الان لها ساعه ترضع مني .. وحطيتها وبكيت
حسبت انها ما شبعت بس بدهنها بالزيت واسوي لها رضعه وأظلم المكان .. ويا رب خير

__________________

منفردة
أنت مشتتة من جبت البنت ومتلخبطة في موضوع الرضاعة
حرام عليك سيريلاك بهالعمر !!
انتبهي

الطفل اللي مايشبع معروف بكاءه
لو جوعانة ماراح تسكت أبدا
ولو صدرك ما ينزل لها حليب بتلقينها وهي ترضع تبكي وكل شوي تتركه وتحاول

ولكن دامها تمسكه وساكتة فأتوقع هي مخلية صدرك لهاية لها

الفرق بين لما يرضع الطفل فعلا ولما يكون مستخدم صدى أمه لهاية هو أسلوب الرضاعة والشفط

راح تلقينها لما ترضع فعليا
صوت البلع واضح ومنتظم
و الشفط يكون بطئ

ولما يكون الصدر لهاية
حركة الفم أسرع وخفيفة وماتسمعين صوت بلع

حددي موقفك بأسلوب الرضاعة
وخليك صبورة
ولا تفرطي بالرضاعة الطبيعية

__________________
الحمدلله الذي بنعمته تتم الصالحات

خلقي ضيق وما احس اني قد المسؤوليه

مدري عن سالفة السيريلاك بس ماني متجرأة اجربها

الرضاعه يمكن ثلاثه او اربعه رضعات من صدري باليوم
مرا دقايق .. ومرا ربع ساعه .. ولما اكون رايقه مرا 40 دقيقه
والاهم عندي رضعة العشرين دقيقه .. باليوم لازم وحده من الرضعات تكون عشرين دقيقه

مدري ليش احسب كذا لا تضحكي عليا فاكهه بس يمكن ثبتت معلومة انه اول عشره دقايق ما تشبع الطفل .. فخليتها عشرين ..

اعرف اذا كانت تتسلى واعرف اذا كانت ترضع من رقبتها يبان << هههه كيف الشرح بس من كثر ما اقرأ تعلمت أشياء << يجي مني 😁

طيب هي بعد ما ترضع الرضاعه وشبعانه .. تبكي تدور ع صدري .. كم مرا اديتها صدري ترضع دقايق او اقل وتنام
امي تقول لا تعوديها على كذا .. لانه ممكن اتركها عندهم وتتعبهم بعدين تدور الصدر ...
وأختي تقول حرام عليك بنت وحده اهتمي فيها ودلعيها ...


مشتته والله ... بنات بالطعش خلفوا اطفال وعايشين حياتهم ..

قريبه لي عمرها واحد وعشرين عندها طفل وطفله وحامل ومرا اسلبت ومرا ماتت لها بنت بالنفاس... تخيلوا كل هذا وهي الان بداية العشرين ...وانا فوق الثلاثين ... وخلقي طلع من نتفه..حتى جسمي ما زال متأثر من الولاده


زوجي يقول احمدي ربك بنتك بصحه وعافيه غيرك يعاني وووو موشحات علشان اصبر
حتى زوجي اول أعد الساعات علشان اكون معاه... الان أتكاسل على الروحه معاه .. مافيني له ولا لخدمته ولا لخدمة بيت
فيني خمول ومقدر امشي كويس .. وإرهاق الاهتمام بالنونو يوووووه والله استغفر الله بس خليني اقرل الحمدلله ...


متى اقدر انظم حياتي ؟
لما تصير ثلاثه شهور يتغير شي ؟ تنام متواصل ؟ تبطل زن ؟

ارجع للرضاعه الطبيعيه ... انا اخذ حبوب منع حمل هرمونية وهذا الشي زاد قلة حماسي اني أرضع باستمرار

__________________