها سالفة التيلفون النقال .. أو الإنترنت .. !
ولو كانت المسألة بسيطة ماكانت لجأت الأخت السائلة للمنتدى .. لمشاركتنا رايها .. واعطائها النصائح .. بس ان معضم الردود تكون على شاكلة ان الشك من أعمال ووسوسة الشيطان .. وهالخرابيط والله اعتبره اجحاف في حقها .. لانها ما دشت وعرضت مشكلتها الا لانها في صميم قلبها تعرف ومتأكدة ان ورا هالمكالمات أشياء صعبت عليها استعابها .. ومنها .. مثل ما قالت ان زوجها مسوي حضر تجول على تيلفونه .. محد يلمسه ولايدقه ..!!!!
هذي في نظر الكل (ماعتقد انه في إنسان ممكن يطوفها لشريك حياته بالساهل) .. في حد ذاتها تثير الريبة .. ليش الغموض في علاقة الزوج بزوجته .. والعكس صحيح ؟؟ مادام ان الله جعل الزوجة سكن لزوجها وهو سكن لها...؟؟؟؟؟
أختي أم سوسو ..
أنا أنصحج انج تكونين أكثر عقلانية في هالموضوع لانه ما بيخلص بالساهل..
أولا: فاتحي ريلج بالسالفة بس يكون في جو خالي من أي نرفزة.. وبيني له ان هالموضوع بدا ياخذ حيز كبير من اهتمامج .. والمفروض عليه انه يقطع الشك باليقين في قلبج .. وانج ما تبين الا مصلحته ومصلحة بيتج .. انه يقدم لج تفسير كامل عن هالموضوع .. ((مع شوية بهارات وبزار .. دموع وخلافه))....!!
ثانيا: إذا كان الموضوع كله شك من عندج وما لشكوكج أي أساس من الصحة .. قدمي له اعتذارج .. وقدمي له هدية اعتذار بسيطة .. ولو وردة صفراء .. تبين له غيرتج عليه .. وحبج له ..
ثالثا: إذا كان ريلج من النوع الكتوم ومابيقول أي شي .. اصبري واحتسبي اجرج على الله .. وادعي له بالهداية .. لانه ما في يدج حيلة ..!
رابعا: لاتفكرين مجرد التفكير في الموضوع انج تنبشين وراه .. أو تطالعين على سبيل الفضول .. الرقم أو الأرقام أو تفكرين تتصلين .. لانه هو هذا اللي يسمونه مدخل من مداخل الشيطان لقلب بني آدم .. لأنه يجري منه مجرى الدم .. !
خامسا: لاتنسين أهم شي المواجهة بينكم .. ولا تخافين ولا تتردين .. علشان لا يكون اللوم كله عليج ولا الغلط يطلع منج .. لان الريال مهما كان حنون وطيب .. بس في المشاكل الكبيرة .. يحب انه يخلي مسؤوليته أمام زوجته ونفسه .. وبيقول لج انتي ما تكلمتي .. وانتي وانتي .. وانتي في النهاية بتطلعين السبب في المشكلة من دون لا تدرين .. !!!!!
<------------------------------------------------- انحطت في هالمواقف وايد
والله يهديكم يا الرياييل .. ويصلحكم .. وايانا .. اللهم آمين
اختى لعله لايرد على رقم غريب او ممكن المتصل بيكون متصل من غير الموبايل ورقم لا يعرفه بالتالى المكالمه بتكون بحساب زوجك ولا يريد الرد
اما عدم رغبته بان تلمسى موبايله فهذا شىء طبيعى وكل واحد وله خصوصيته وغالبا بيكون المتصل احد من اصدقائه فبيكون محرج ان تردين عليهم
عندما كتبت مشكلتي وددت لو أني كتبت في أخرها الرجاء عدم الرد بمثاليه ولكن بعقلانيه وأن يضع كل شخص نفسه بمكاني وهل أنا معي الحق في هذه الشكوك أم لا وأنت أيها الرجل ألا يدب الشك في قلبك عندما تخفي زوجتك هاتفها الخلوي عنك وأذا كنت موجود ولم ترد على بعض المكالمات فقط تنظر ألى الرقم وتتركه,لا تتصوروا أني سأطلب الطلاق عندما تأيدوني في شكوكي لأن ولله الحمد أعرف أنه موضوع عابر وأن طال والعشره الزوجيه لاتهون من أجل شكوك وأن صحت,أشكرك شكرآ جزيلا ياBADOW TOY لأنك فهمت وضعي جيدآ وأعطيتني حلول ممتازه سأطبقها أن شاء الله ,والشكر موصول لجميع الأعضاء الذين أجتهدوا في أعطاء أرائهم لي .