حسبي الله وكفى ...يمكن ربي اراد ان زوجي يرجع لي ولعياله لانه يعلم سبحانه اني ما ظلمت احد ولا سعيت لظلم مخلوق واولهم هذي الظالمه ...

علشان كذا نقول اي واحده تمسك زوجها يخونها لازم تاخذ موقف حازم
مافي شئ اسمه اصبري مع الخيانه
لانه بشر ومع مرور الوقت راح يتعلق قلبه بها وبدل مايكون دافعه معها لحاجه مايضمن قلبه من التعلق بالطرف الاخر

[QUOTE=*^بسكوتة^*;3107613]السلام عليكم أساتذتي الكرام وأستاذاتي...
انا زوجه لرجل فيه كل صفات الرجوله والطيب ولكنه منذ تزوجته كان عيبه الوحيد هو الخيانه...والان وبعد 12 سنه زواج تزوج سرا بامرأه مطلقه زواج سري ... امه وأبوه لم يخبرهم والناس جميعا...وكان هذا الزواج بعد علاقه هاتفيه وحب ...وعندما اكتشفت زواجه من الانسانه التي كنت اعيش في جحيم بسبب مكالماته لها ...تركت المنزل ...رغم انه كان يحلف انه سوف يطلقها لانه لا يريدها ...انا لم اطلب منه تطليقها بل طلبت واصريت على طلاقي انا منذ عرفت انه متزوج وانها حامل منه..بعد ايام وبواسطات الاقارب عدت له ولابنائي الاربعه...وطلقها هو ...طلقها ثلاثا ...الان هي انجبت بنت ولها من العمر شهرين ولكن المشكله انه اي زوجي تعباااان نفسيا ...يبرر ذلك بخوفه وتعلقه بابنته ...ولكن سؤالي هل من المعقول انه لا يزال يحبها ...وهل من الممكن ان يحاول ارجاعها بناء على فتاوي تقوم طليقته بإرسالها له ...وما دوري والمطلوب مني في هذه الحاله..علما انه طيب جدا معي وحنون لاقصى درجات الحنان مع ابنائه ...






الرسالة الأصلية كتبت بواسطة *^بسكوتة^*

وليه كلكم تقفون مع الي سعت في خراب بيتي وكانت تلفوناتها وفتنتها لزوجي سبب عذابي وعذاب ابنائي لسنوات...ليه ما تقولو تستاهل خذت جزاءها من ربها ...وانا خذت جزاء صبري ان زوجي رجع لي ...الحين لمن وحده تمر بظروفي تقولون اصبري وسامحي عشان عيالك ...الحين تلوموني لاني صبرت....ياليت الاقي احد منصف يرد علي

ربي يعينك .. اللي انتي فيه صعب مراااا الله يكون بعونك
احتمال يرجعها واحتمال ﻻ اصبري وشوفي وش راح يصير وكيف راح تكون حياتك

مدام زوجك تعبان نفسياً أكيد يحبها ولأنك أجبرتيه بطريقه غير مباشره على طلاقها

لو رجعها مو من حقك تعترضين القرار لك تبين تستمرين معه أو لأ لكن تمنعينه يرجعها هاذا مو من حقك

مثل ماعيالك محتاجين أبوهم بنته من طليقته محتاجه أبوها

أصبري مثل ماصبرتي قبل الله أكبر شتغير؟؟ ع الأقل الحين بالحلال

إللي عليك الحين تحاولين تصلحين من نفسك ومن حياتكم وتشوفين وين الخلل فيه زوجك سنين يخونك وبالأخير تزوجها

إنتي وش سويتي خلال هالسنين؟؟؟ كنتي تزعلين بس؟ ماحاولتي تحلين أموركم وتجلسون مع بعض جلسة صراحه بعيد عن اللوم والعتب والإتهام؟

جلستي معه قلتي له وش إللي مو مريحك معي وأيش إللي تبيه مني؟

خليك من موضوع طليقته الحين خانك معها وتزوجها ولو بيرجعها مو مشاورك ركزي على حياتك مع زوجك وأصلحي مايمكن إصلاحه

ولو شايفه أنها سبب في مشاكلك مع زوجك وهي ظالمتك ربك يتولاها هي وزوجك لاتحطين كل الغلط عليها

الله يكون بعونك

حالتك صعبه كثير

الله يكتب لكم الخير و يصلح احوالكم

ليتك من البدايه حاله موضوعها !
الله يعينك
الصبر زين ماقلنا شيء لكن اللي عملتيه تجاهل مو صبر
الله يفرج كربتك
وقولي اللهم لاتجعل الدنيا هي اكبر همي ولا مبلغ علمي ولا الي النار مصيري ..

انا نصحته ودعيت له واحتويته ...حياتي معه من اروع ما يكون...بس هو عنده خلل في شخصيته....لازم يكلم الحريم لااااازم ...

ياحبيبتي اللي صار صاار لاتفكرين بالموضوع وتتعبين
واذا يحبها الشكوي لله قلبه معها واذا يحبك لكن راحمها هم بعد الشكوي لله
والمشكله مو في طليقته اللي رح تروح في سييلها المشكله بالبصمه اللي تركها وهي بنتهه ...
اعانك الله

أعانك الله أختي
صحيح ما عانيتي منه صعب ، ومقدرة والله مشاعرك لأني إمرأة ، وأعلم قدر الألم الذي تعانيه المرأة عند زواج زوجها خصوصا عندما تكون حياتهما سعيدة ويكون بينهما ألفة ومودة هنا طبيعة أي مرأة لا ترضى بذهاب زوجها إلى غيرها .
لكن والله لو كان سيء السيرة والحياة والخلق ليذهب للزواج من أخرى وخلفه جرة .

لكن أنصحك أختي بالعلاج وكما يقال لا تبكِ على اللبن المسكوب ، وكذلك على قضاء الله وقدره ، حصل ما حصل فدعيه وشأنه ، أنت غضبت منه على نفسك وعلى ما أخطأ به معك ، لكن حتى لا تكوني محاسبة أمام الله دعيه وشأنه في البيت الثاني ليتخذ القرار الذي يريد .
أعلم أن كلامي موجع وقد لا تستسيغينه ، ولكن سامحيني هذه الحقيقة ، لأن لديه ابنه فلا يرضي العقل أن تعيش بعيدة عن أبيها ، أو تحرم منه وهو على قيد الحياة ، الطفل خاصة في بداياته الأولى يحتاج لكلا والديه ، وإن فقد أحدهما فسيؤثر على نفسيته .

حاولي بينك وبين نفسك أن تسحبين نفسك من حياته الأخرى ، وأسألي الله أن يأجرك ويسخره لك ويربط على قلبك ، اكثري من دعاء الله والالتجاء إليه ، والاستغفار ومن صلاة الليل وسيجعل لك الله من أمرك فرجا ومخرجا .