أنا يا عزيزاتي مشكلتي غير صح إنه الحين ما صار زوجي بس حبيت أكتبها يمكن بعض الأزواج يقروها وينتبهو -إن شاء الله -
(1):
مرة من المرات يوم الجمعة .. كنت قايمة أسويله فطور .. الصبح .. ما خلاني أقوم من عدالة .. لين الساعة 12 إلا ربع .. قلت له تبى فطور .. قالي لا مالي نفس ... رحت بخرته ودلعته وعطرته وقبلتين فوقهم .. ولما طلع .. كانت أمه واقفة قدام الباب .. ومعاها أهلها .. وقالت شو بتخليه يروح بدون ما يفطر .. وهي معصبة .. قلت لها سألته قال ما يريد .. قالت له أمه تريد فطور .؟. قال أيوه لازم عشان ما أتمي أفكر في الصلاة بالأكل.. قامت طالعتني بنظرة حقد وقالتلي روحي روحي المطبخ شوفيلة شي ياكلة لو بيموت جوع ما بتفكري فيه .........................و المشكلة إنه يطالع .....................وساااااااااااااااااااااااااكت ((((((((ولد أمه شو نقول))))))))))
(2)
مرة عزمته على مطعم وكنت خلاااااااااااص حاطة حسابي ..... وأنا كنت ميته من الجوع ......... ولما طلعنا ..(طبعا بعد ما طلع روحي) قلت له تراني عازمتك على مطعم وووووو من الكلام الحلو ........ز
قام رجعني البيت ... وقال أنا مب محتاج عزايم!!!!!!!!!!!!!!
(3)
مرة .. حطيت له صندوق وداخلة ثوب نوم حقة وحطيت معاه شوكولاته ورسايل حب و كم قبله مطبوعة بالكلينكس و الروج .. ومغلفة وعالغلاف كاتبه .......... حياتي .. أريدك اليوم الساعة 6 تلبس هالثوب وتجي تعطيني قبله....لا تنسى تراها مهمة عندي.......
قام فتحها وقراها .... وحطها بعيد ولا حتى لبسها شهر كامل و الله العظيم............
(4)
مرة أنا رحت أكوي ثيابه عقب ما غسلتهم وبعد ما سويت الغدى أنا و البشكارة ( كنت ساكنة ف بيت أهله) ولما رجعت حصلتهم بيخلصون يتغدون والمشكلة أهل عمتي معاهم ... ولا حد ذكرني .. وهو قاعد ياكل ولا سأل وين حرمتي
أنا و الله كنت ما بتغدى .. بس عشان أهل عمتي موجودين وما أبى أزعلهم ... و الله إني كنت أتغدى و الدموع خانقتني..
وهذا الموقف تكرر أكثر من مرة
(5)
في بدايات العرس "... وتونا ردينا من ماليزيا .. (شهر بصل) قاعد عند أمه لين الساعة 3 بالليل تحفظه شو يسوي .. وما نعني من إني أروح عندهم .. بحجة إني مسوية ميك أب قلت له بمسحه قالي لا لا تمسحيه ولا تطلعين من الغرفة و الله إني قاعدة من عقب الصلاة أنتظره وما صارلي إلا 10 أيام بس معرسة .. ولما رجع قال .................................................. ..................................... ليش ما نمتي؟؟؟؟؟؟؟؟؟؟؟؟؟؟؟
(6)
ومرة وما صارلي معرسة إلا 3 أيام ونحن فى ماليزيا .. سكر باب الغرفة في الفندف وشغل السيجارة ( وطبعا هو قال إنه ما يدخن ويصلي وووما يغازل بنات ولا يكلمهم وووووووووووووو) وأنا تخيلوا شكلي كاشخة متعدلة أنتظرة ... وفجأة ... و الله إني كنت أحس إنه بيجيني جلطة .. ما قدرت أنطق ولا حرف .. وقلت له ليش كذبت علي .. قال وبكل بروووووووووووووووودة وهو يالس يشفط السيجارة .. أنا ما قلت أبوي اللي قال !!!!!!!!!!!!!!!
قلت وليش مارديت عليه وقلت لا يا بوي أنا أدخن .. قال أخاف منه يعصب علي !!!!!!!!! رجل عمره 25 وبعده يخاف من أبوه يضربه .................................................. .....
(7)
مرة من المرات ( بعد ما تكرر سالفة المسجات الغريبة و الاتصالات آخر الليل ) شفت مسج طير لي عقلي زعلت وواجهته .. وكنا رايحين بيت أهل عمتي ....... الليب ما عندنا غيرهم ---- ....... قالي أيوة أنا أكلمها من قبل العس بعد وبس ...
وراح وخلاني أصيح وما رحت معاهم ... لأنه راح عني ... ويوم قلت أنا بكلمها عصب علي وقال لا بتزعل !!!!!!!!!!!!!
وأنا بالطوفة ........... ورحت بيت أهلي طبعا أبوه وصلني ........ وما علمت أهلي بالسالفة و للحين ما يدرون لأنهم و الله بيروحي يصفعوه .. وما جا يروحني البيت رجع بعد نص الليل وراح عند ربعه .. وأنا روحت .. سويتله مسج قلتله إذا بتجي دق علي عشان أبطل الباب..
وما وصل إلا الساعة 3 في الليل ...................... وهو زعلان ,,, وعنده أنا الغلطانه!!!!!!!!!!
تعبت
بس الحمد لله الحين تطلقت منه .. وربي فكني من شرة وشر أهله ...
بذمتكم هذا واحد يستاهل حد يقعد معاه
طبعا ما حكيتلكم سالفة بخلة مرة ثانية
__________________
*************************
اللهم اغفر لأبـــي وأرحمه ... يا أرحم الراحمين
اللهم اغفر لـ أخينا سنون ومنون ..يا أكرم الأكرمين
اللهم غسلهما بالماء و الثلج و البرد
اللهم نقهما من خطاياهما .. كما ينقى الثوب الأبيض من الدنس
يا أرحم الراحمين ..
آمين آمين أمين
*************************
التعديل الأخير تم بواسطة رقة ; 16-04-2006 الساعة 11:35 PM
16-04-2006, 05:22 PM
ضوابط المشاركة
العرض العادي
