يا اختي الحمد لله زوجك لم يصل إلى الخيانة الجسدية...اما الحديث مع النساء والافلام الاباحية فانا آسفة ان اقول لك انها اصبحت وباء العصر ...والكثيير الكثير قد وقع فيها حتى من المتدينين ...صديقاتي اللاتي تزوجن من متدينين ومطاوعة يشتكين ازواجهن فتنوا بالانترنت وحضارة الغرب...حاولي تخلي جو البيت ايماني حطي قرآن بصوت جميل كالغامدي يعطي خشوع ويخلي الواحد يندم على تقصيره..وفقك الله

اختي zoTA
هو خمس سنوات يخوني
صح بدون مقابلات بس انا لي طاقه
ومتبت كلمة طلاق لاني فعلا متنرفزه منه

ليه مايعيش عادي مكتفي فيني!؟

ليه لازم حرام !!اكتب طلاق وافكر فيه كثير لاكن ماتمناه بس علشان الصغار مو علشانه
عدم تقصيره معاي ممكن يانبه ضميره فقط...

انا احاول اصلحه لاكن من جواتي
ماله قيمه عندي صراحه واضحك معاه واسولف بس بمشي الحياه


لاكن يعلم ربي انا منقهره على وضعي معاه ...اكره كل شي اذا بس ذكرني لاني خايفه انه مستمر وانا غافله عنه لاني شفته يتابع افلام اباحيه !!!

ربك يصلح بس ومراح اخذ براي الانفصال ان شاء الله بس بعد ماانكر اني بس افكر فيه غصب عني افكر يمكن من كثرة المواقف المتراكمه بدون اعترف منه واستمراره خلاني اتساهل بالكلمه زي ماهو اتساهل بارتكاب الذنب وهو
رجل محصن..الانكار بحاله والحلف بالمصحف جريمه بحد ذاتها

ويتقن الكذب لما شكيت لاهله واهلي لاني انتهت من عندي الحلول حلف واديان!وانه مايشوف غيري وانه يخاف علي وخواته

وايش استفدت قال اني شكاكه!

والادله انكرها كلها!


دعيت صراحه قلت يارب اني اشكيه عندك لانه كان يفتعل المشاكل

طيب انا ايش ذنبي؟؟؟؟؟؟ ومع هذا كله ابي اصلاحه علشان لو حصل شي يكون بالي مرتاح واقول ماقصرت معاه.....

حبيبتي أنا طالعه الدوام الحين

بس أفضى أرد عليك ..

الله يصلح أحوالك وأحوال زوجك ..

__________________

(( لا شيء يجعلنا عظماء سوى ألم عظيم ))

ام عمر الله كريم نسأل الله ان يثبت
قلوبنا على دينه جزاك الله خير فعلا
انا طبقت هذا الشي

مع الأسف الافلام الاباحيه داء العصر
الغالبيه يشاهدوها الا من رحم ربي

حبيبتي اشغلي نفسك عن متابعته
ترى فيه ملكين عن يمينه وعن يساره
هم اللي يسجلوا اعماله
وفيه رب فوق يراقبه ويحاسبه

اسوأ شي ان الزوجة تتحول لمعلم
او موجه او مصلح اجتماعي

نصيحه ونصحتيه.. خلاص كثر خيرك

هل ياترى لو كان مقصر بصلاته
كان شعرتي بنفس الحرقه هذي؟
ما اعتقد !

استمتعي بحياتك
وابعدي عن النكد واللوم والمشاكل
ترى ماتجيب الا النفور والامراض والتجاعيد

حبيبتي ZoTA
جزاك الله خير
ربي ييسر لك موفقه خير الله معاك

السلام عليكم

شوفي حبيبتي .. والله لو خياناته جسديه أو يضربك كان قلت لك تطلقي من الحين وانتهى ..
لكن دام الشغله مكالمات الوضع أهون شوي

شوفي يا قمر أغلب المتزوجات وفي كافة الأعمار سواء صغيرة والا كبيرة تعاني مما تعاني منه
هل كلهم طلبوا الطلاق ؟؟ لا طبعاً
لو كل وحده طلبت الطلاق كان صارت كارثة في المجتمع
لكنهم صابرين ..
أعرف لك ناس متدينين الله يستر عليهم وربي أكرمهم بنعم الزوجات ومع ذلك يعملون مثل ماعمل زوجك

صحيح الواحد يستغرب من دينهم وإلتزامهم قدام الناس وهذي سواياهم في الخفاء .. لكن مثل ماذكرت لك الأخت اللي قبلي إن هذا داء العصر ..

بخصوص الأفلام الاباحيه صحيح انتي تحسي بإشمئزاز لما تشوفيه مدمن عليها لكن ناصحيه وذكريه بعقوبة النظر للحرام .. كل ليله تكلمي معاه بهدوء وباسلوب حلو وان شاءالله يهتدي على يدك
مو بس زوجك يطالع للافلام .. أغلب البشر يتابعون هالشغلات المحرمه والمشكله لما تلاقي اغلبهم في سن الاربعين والخمسين .. الحمدلله الذي عافانا مما ابتلاهم .. التقنيه سهلت كل شي .. الحين للأسف الافلام في متناول الكل .. والأجهزة الذكية ماقصرت في تسهيل الحرام .. وزوجك مثلهم ربي ابتلاه بذا الشي .. من واجبك تناصحيه بقد ماتقدري ولك الأجر ان شاءالله اذا اهتدى ..

الحياة الزوجية يبغالها صبر .. تضحيه ..
والله ياما صبرنا وتحملنا لغاية ما وصلنا للفراق بس بعد ما استنفذنا كل السبل
أنا في خلال مشاركاتي السابقه في مواضيع متعدده كتبت وش صار معاي وكيف تحملت وصبرت .. مع اني مستغنيه استغناء تام عن ذاك الانسان

الحمدلله مرتاحه مادياً ولا احتاج شي منه
فقط احتاج دينه وصلاحه وانه يكون سند وعون لي في الحياة ونبني أحسن أسرة ..

ومع ذلك صبرت وتحملت عيوبه لغاية ما طلق من نفسه ..

وعلى فكره كل اللي ذكرتيه في معاناتك انا شفته في حياتي معاه .. لكني حاولت أعالج الوضع باللي اقدر عليه

الفرق بيني وبينك انتي معاك ضنا وانا لا
صدقيني لو معاي منه عيال كان ممكن عالجت الوضع بشكل اخر

طيب خلينا نتخيل انك طلبتي الطلاق وتطلقني لا سمح الله!!
هل بترتاحين؟؟

اقسم بالله ماراح ترتاحين نفسياً .. وراح تراجعي نفسك مليون مره وتندمي أشد الندم

انتي مو موظفه .. معاك عيال .. وواضح انك تغارين بقوووه
طيب تطلقتي وبما ان عندك عيال يمكن تتزوجي معدد
هل بترتاحي وقتها ؟؟ طبيعي ماراح ترتاحي من الغيره
طيب وولدك او بنتك وين يروحون اذا شفتي حياتك وتزوجتي ؟؟

طالعي قسم المطلقين والمطلقات والمعاناه في الزواج الثاني وخصوصاً لما يكون عندهم اطفال

ياحبيبتي الدنيا ذي ما صفيت لأحد ومافيه شي كامل سبحان الله .. ماقدامنا غير الصبر على اللي في يدينا والدعاء ثم الدعاء بالصلاح والهدايه ..

__________________

(( لا شيء يجعلنا عظماء سوى ألم عظيم ))

انا استغرب فعلا من اللي زوجها يخونها والناس تقول طنشي و سوي نفسك ماتدرين !! ليه الزوجه قطعه اثاث او جدار مثلا عشان تطنش او ماعندها احساس !
ترا احساس الخيانه يوووووجع و طعمه مر الله يكفينا و اياكم الخيانه

هذه خيانه يعني تدرون وش معنى خيانه ؟ رجل محصن و ربي منعم عليه بالحلال و بزوجة بنت حلال يروح للحرام ليه ؟ مافيه شي اسمه طقطقه او يتسلى ! اليوم خيانه هاتفيه بكرا خيانه جسدية اللي يتساهل بحدود الله هذا ماينفع معاه تطنيش ،، و من أمن العقوبه اساء الأدب

اذا ثبتت خيانته بالجرم المشهود و بالأدلة هذا لازم يتوقف عند حده و تاخذين موقف حازم معه اما موضوع انك تطنشين وتسوي نفسك ماتدرين هذا يخليه يتمادى اكثر و اكثر و اليوم يخبي عنك خيانته بالجوال بكرا يكلم قدامك لانه عارف رده فعلك بتكون سلبيه .

طيب فرضا قلنا لها اصبري و صابري و طنشي اوكي لمتى ؟ اذا هو ما اعتدل و عرف حدود الله لمتى بقعد اصبر ؟ الصبر هذا له ثمن ! صحتك و سكر و ضغط و سراطانات الله يكفينا الشر

لذلك يا ياعزيزتي اتخذي معاه موقف صارم أقلها تأديبنه تجاهليه ولا كأنه موجود لحد مايتعدل مع الدعاء بنص الليل و الاستغفار اما السكوت ماينفع ماينفع ابدا

ما انصحك تفتشين من وراه و تحققين معاه .. كلامي اللي فوق في حال ثبتت خيانته بالصدفه .

مرحبا هلا فيكم ماقصرتم

الله يعطيكم العافيه
اختي Deem
صادقه توجع بس الاطفال؟؟؟؟

لو ماكان عندي كان تركته
بس ايش ذنبهم!؟
وعارفه الوضع وفاهمته انا اخر مرا لما كشفته عسى ربي
لا يعيدها طلبته يطلقني ورفض

وبلغ الوالد قال طفشتني بس تقول طلقني ماكنت شايفه قدامي
كبريت شابه نار

بعدها حاولو يهدوني هو وابوي

يعني انا من كثر شايله بقلبي عليه
خلاص ماتحمله يغلط عليه ولو كررها

احس ممكن انفعل واتركه!!!

اعرف نفسي لاحظي كم مرا رحت لاهلي

يعني كل الحلول سويتها
حايا بحاول اساعده من غير مايحس

هو رضي رضي رضي بامه وابوه

ويحب اهلي ويحبونه مرا من جواته طيب ومعايه رغم يماطل عبال ماينفذ

بس صراحه ينفذ والضيوف اذا جوني
مايقصر

يعني فيه اشياء تشفع له

اخوي الكبير لما عرف طبعا هو تكلم
قال اني اشك!

...مايعترف بغلطه قال له رب يحاسبه

انتي عيشي لنفسك وعيالك انسي
برا البيت ايش يسوي

ولا جاء خليك بنت محترمه معه

لاترفعبن صوتك ولاتكسرين كلمته


والله راح يتغير ولو اﻵجال سوا شي كبير قصده بالجسد قال ماراح
نخليه بنحاسبه وان اعرفه يمكن يقلد

هو ماكان كذا الرجال فعلا كان محترم حسبي الله بس وعاد كل اخواني نصحوني وعلاقتهم حلوه

وتقريبا مو معاي من هذي الناحيه يقولون حرم شرفه مانتعرضه ماشفنا عليه شي وولد عم اخبر فيه منك


علشان كذا انا احاول اتغاضى واحاول اصلاحه من ناحية الافلام بسسس

وباذن الله اساعده..الله يصلحه يارب

كلامك عجبني ZOTA

الله يجزاك خير وربي يعوضك ان شاء الله