عاد لو انا امه
كان اخذت الجزمة و على راسه

والله نرفزني الموقف ...
ايش دخل لبس الجزمة و انتو بكرامة بالرومانسية ؟؟؟

قولي قبل راسها .. قبل يدها .. دخل ببوكيه ورد احمر كبير او بهديه غريبة مثلا ..اكلها بيده
شربها او شرب من كاسها .. غنى لها
ياستي حتى لو نقول شالها قدام الناس .. تنبلع .. لكن يلبسها الحذاء !!!!!! هذه اهانة بصراحة ماهي رومانسية
العروس عقلها فعلا صغير و العريس بلاعقل اساسا لانه سمع كلامها..
الحين هالحركة الغير محسوبة.. سوت مشاكل بينه و بين امه و بين زوجته وويش استفاااادو
غير نميمة الناس و المشاكل ؟؟

الله يهدي امة محمد اجمعين

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

ههههههه اتفق مع جمانه
ذكرتيني يوم حظرت عرس وجا العريس ياخذ العروس
وفستانها الابيض يكر وراها طوييييييل
وما عرفت تمشي ورد ورا المسكين ولفه لها وشاله وكان يمشي وراها
هههههههه
الصاله كلها ضحك ويتهزون عليه والعروس تعطي العريس نظرات مقصود منها اترك الفستان وهو خايف ومرتبك
ما انساه العرس ههههههههههههههه
عموما طلعت العروس ناقمه الله اعلم عالعريس او عالمعازيم
وبعدها استلمن النساء ام العريس
والله الله ايكون في عون اوليدك والله .............
اعوذ بالله من هالناس الاشرار *_*
يارب فرج همي

__________________
أما والله لو علم الأنام *** لِما خلقوا لما هجعوا وناموا
لقد خُلِقوا لأمر لو رأته *** عيون قلوبهم تاهوا وهاموا
ممات ثم قبرٌ ثمّ حشرٌ *** وتوبيخٌ وأهوالٌ عظامُ
ليوم الحشر قد عمِلت رجال ***فصَلَّوْا من مخافته وصاموا
ونحن إذا أُمرنا أو نُهينا *** كأهل الكهف أيقاظٌ نيام

و الله مو ماسكة نفسي من الضحك كل ما اقرى رد....

الله ايعين

المشكلة اني لم افهم العروسة دخلت للمعازيم
و هي حافية يعني حتى جاء هو و لبسها الحذاء؟؟!!
غريبة القصة

__________________

إرضاء الناس غاية لا تدرك

يمكن مجرد تمثيله

انها سيندريلا يعني ولقئ اللي يدور عليها

لكن هالحركه ابدا ما اضبطت معاهم وخصوصا الام هههههههه

مسكين المعرس طاعها واكلها لوحده

ههههههه... يستاهل ماجاه
ولا اللي كاتب بتوبيكه بالواتسسسسسس أأأب
جزمة ماجدولين تسوى من أشكالك ملايين..!! وحاط صورة كعب أحمر
يقصد زوجته
هههه راحو الرجاله والله

يمكن ان العريس من الفرحةارتبك وماعرف وش اللي قام يسويه ويمكن انه مستعجل على زفتها بسرعه

بعدين انا اختلف معاكم في هاذي النقطة اشوف ان مافيها شئ هاذي زوجته ولو يشيلها من الكوشة حتى السيارة على ظهره
كمان زوجته وش دخل الناس فيهم خلهم وش مايقولون يقولون
رضى الناس غاية لاتدرك يعني مايصير العريس رجل الا إذا زمجر بعيونه ودخل مثل الأسد بين الحاضرين

خلاص لبسها جزمتها ولا شراريبها هاذي زوجته وحتى امه وش دخلها فيه مادام هو راضي عن نفسه
ومبسوط وش عليها فيه

وانا اذكر مرة صار عندنا عرس وفي ليلة العرس العريس طلب من عروسته ان تقبل رأس ويدين امه قدام الحضور في البنت
رفضت ولما رفضت العروسة كلام زوجها اصر على زوجته تقبيل
راس ويدين وقدمين امه هاذي المرة امام الحضور فالبنت رفضت وبشدة وصار بينهم نقاش حاد ومسك عقاله وعلى ظهر البنت
في الكوشة امام الناس وإخوانها عرفوا بالسالفة في قسم الرجال وشوية الا واخوانها وابوها داخلين للكوشة وكل واحد وعقاله في يده ومسكوا العريس وسطروه تسطير قدام الحضور وشالوا اختهم وقالوا له مالك عندنا زوجة وطلقها هاذيك اليلة

هو في الحقيقة فيه مشاحنات بين العروسة وام العريس واخواته

قبل العرس وقد سبق ومد العريس يده عل زوجته في السوق

صفقها كف وهم في محل الذهب كانت تشتري تجهيزات العرس

وصارت مشاكل بينهم وهم في الملكة ولما ضربها بالسوق البنت طلبت الطلاق وتدخلوا الناس وتوسطوا عند اهلها وسامحته ورجعت تممت العرس عز الله ان اللي صار ليلة العرس خرب الأولي والتالي و كل الحاضرين للحين يسولفون فيه

والناس لايرضيهم لا شين ولا زين ان كان زين سموه قلة تربية

ومو من سوالفنا ولا من عوايدنا

وان كان شين قالوا عنه نذاله ومايعرف ولا يفهم بالأصول ومو متربي طيب كيف نرضي الناس

الناس مايرضيها شئ ورضى الناس غاية لا تدرك وام العريس

هاذا اللي ضربت ولدها قدام الحضور لو كان الوضع عكس يعني

هاذا العريس زوج بنتها ولبس بنتها تتوقعون بتكون ردة فعلها كذا

ما اتوقع الا تزيد تفرح وينتفش ريشها قدام الحاضرين ولسان حالها يقول ان شوفوا بنتي
كيف زوجها يحبها ويموت فيها ومن شدة حبه لها شوفوا كيف يتصرف معاها

بس بغيت اسأل هما اخذوا للعريس صورة لذكرى وهو يلبسها ولا
ما اخذوا .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

خليه يجرب ويكتب مثل كذا اذا ماكسرت الجهاز على راسه ما اكون بنت ابوي وخل ماجدولين حقه تنفعه
ايش المسخرة وقلت الأدب هاذي مابقي الا هيه

ماجدولين هاذي من تكون والله اني ما اعرفها ولاعمري شفتها.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اي رومنسيه هذي ؟! لبس الحذاء تعتبر رومنسيه ؟!
اوكيه احبها واموت بها واقدرها بس ماتوصل للمواصيل هذي ، والله لو بحلف امه وهي امه ماسوا لها هالشئ يسوي لزوجته ؟!

عالم مرضى عساها ماترضى
صعبه الناس ترضا
لازين عاجبهم ولاشين

نرجع للعرس
الحذاء كان مع اخت العروس
وهم متفقين عالحركه اصلا العريسين
بس الام تفاجات
والحريم لقوا لهم سالفه يطقون فيها حنك

بنت الحكمي وش هالعرس اللي عندكم اللي كله طق مطاقق
باقي بس ماضربها يوم جا
يخطب