المشاركة الأصلية كتبت بواسطة Zainab123

اللي لفت نظري في الموضوع كله بنتك ياعمري عليها توها 4 شهور رضيعه وصغييره حتى انتي جسمك مابعد يتعافي بشكل
جيد من الولادة والحمل ...حاولي ان شاء الله بعد ماتولدي بالسلامه بمجرد ماتخلصي الأربعين تاخذي موعد للدكتورة وتسوي مانع حتى ترتاحي وتاخذي وقتك في تربية اطفالك ..الله يتمم عليك بخير.

المشاركة الأصلية كتبت بواسطة روح هادئه }~

السلام عليكم .. طبعا مالي بعد الله غيركم .. بكتب لكم بالتفصيييييل الممل عشان يكون كل شي واضح ...
انا علاقتي بزوجي قويه من اول ماتزوجنا ماغبنا عن بعض اكثر من يومين ثلاث ويكون شي مهم يا اما مرض او سفر او زعل وكذا .. بس لما قربت ولادتي قبلها بيومين ثلاث رحت عند اهلي وجتني الولاده و تنومت كمان يومين وطلعت باليوم الثالث يعني تقريبا اسبوع وفترة نفاسي قضيتها اسبوعين ورجعت لاسباب والمجموع كله تقريبا 3 اسابيع .. بس لما رجعت لقيت زوجي واحد ثاني وكتبت موضوع هنا وقلتوا انه لانك بفترة نفاس والخ .. وصرت اطبق نصايحكم و كانت تجيب نتيجه 1% ويرجع يتغير لدرجه شكيت ان فيه احد بحياته ولما صارحته قال انه تعود بغيابي ينام ع الجهه الثانيه و انه يحضن المخده و له طريقة نوم معينه يعني تبعدني عنه واذا حضني يكون اول ماننام بس 3 او 5 دقايق بعدها يقلب .. وكان مايجلس بالبيت لان هو لما اكون انا عند اهلي هو يسوي البيت فندق يلبس ويطلع وينام لان مره صارحني انه مايحبه بدوني ويفقدني والخ .. المهم حتى بعد الاربعين بدت علاقتنا ترجع تدريجيا بسس البنت كانت تخرب علينا نومنا يعني كل مايحضني تصيح واقوم اسكتها وارجع وتصيح واخر شي يطفش ويقلب عالجهه الثانيه لان كل مايغفى اقوم وحتى اثناء الجماع كانت تخرب علينا مرات .. بس من لما وصل عمرها 4 شهور وبدا ينتظم نومها .. زوجي بدا يرجع مثل اول وخاصه لما دخلت الشهر الخامس علاقتنا رجعت قوووويه وصار مايبعد عني حتى لو كان معطيني ظهره وغارق بالنووم بس من يحس ان جيت انسدح ع طول يلف علي ويضمني بقوه لحد مانصحى يعني مثل اوول .. وصرنا نستمتع بلحظاتنا و صار يجلس معي ونطلع مثل اول ويحاول مايزعلني بشي والمشكله الحين انا حامل بالاسبوع الخامس و بدا يجي وحامي ومعاناة الغثيان والاستفراغ والتعب وخاصه بالاسبوع ال6 و ال7 راح يشتد حيل .. وهو قاللي هالمره روحي لهلك كانت غلطتنا انك بقيتي هنا بوحامك الاول مالي خلق تصيرين نفسيه علي وتسوين لي مشاكل و مابي تتعبين وعندك بنت قبل عادي انا كنت عاذرك وماخليك تقومين غصب ولا تشتغلين بس الحين بنتك راح تتعبك .. متى مابغيتي قوليلي اوديك واجلسي المده اللي تبين .. < طبعا انا طبعي شكاكه وجا ببالي انه يبي الفكه وممكن الفرااغ يخليه يتسلى و الخ > ومن جهه ثانيه قلت صح كلامه ويمكن يبي راحتي وهذي فرصه و والخ ..
بس انا اخاااااف اروح و ارجع القاه تغير مثل لما غبت عنه وماصدقت رجع مثل اول واحسن ..
انتوا وش رايكم ؟

المشاركة الأصلية كتبت بواسطة روح هادئه }~

المشاركة الأصلية كتبت بواسطة روح هادئه }~

ميما دام زوجك مثل زوجي انتبهي تبعدين عنه .. انا الحمدلله الحين رجع مثل اول واحسن عشان كذا اقولكم خايفه اروح .. وحامي الاول مارحت لاهلي كنت اروح يوم وارجع او يومين بس ماكان عندي بنت كنت خفيفه بس البس عباتي وامشي .. توحمت ببيتي و فيه وصارت مشاكل بيننا وماقدر ادخل المطبخ واذا طبخت يكون الاكل ماينبلع واتنرفز واعصب و صرت نفسيه بجد وهو تحملني لان كان رافض ابقى عند اهلي فترة طويله .. بس هو الحين تعلم و شافني اتعب مع بنتي عشان كذا قال عادي لو تبين تجلسين عندهم فترة تعبك .. بالنسبه للخدامه مستحيل حتى لو هو رضى اهله مايرضون لانهم تحتنا و فوقهم اخوانه بيتين والواحد عنده اقل شي 5 اطفال وكل واحد متزوج 2 وبزارينهم ماشاء الله معبين العماره .. ومع هذل ماعندهم خدامه ولا احد فيهم .. ومره يبي يحط لأمه و هي رفضت ليه خدامه ليه ادخل غريبه لبيتي ليه اخسر فلوس عليها وليه و ليه .. اتوقع حتى لو يقولهم عني بيرفضوون اعرفهم .. وبالنسبه لأمي هي تستحي وانا ماكنت حابه انفس قدامه و ازعجه لان حتى هو يستحي من امي لما تحي زياره يسلم ويطلع واذا نسى شي يتصل علي ياخذه من عند الباب .. ولما بقيت نفاس اسبوعين .. تلخبط يومه وصار يتأخر عن الدوام وماياكل وملابسه اغلبهم بالغسيل وصار ينسى اشياء مهمه للدوام وكذا . لان انا قايمه بكل شي واجهز له كل شي وحيل مهتمه لما صار اسبوعين مع الاسبوع اللي قبلهم 3 .. ماعاد يتحمل وقال ارجعي اليوم اجي اخذك .. < وكنت مفكره اهله قالوا له رجعها بس طلع القرار قراره > وبصراحه فرحت انه ماقدر يصبر هههههههه وبنفاسي هذا اشوف الوضع المناسب .. بس همي الحين الوحام

المشاركة الأصلية كتبت بواسطة روح هادئه }~

وعلى فكره حملي الاول .. كنت برمضان الشهر السادس . والحين انا حملت بنفس الشهر اللي حملت فيه ببنتي يعني راح يجي رمضان وانا بالسادس تقريبا .. بس الحمدلله طول رمضان زوجي ما افطر عندي الا مره او مرتين .. لان من عاداتهم يجتمعون تحت يفطرون مع امهم و ابوهم هو واخوانه .. وانا كنت مرتاااااااااحه اطبخ اللي ابي و على قدي ويارب رمضان هالسنه يكون مثل اللي قبله