اشكركم جميعا على ردودكم...


انا ماالزمتها على شي..بس بحكم اني زوجها ..مافي بيننا شي اسمه "خصوصيات" ...اللي بيننا واحد

ثاني شي انا اتكلم معاها عن كل شي بحياتي...ماخبي عنها شي..وماعندي شي اخبيه عنها...
وانا متأكد ان في امور كثيرة ماااااااتعني لي شي يعني مثل ماتقولون "سوالف بنات" ومابي اعرفها ... بس بنفس الوقت مابي تصير احداث من حولي وتخصها وهي ماتتكلم لي عنها "بشكل عام"

ماشاء الله تبارك الله معطيتك الرقم السري بعد

والله لو وشو ماعطي احد رقمي الرسري حتى لو كان زوجي

انا عندي صديقات وقريبات اسولف معهن وبيننا رسايل ماظن صديقاتي يرضون ان زوجي يقراها

يااخي لازم تحترم خصوصيتها ..ومااظن انه من حقك تقرا كل اسرارها مع صديقاتها وايميلاتها


وسالفه رسايل الايميل هي ممكن ماتقصد الغته الغاء تام ممكن صارت بس تستخدمه للايميلات فقط

بدون مسنجر لانها اكيد فيه صديقات يراسلونها على القديم وقروبات وماتبغى تخسر هالرسايل

الله يوفقكم

__________________

اليوم انت فوق الارض
وغدا تحت الارض فماذا اعددت ليوم العرض

انا عندي ايميلين

القديم ما عاد استخدمه ودايما اذا حد سألني عنه اقول الغيته بس انا يوم اقول للناس كذه اقصد اني ما عاد اراسل حد فيه. بس عادة اذا موقع عجبني او منتدى اسجل بالايميل القديم لاني ما ابغى الجديد يمتلي رسايل جانك

واي شي غير مراسلة الناس عادة اسويه بالقديم
بس رغم كذه في بعض الناس يرسلون لي ايميلات في القديم , ولاني صرت شبه ما استخدم القديم الا للضرورة اذا دخلت اشيكه وعجبني شي من الايمايلات المرسوله على طول ارسله للجديد.

والذي سوته خطيبتك اي انها ارسلت ايميلات من القديم الى الجديد دليل على انها ما عاد تستجدم القديم ونادرا ما تفتحه عشان كذه حبت ان هالايميلات اللي عجبوها يكونون في الايميل اللي دايما تستخدمه

وعن نفسي اقول للناس الغيته لاني ما ابغاهم يراسلوني فيه .الناس اذا قلتلهم انك لغيت ايميل وقتها يوقفون يراسلونك فيه غير كذه كل يوم بتلاقي ايملات

لا اله الا الله

أخي.. أنت خلاص غسلتها بصفة الكذب من مجرد ايمال؟؟؟؟ افتراضا تركته مفتوح... تكون كاذبة؟؟ تعرف كيف انا
انظر الى الموضوع ؟
رأيي انك غصبتها على اغلاق ايمالها شاءت ام ابت. هي لم تقتنع و بذلك ما عاد استعملته و لكن ما اغلقته
تماما.. لا شئ يجي بالغصب.. اي انسان سيضطر الى الكذب ان كان مفروضا عليه امر ما الا من رحم ربي..

انت لا تضيق عليها كثير.. ستخنقها للبنت ..
بعدين مثل ما قالوا الاعضاء.. اترك لها شوي خصوصية بس شوي
بعدين هذا لا يعد انها تكذب فرد مرة! كم مرة شفت منها الكذب؟؟ هاه؟؟
بدك تعرف الكذب على اصوله تعال شوف كيف كانت خطيبتي بس الحمد لله بالحوار و التفاهم كل شئ بيصير.
قطع اللسان لا يمنع الكذب! اؤكد لك..

أوافق الأخوات فيما ذكروا..
لأنني صراحه اعمل مثل طريقتها الغيت القديم وبلغت صديقاتي بإلغاءه،
واضفتهم على الجديد وما اقصد الغاء الحساب، لأن الأيميل الجديد مسجله فيه بمنتديات
وقروبات وبين فترة والثانيه افتح البريد القديم وارسل بعض الرسائل للجديد..
(بمعنى اصح تم الغاء المحادثات على الماسنجر به وليس الحساب)
يعني لاتخلي الشك يدخل بينكم .. مجرد اجراء روتيني نعمله.. لاتكبر المسأله.
واعتقد لو صارحتها بطريقة مباشرة يضايقها تصرفك،
لان الفتاة في مرحله الخطوبة تكون حساسه بدرجه كبيره ويمكن تفسر تصرفك عدم ثقه فيها ..
ومن حقها يكون لها خصوصيه ..
أسأل الله أن يتمم لكما على خير ويوفقكم لمافيه الخير والصلاح..

بعطيك نصيحة لوجه الله
لو ضليتك على تفكيرك هذا بعد الزواج أبشرك إنها ما رح تتحملك أبداً
أخوي عمرها الحياة ما تيجي بالطريقة هذي أبداً .. حطيت زوجتك كذابة مرة وحدة لمجرد إنك مو متيقن من موضوع ! .. والأخوات شرحوا لك شرح مفصل وكلامهم منطقي

آخر شيء تفكر فيه أخي الكريم إنك تشك بزوجتك .. وإلا رح تنقلب حياتك معها لجحيم .. ورح تصير تضيق عليها وتخنقها .. ووقتها رح تتمرد عليك .. وعندها ما رح ينفعك ندمك

الرجولة ما هي بالإجبار ولا هي بالتسلط ولا هي بمعرفة كل خصوصيات الطرف الآخر .. الرجولة بالتفاهم والتفهم وضبط النفس عند الغضب ومعرفة كيف تورد الإبل .. وقتها هي تصير ممنونة لك بكل شيء .. وإنت بطريقتك هذي ممكن تخسرها .. فانتبه الله يحفظك ويرعاك

أنا مع رأي الأخ أبو قتيبة

بطريقة تفكيرك هذه ستدخل بدوامة لا نهاية لها

ثم مسألة أنه لا توجد بينكما خصوصيات

فهذه ما أوفقك عليها أبداً


هناك أمور مشتركة بين الزوجين ممكن يعرفاها عن بعض، وهناك أشياء معرفتها تضر بالعلاقة وتفتح باب للشيطان




فريح بالك

والله يجمع بينكما على خير






عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

انا وزوجي
نفس الطريقه واالله نفسها .............!!
لاتشكك من هلجانب.
وتبي هي تغيييييييييير عليها ومنها تخبرك ترسل للايميل الجديد.....

مشالله الناس متفاعله وكثرة الردود معك بس لاتقولها شى وتحرجهاخلاص هى حرة هى ممكن تحكيك وتقولك كل شى من كانت معك وبذمتك لكن شى ماضى وانتهى ماهى ملزمه تحكيك عنه مهما كان وصار وكل شخص له اسرار وخصوصيات مايحب احد يشوفهاوكويس منهاعطتك ايميل وباسورد!!!اشوفه كثير لان مهما كان فيه مساحه فاصله وشى خاص وحدود حمراء الواحد يتنفس منها

__________________
اللهم اغفرلى ولوالدى ولاهلى ولزوجى والمسلمين والمسلمات الاحياء منهم والاموات

اعجبتني ردودكم بصراحة... ولأني مرتبط جديد ومالي بالبنات ، الظاهر اني محتاج وقت عشان افهم الجنس الناعم اكثر..


مشكورين ويعطيكم العافية جميعا

همس2009
مافهمت قصدك بشكل كامل !!