اسمعي يا ستي ، أنا كان وضعي ممكن يوصل لوضعك لا سمح الله بيوم من الأيام ..
لإني كنت أعصب مثلك و أهل زوجي مثل أهل زوجك ..
و زوجي مثل زوجك من ناحية الهدوء و كذا و بإستثنااااااااااء انقياده لأهله و ظلمي ..
يمكن كان على خفيف .. لكن الحمد لله إني الان مرتاحة و مبسوطة مع زوجي ..
أعطيك الحلول الجذرية اللي عالجت فيها أموري في بداية حياتي ..
طبعا حطي محاسن زوجك و عيوبه أمامك ، و أسألي حالك تبغيه و لا ماتبغيه ؟؟؟؟ و واضح إنك تريدي الإستمرار معه ..
و على ذا الأساس راح أجاوبك .. لإنه كله بيدك الأن ، مو بيد أحد غيرك ..
----------------------------------------------------------------
1 - إذا ترجعي لزوجك ، فلازم تقتنعي إنه هو كذا .. و ما راح يتغير .. لكن إنت اللي راح تتغيري ..
بس كيف ؟؟؟؟؟
زوجك ما تمشي معاه العصبية حتى لو كان معاك الحق مية بالمية ..
زوجك لو كنتي غلطانة حتى ، و خاطبتي ( قلبه و أحاسيسه ) راح يقول لك إنت صح و الكل غلط ..
زوجك سهل الإنقياد ، و لا تنتظري منه يقول لك إنت صح و أهلي غلط ..
تعلمي الحيلة في التعامل مع أهله ، بما إنه الصراحة و الوضوح ما مشيت معهم ..
-------------------------------------------------------------
تعالي نركز على زوجك أول شئ :
1 - لا تقولي له أهلك ، و لا تجيبي سيرتهم أبدا أمامه ، لإنه زوجك يحكم بالظاهر ..
ما عنده طريقة التفكير اللي ربي أنعم عليك ،.
2 - الصراحة مع زوجك غلط في غلط ، تعلمي التمثيل أمام زوجك .. مو الخباثة لا سمح الله ؟ لا ..
أقصد .. إذا أهله غلطوا عليك .. اسكتي قدامه لا تردي .. و لا تخلي لأي أحد يستفزك ..
تعلمي البرووووووووووووووووووووووووود و التطنييييييييييييييييييييييش ..
لا تعصبي ، لا تبكي ، لا تصارحيه ، و لا تنتظري منه الحنان و الحب
3 - عودي زوجك على إنه ينام و جسمه ملاصق لك ، حتى يتعود عليك .. جننيه بالدلع و الحب و الحنان ..
لا تكوني له بالند .. و لا تعانديه ،،
4 - إذا غلط عليك بيوم و مرررررررةة خلاص تضايقتي ، لا تعصبي و تجرحيه .. لإن الأشياء هذه تقفل قلبه و مخه
عن السماع لك ،، نزلي دمعتين و هو راح يحن قلبه .. لإنه شخص حنون .. و خاطبي قلبه مو عقله ..
5 - لا تنتقدي ، لا تجرحي .. لإن زوجك هذه الأمور تنفره منك ..
----------------------------------------------------------------------------
نجي لأهله ..
لازم تحطي في بالك ، إنه أغلب أهالي الزوج كذا .. يعني لو أخدتي واحد تاني ممكن يجيك لا سمح الله عصبي
و اهله مثل أهل زوجك الحالي ..
- أمه ما تحبك ، مو لازم تحبك .. مافي حماة تحب زوجة ابنها إلا بالناااااااااااااااااااااااااااااادر جدا ..
- إنت ما تحبيها ، خلاص مو لازم تحبيها .. بس تعاملي مع أهل زوجك بالحيلة .. ابتعدي عن الصراحة و الوضوح
لإنهم بإختصار ، يبحثوا عن زلاتك و غلطاتك .. و إنت أعطيتيهم المفتاح بيدك ..
- لا تخلي أهل زوجك يمسكوا عليك أي غلطة .. اكتمي غيظك ،، مثل ماهم يمثلوا و بوجهين .. و يستفزوك
إنت كمان كوني أذكى منهم و باين عليك إنك ذكية ماشاء الله ..
- كيف بالحيلة ؟ اعطي لزوجك الحب و الحنان .. و لا تنتقدي أهله قدامه ..
- أهل زوجك بيضايقوكي ؟؟؟؟؟؟ و زوجك يسمع لهم فقط ؟؟؟؟؟
خلاص ، قدام زوجك رحبي بهم و سلمي عليهم .. لكن إذا خرج ،، اشتغلي و خذي راحتك و حقك من تحت لتحت هههه
- قال لك زوجك نروح لهم يوميا ، قولي له .. ابشر من عيوني .. و بعدين قولي له تعبانة و زي كذا ..
الحمد لله زوجي كان معايا ( منصف ) و كنت صريحة معه ..
لكن زوجك ، ما تنفع معاه الصراحة .. و شفتي كيف بيتك بيتخرب بسبب الصراحة ..
-------------------------------------------------------------
المهم دحين .. تعالي أعلمك ..
ادخلي المستشفى ، دقي عليه إنك في المستشفى .. و مرضتي علشان من كثر التفكير به و حبك له ..
روحي مستشفى خاص و تنيمي يوم واحد
.. علشان يلين قلبه فقط ..
أدري إنه فيلم مصري هههه .. بس هذه تمشي مع زوجك ، صدقيني لإنه لازم تكسبي قلبه
و لا تجرحيه و لا تنتقديه ،، و خليك دايما المرأة الأنثى اللي بحاجة لحبه و حنانه ..
خليها فرصة علشان تتصالحوا بالتدريج .. هدفي إنه المياه ترجع لمجاريها يا قلبي
انسي بعد كذا إنك تتكلمي معاه علشان تحطوا النقاط عالحروف .. هذه ما تمشي مع زوجك أبدا ..
أدري إنك تبغي تتكلمي معاه و تتناقشوا و ترتاحوا .. لكن شيلي الشئ هذا من بالك .. ما راح تلقي نتيجة غير إنك تضري
نفسك ..
كلميه ، و لا تجيبي سيرة المشاكل أبدا .. تخيليها فترة خطوبة بينكم ..
اعزميه في مطعم ،، و لا تفتحي سيرة المشاكل أبدا .. ( زوجك حاليا واقع تحت تأثير أهله و هم معبيين راسه ) ..
ما ينفع تصارحيه بالشئ هذا .. خليك أذكى منهم ..
بعد كم يوم ، روحوا الملاهي و العبوا سوا .. و برضو لا تجيبي سيرة المشاكل اللي صارت ..
أهله راح ينقهروا .. و هو راح يلقى أهله بس اللي ينكدوا عليه و يجيبوا سيرتك و يشوفك إنت الطيبة اللي تدلعه ..
و اللي أبدا ما تجيب سيرة المشاكل و كذا ..
لحد ما يلين راسه ، وو هو بنفسه يطلب إنك ترجعي له .. و دلعيه بالكلام و الغزل ..
لا تجرحيه ، علشان لا ترجعوا لنقطة الصفر ..
إذا طلب ترجعي لبيتك ، لا تكابري و لا تقولي كرامتي .. قولي له طيب من عيوني ..
بس خلينا نسافر سوا و نتمشى .. حتى لو على حسابك و لا تقولي لأهله إنه على حسابك ..
بس خلي أهله ياكلوا في نفسهم
علشان يبان إنك رجعتي لبيتك .. بعد ما زوجك سفرك و رجعتي معززة و بكرامتك ..
و أبدأي ووقتها تعاملي مع زوجك مثل ما قلت لك .. و مع أهله ..
جيبي لهم هدايا مرات .. لكن أبدا لا تكوني صريحة و لا تعطي بالوجه ..
كلامي هذا كله ، ما عمري نصحت فيه أحد .. لكن حسيت إنه أهل زوجك ما تمشي معهم غير الحيلة ..