المشكله باللي يحلف


المشكله البعض يصر ويحلف



والله يامسك مااقد اقربها من فمي فما بالك باكل قطعه
المشكله الثانيه اذا كل الاصناف فيها جبن او قشطه هنا الورطه 😢ياما صارتلي

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ادري انه من باب المعزه والموده
بس اخوي انا مستحيل اشوف الحشوه واقربها من فمي
وصعبه اكل النص وارجع الباقي احس انو عيب ووين بصرفها

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

اللي قريب مني يعرفني
بس المشكله لما اروح عند اهل زوجي وجمعاتهم
اللي يقدمو الحلا يصرو تاخذ واذا اعتذرة البعض يحلف
والبعض يقول ضايفتنا ماعجبتها

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

حل ممتاز بجربه العيد جاي وشايله الهم

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

عليه الصلاة والسلام

البعض مو يصر الى يحلف بالله الى تذوقيها وانا مشكلتي مع الفئه هذي

__________________
أيّــــها الحـاملُ هـمــاً .. إن الـهم لا يدوم
مثـــلما تــفــنى السعـــادة .. هكذا تفنى الهموم

ياما انحلف علي ورفضت بشده وانبه اللي يحلف بأنه لو حلف ولا ما حلف ما راح اغصب نفسي على أكل ما احبه
ترا الوضع كان صعب بالبدايه ولكن مع الاصرار الشديد من طرفي مشى الحال حتى كان بعض اللي يحلفون علي يزعلون اذا طنشتهم .. كأنهم بيشاركوني ببطني ولا بمزاجي !!

__________________

البارحة كان عندنا التجمع العائلي الأسبوعي لأهل زوجي .. وجارتنا يت تسلم على ماما وتبارك لها بالشهر ... وكان هذا بعد صلاة التراويح.

طبعاً أمي وبناتها ضايفوا الحرمة: شاي .. سمبوسة وسبرينغ رول وفلافل .. هريس .. عصير رمان .. بقلاوة .. مهلبية .... وأخيراً أخت زوجي يت معاها صينية حلو بالآيسكريم ووقفت جدام الحرمة تقدمه لها .. الحرمة اعتذرت لأنها خلاص مب قادرة تاكل زيادة .. وقالت لأخت زوجي تمازحها: سامحيني فديتج ما أقدر .. خلاص ما في مكان لأكل زيادة.

وأخت زوجي الله يهديها واقفة مكانها وإلا الحرمة تاخذ من الحلو .. وفي النهاية الحرمة خذت على مضض!!!

والمفارقة المضحكة أن أخت زوجي نفسها مسوية عملية قص عشان وزنها وما كلت من ثلاثة أرباع الأكل الموجود!!!


أنا ما أسمي هذا معزة وكرم .. وليس من حسن الضيافة أن أكدس الطعام والشراب في بطون الضيوف لدرجة الاختناق!!!

وفي نفس السياق فإن إكرام الضيف يجب أن يكون مقترناً بالتفهم والاحترام .. احترام ما يحب وما لا يحب .. ولا أتخيل أن ضيفة تقول لي: اعذريني ما أحب الصنف الفلاني وأنا ألزّم عليها إلا تاكله بالغصب!!!

ترا احنا - كضيوف - نحترم جهد المضيف ونجامل في بعض الأصناف المقدور عليها .. وأكيد ليس كل ما يُقدم لنا يعجبنا بالضرورة .. لذلك ليس من الإنصاف أن نُغصب على ما لا نستطيع احتمال مذاقه أيضاً .. ترا المضيفين يعددون وينوعون في الأصناف وإذا ما كلت هذا باكل ذاك .. فمب لازم أحشر كل الأصناف في معدتي.


أما اللي يحلف فلا تعليق صراحة!!!

يعني أزوع الأكل عشان حلّفني؟!!!!

__________________


اللهم طِيبَ الأثر .. وحُسْنَ الرحيل.

أذكر في الدوام وفي وقت الفطور
كان فيه سلطة فيها صوص
وانا ما احب الصوصات مع السلطات خصوصا لو كان
من ضمن مقاديره مايونيز
اللي صار أصرت علي احدى المعلمات آكل من السلطة وانا اقول لا وهي مصرة أجرب وإنها لذيذة وراح تعجبني وووو
فحطت لي في صحن وأكلت لقمتين تقريبا وتركت الصحن من اللي حسيته في بطني ، وبعدما ما انتهى وقت الفطور رحت لحصتي ، وانا احس اني مو طبيعية ، وعلى نهاية الدوام دخلت الحمام واستفرغت (الله يكرمكم) ورجعت البيت تعبانة وبرضه في البيت استفرغت وسخنت وتعبت فعلا.
ومن بعدها اخذت درس ما اجامل في الاكل ابدا .

العبرة
لاتضغطوا على احد ياكل اي شي فانتم ماتعرفوا
أسبابه

وصاحبة الموضوع
اصري بالرفض ولاتجاملي على حساب نفسك

يبوونك تجربين عشان يعجبك الطبق و تغيرين رايك😁
عادي الموضوع مو قضية واصرارهم فعلا دليل على اهميتك عندهم مثل ما قال الرسمي
جربيها يمكن تغيرين رايك 😅
بصراحة ودي اصير مثلك لان مايمدحون اجبان السوق 💔

ربي يكرم النعمه
وسبحان الله كل واحد وذوقه
حتى انني لا احب رؤيتها
الكنافه بأنواعها
البسبوسه والبقلاوة
رغم تولع اهلي واهل زوجي واطفالي بها
الا انني لم استطع تقبله

_____

اختي توتي
حتى لو حلفوا عليك
خذيها وغلفيها بمنديل
وضعيها عالطاوله

_____

اول رمضان لي بعد زواجي
رحنا بيت اهله
وعمتي عطتني صحن لقيمات
قلت لها ماحبه
وحسيتها زعلت
قمت اكل من كل شي الا اللقيمات
وقلت لها اكلك لذيذ بس اعذريني الا اللقيمات ماتدخل فمي
واقتنعت وقالت لي
بعدك صغيره تكبري وبتحبيها ومابتخلين لنا شي منها
مر ١٠ سنوات وصار عمري ٢٧ وللحين مادخلتها فمي ولا حتى اسويها
أطفالي وزوجي يحبوها
واذا اهلي او اهله سووها يجيبوه لهم 😅

______

ليس من الذوق ولا من اكرام الضيف
إجباره على تذوق اي صنف تم رفضه