كان الله بعونك اختي..

والله من بعد قراءتنا للمواضيع في المنتدى عن طمع الازواج، ارى ان المراة الموظفة وظيفتها نقمة عليها...
ماذا دهى الازواج؟؟؟؟
جشع وطمع واستغلال....
يريدون من زوجاتهم ان يصرفو عليهم...

لا حول ولا قوة الا بالله..

حفظ الله لك ولدك وادامة الشمس التي تنير حياتك...

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

لا حول ولا قوة الا بالله,,انشاءالله انك بعد هالفضفضة ريحتي نفسيتك شوي,,

واضح ان زوجك ماكان مستعد لهذا الزواج لا نفسيا ولا ماديا,,وواضح انه مايقدر يتخذ أي قرارات شخصية لأن أخوياه ما شاءالله عليهم هم اللي يقررون وهو ينفذ,,وأنتي الضحية,,وفوق هذا كان معتمد اعتماد كلي عليك وعلى أهلك من ناحية الصرفية,,وهذا غير الخيانة ان كان ثبتت,,

من وجهة نظري ان هذا الشخص لا يستحق أن تكوني زوجة له..

الله ييسر لك أمورك..

لا حول ولا قوة الا بالله ....


الله يعينك ويساعدك وينصرك على الظالم والمفتري ...


شوفي أختي مالي الا كلمتين والباقي الله يتقبل منا في ظهر الغيب ...

1- حكاية أنك ماتبين تثقلين على خوالك فهذي تشيلينها من راسك ...وش فايدة الأقارب الا انهم عزوة اذا هداهم الله ...

وواضح ان زوجك مستقوي عليك لأن مالك ظهر ... فتوكلي على الله وأختاري أصلح وأحكم خوالك يصير وكيل عنك قدامه ...

2- لا تبينين لهم أنك دارية عن موضوع الهيئة ... هذي ورقة رابحة في يدك احتفظي بها في حال وصل الموضوع لمحاكم وقضايا حضانة ... الله أعلم وش يسوون لو دروا انك دارية ممكن يزورون ممكن يتحايلون الله أعلم ..

3- ابحثي وتقصي بمعاونة خالك عن أي قسم هيئة تم به الضبط لتحصلي على افادة او شهادة خطية من عندهم او محضر بالضبط ...أي شي أي ممسك لك عليه واحتفظي به الى أن يأتي وقته لكشفها ....


الله ينصرك يا رب ..قلبي معك ....

ولا أنسى أوصيك بصلاة الليل وتلاوة سورة البقرة والمداومة على الاستغفار بنية الفرج ...

اقتباس:

المشاركة الأصلية كتبت بواسطة رسيـــل لا حول ولا قوة الا بالله .... الله يعينك ويساعدك وينصرك على الظالم والمفتري ... شوفي أختي مالي الا كلمتين والباقي الله يتقبل منا في ظهر الغيب ... 1- حكاية أنك ماتبين تثقلين على خوالك فهذي تشيلينها من راسك ...وش فايدة الأقارب الا انهم عزوة اذا هداهم الله ... وواضح ان زوجك مستقوي عليك لأن مالك ظهر ... فتوكلي على الله وأختاري أصلح وأحكم خوالك يصير وكيل عنك قدامه ... 2- لا تبينين لهم أنك دارية عن موضوع الهيئة ... هذي ورقة رابحة في يدك احتفظي بها في حال وصل الموضوع لمحاكم وقضايا حضانة ... الله أعلم وش يسوون لو دروا انك دارية ممكن يزورون ممكن يتحايلون الله أعلم .. 3- ابحثي وتقصي بمعاونة خالك عن أي قسم هيئة تم به الضبط لتحصلي على افادة او شهادة خطية من عندهم او محضر بالضبط ...أي شي أي ممسك لك عليه واحتفظي به الى أن يأتي وقته لكشفها .... الله ينصرك يا رب ..قلبي معك .... ولا أنسى أوصيك بصلاة الليل وتلاوة سورة البقرة والمداومة على الاستغفار بنية الفرج ...

أتفق مع رأي الأخت الكريمة رسـيـل 100 %


أختي صاحبة الموضوع

الله يكتب لك الخير ويهدي زوجك ويصلح حالكما




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

الله يفرج همك يارب


المفترض أنك أول ماانضربتي رحتي للمستشفى وسويتي تحقيق
وترا الموضوع ابدا مو صعب
أتذكر مرة انكب على يدي موية حارة الساعة 12 بالليل
وسألوني منين وكيف وسألوا زوجي
وحتى الدكتورة لما قلت لها موية حارة بالغلط قالت أكيد..
بتسألين وليش الفضايح
طبعا بتكون معك إثبات بينفعك بعدين لو حاولوا يضغطون عليك بالخلع أو شيء من هذا

فأنت لو لاقدر الله صار شيء من هالقبيل اثبتيها
ومثل ماقالت رسيل حتى ورقة الهيئة حاولي تحصلين على إثبات منها

ومن رأيي تسكتين عن الموضوع لحد مايجون امك وابوك واشرحي للوالد الموضوع وبتنحل بإذن الله

مشكورين والله ريحتوني بكلامكم

انا اليوم رحت المستشفى سويت تحاليل شامله صار لي فتره احس اني ماني على بعضي

تدرون كم نسبة دمي ...

انا الحمد لله مافيني فقر دم وكل تحاليلي ان مرره نقص صار 11 ونص وهذا كان في حملي

اليوم طلع 9 لأول مره .... حتى الدكتوره تقول شاااااااااااااااحبه ليه كذا

حسبي الله على اللي كان السبب





انا مشكلتي اني اكتم اكتم مقدر افضفض يعني بس ابلع الهم بروحي حتى امي مااقول لها

اسوي روحي مرتاحه وسعيده وانا اتقطع من داخل

دايم خوفي اني اضايق احد والا اغث احد احاول افضفض بس مااقدر

خويتي المقربه مررررره تقول لي فيك شي قول لي لي فضفض لي ريحي راسك ...والله اسكت ابغى انطق مااقدر


بالنسبه لخوالي وحتى اهلي مسالمين مررررره اعرفهم

يعني انا افكر بجية اهلي اخاف يقولون رجعي له واعتذري منه

ادري بيحز بخاطرهم بس امي تفكر بكلام الناس كثييييييييييييير

دايم كلامها لاتخلون احد يتشمت علينا والا يضحك علينا

كل مابغيت افضفض لامي اتذكر كلامها وابطل لأنها مابتوقف معاي وبتقول لاتشمتين الناس فينا

مشتاقه لامي والله والله ذيك الليله يوم يضربني قدام خواتي قمت ابكي زي الطفله واقول ( يمه ويييييييييييييييينك ؟؟)

والله محتاااااااااااااااجتك ابغى حضنك ...

والله محتاجه امي

اذا كلمت تسألني فيك شي ؟؟

اقول لها لا مافيني بس رجعي طولتي يمه

مقدر اقولها علشان ابوي تعبان وهي معه واللي فيهم مكفيهم ماابغاها تفكر وهي بعيده


موافقه تهزأني تهاوشني اي شي بس ترجع ابغاها تضمني وابكي

ابغى ابكي بحضنها




بعد 16 يوم بالضبط ولدي بيكمل سنه

فديت قلبه ابتسامته تنسيني همومي كلها

والله ارجع من الدوام تعبااااانه بس اشوفه ماابغى حتى انام

ألعب معه اضحك معه واضمه واشمه اخاف عليه من بكره


انا ماودي ارجع له ماابغى ..

كيف بأمن على نفسي اذا رحت معه وانا غريبه هناك ماعندي احد

هذا غير اني كرهته كرهته كرهته

بس خايفه خآآآآيفه من بكره والله خايفه

احيانا أتردد واقول مابغى امي وابوي احد يتشمت فيهم

خايفه من كلمة مطلقه

خايفه من كلام الناس

خايفه من اهلي

خايفه من ولدي يلومني بكره

بس ..... وانا ؟؟؟؟

وانا ؟؟؟ .. وانا ؟؟؟....

وكرامتي وحقوقي ونفسيتي ؟؟

مو عارفه شسوي بالضبط احس مخي ملخبط

واهلي مدري متى بيرجعون بالضبط



تدرون ...

ذيك الليله السود ا من قهري دقيت عالشرطه

طبعا اول شي طلع مشغوووول << لاتعليق

بعدين رد علي واحد ياكل وخويه يناديه بسرعه بيخلص العشاااااا <<برضه لاتعليق

اقول له كذا وكذا والله من الحيره دقيت

قال .. هو عندك الحين ؟؟؟ قلت لا طلع

قال اذا جا دقي علينا ...قفلت



برضه من الحيره دقيت على السفاره

انا عندي جنسيه ثانيه غير جنسيتي ودقيت على سفارتهم ادري اتخبط

قلت يمكن يوقفون معاي ويحكمون ان ولدي يكون بحضانتي للابد

بس رد علي واحد اهبل مايتكلم عربي ومافهم علي




لاتلوموني يوم افضفض

تدرون صار لي يومين مانمت مو قادره انام

اذا حطيت راسي عالمخده كل ماتغفي عيني أحلم فيه وربي أحلم فيه وأفز

ابغاه يروح من بالي ابغى ارتاااح والله احس اني اخر شي باخذ حبوب اكتئاب


دعواتكم لي

الله يفرج همك و غمك

و يجعلك ولدك قرهـ عين و يحفظه لك و يصير سندك إذا كبر

أما زوجك لا تعليق

الله يخارجك منه و ولدك بالسلامة ,,,,

__________________
ليتني طفلة أكبر همي لعبتي

فرج الله همك وكربتك واعلمي انك قوية بأذن الله بس عليك بالدعااء في آخر الليل اطلبي من الخالق

وتقربي إلى الله بالطاعات والاستغفار

واي دليل لديك احفظي عندك لحين الحاجة

واذا كان لديك خال فاهم اشكي له فأنه مقام الأب والأخ حتى يعلم زوجك ان لك اهل

واجلسي معه جلسه حاولي معه اصلاحه قد يصلحه الله وتعالي معه بالحوار الهادئ

حفظك الله وابنك وجعله صالحا

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

الله يفرج همك وينصرك على من ظلمك

__________________
أشتقت لكم جداً 💔

ياربي الله ينصرك يارب

ويخلي لك اهلك وولدك