كالعادة انتم يالرجال لما الزوجه تفضفض بمشكلتها وتعبر عما في داخلها طوالي تبحثون عن حل

نحن لانريد الحل من ازواجنا
نحن نريد الطبطبة والحنية فقط لاغير
لازم تفهم تفكير المرأه

المكان هناك مريح وبجانب والديك ونفس البيئة مريحه لها هي تحتاج حنيه وتفاعل منك

وانت اخذ الموضوع بشكل جدي ومتأزم نفسيا
خليك ريلاكس وعطها كلمتين وبترتاح

انا بصراحة مستغرب منك انت.

ليه تتزوج دامك ماتقدر تسكن زوجتك عندك؟ وكيف صابر وانت بعيد عنها بالذات انك توك معرس.

بتقول لي دوامها وما دوامها. هل هي فعلا تحتاج انها تداوم؟ انت المسؤول عن البيت ومو هي.

الحل برأيي تنقلها عندك بالرياض سواء بعملها او بدونه

تواصل معاها صوت وصوره مباشره باليوم ثلاث اربع مرات صوت وصوره عبر البرامج المتاحه ، خلها تنزل عند اهلك توسع صدرها عندهم وتندمج معاهم وصي امك وخواتك عليها بدون لاتشعر يزرونها بشقتها واذا طلعوا ياخذونها معاهم للسوق للحديقه لاي شي ، وانت خلك قريب منها ولو بالهاتف وشجعها وتتعدل ان شاءالله، والله يهنيك بالزوجه ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

ههها تقدر تنقلها لمستشفى قريب للرياض مو لازم الرياض نفسها . تقدر تنقلها مستشفى المزاحمية او ضرما او مركز صحي باطراف الرياض . هذي افضل شي الدوام اقل كرف لكن عليها تتحمل المشاوير كل يوم بالزحمة والخط الطويل.

الله يعين ويكتب لنا الخيره ... واسال الله العظيم ان يفرج همومكم ويسعدكم جميعا وويوفقكم لما يحبه ويرضاه ...

مسكينه مالحقت تشبع من حنان الزوج
فعلا كيف تصبر عن زوجتك كل هذي الايام وانت لساتك عريس
ليش ماتنقل عملك لدوادمي عندها وعند اهلك

اخوي ليس مطلوب منك حل للمشكله ... فلا يوجد مشكله من الاساس

زوجتك تريد منك ان تبادلها الشوق والمشاعر وتشعرها في كل لحظه وانت في الرياض عن مدى شوقك لها ولهفتك لرؤيتها

هل التعدد مقبول في عائلتك؟
اتصل عليها اكثر من مرة في اليوم
اذا رديت قلها بس اشتقت لك وحبيت اسمع صوتك!
هل هي حامل؟

لاوالله ي الغالي تونا لنا 5 شهور عرسان وعسى الله يرزق الجميع
المشكلة بمجرد اكلمها تبكي وحتى هي تقول لاتكلمني ابكي خلها واتس وصعب المكالمة عليها اذا صرت بعيد عنها لانها تنجرح منها 😔

بتضيع ايام من عمرك و سعادتك و عشان امور ما تحتاج

وظيفة
دوام
الخ

ماهي حجة حتى تكون زوجتك بعيدة عنك
و معاها حق تشعر بالوحدة و الحزن