يحق لك الضرب بيد من حديد
ومنعها حفاظآ على زوجتك
لا احد يلومك على ذلك فا انت
صاحب البيت ونظرتك اشمل واوسع

__________________
سبحان الله وبحمده سبحان الله العظيم

اشكركم لردودكم

سأضطر اتجاهل غيرتي عليها , واجلس المح من بعيد عن تضايقي من الشي هذا , وان شاء الله تفهمها وتحاول تخفف , مع اني غير مقتنع تماما

ما ابي اضغط عليها خصوصا انه لسا متزوجين وما تعودت علي تماما , لسا قلبها على اهلها وتفكيرها كأنها بنت غير متزوجة , تحتاج وقت عشان تستوعب وتتعود على حياتها الجديدة

الله يعين ويساعد

الوضوح والصراحة في هالمواضيع واجبة

__________________
سبحان الله وبحمده سبحان الله العظيم

اخوي ابو بدر ماينفع التلميح من بعيد في الموضوع هذا
لازم تقرر اما انك تسمح لها وتتركها من نفسها لين تمل
او تمنعها عن متابعة الشباب لانهم يستخفون دمهم ويتميلحون وانت ما ترضى بالشيء هذا على زوجتك.. وخلها تتابع حسابات نسائيه او مفيده او سفريات

الوضوح والصراحه مع اتخاذ القرار المناسب اهم صفه في الزوج لازم تكون فيه

زوجتك صغيرة.. والي بياخذ وحدة بهالعمر لازم يساعدها للتعود هلى حقيقة الزواج والتكيف معه..

بس بصراحة انا ما أأيد متابعة المشاهير خاصة في هذا السن.. الوحدة لسه تعتبر مراهقة ولم تكون شخصيتها بعد.. ماعندها فهم كافي لحقيقة الزواج ومسؤولياته.. وحقيقة الحياة برمتها...

هي اساسا بهالعمر تشوف الزواج حياة وردية ودلع ودلال لاينتهي..

الزبدة ان هذولا المشاهير سواء شباب او بنات يعيشون حياة بعيدة جدا عنا.. عن واقعنا.. اضافة الى ان اغلبهم ناس فاضية وكل اهتمامهم شوفو شو اشتريت شو لبست.. يعني تخرب عقل المتابعين الي عمرهم صغير زي مرتك.. وماتخليها تفهم الحياة والزواج بشكل خاص وتتقبله.. اعارض متابعتها من هذا الباب..

وزي ماقال الاخ الي قبلي الرجل اذا شي ماعجبه وكان على حق.. فلازم يتصرف بحزم.. اذا شافتك متذبذب يمكن تفهمها انك ضعيف الشخصية.. هذا رأيي

حياك الله اخوي ابوبدر

سبحان الله السناب هذا صنع من التافهين مشاهير

بالنسبة لي ماأتابع بنات ولا يمكن أسمح لزوجتي بمتابعة رجال إلا حسابات سياحية مايستعرض فيها صاحب الحساب مثل حساب ( عمر الرشود ) حساب مفيد ومافيه استعراض

أخوي بالتفاهم والمحبة تقدر تقنعها ان الشي هذا يضايقيك
وصدقني غيرتك في محلها وراح تشعر زوجتك بمحبتك لها واهتمامك بها
بس باللين والإقناع لإن ماتقدر تعتبر هذا خطأ واضح

تقدر تقول سلوك غير مقبول

تحياتي لك

__________________
هي أشيـــــــــاء لا تُشتــــــــرى

زوجتك صغيره وهذي موضوت هاليومين هابين فيها وتلقي البنات سواليفهم كلها شفتي سناب فلانه شفتي سناب فلان...
المنع سيزيد المشكله لكن الحل انك تتابع مشهورات امامها وبعدها احذف هم هذا سيجعلها تراجع نفسها... فهذه الطريقه افضل من المنع....

لا بصراحة ما لك حق تمنعها..
يعني لو كانت تشوف اشياء سيئة باقول اي معاك حق
أما سنابات عاديه .. ليش التضييق عليها!

عن نفسي اتابع حسابين يديرونهم رجال
واحد رحالة .. كل يوم ببلد
والثاني يعرض تقارير من حول العالم
واتابع الفاشنيستات..

لو زوجي مثلا يتابع ؟ ..
احس بستصغره لأن هذي بالعادة اهتمامات البنات
مو اهتمام رجال طول وعرض و هيبة...
والحمدلله زوجي ما يهتم حق هالأمور

__________________

حاجة الناس إليكم من نعم الله عليكم ، فـ لا تملوا النِعم ☁✨

ليش تمنعها
اذا حسيت بالغيره او تضايقت قول لها وهي حره قرارها
اخي الي يتزوج صغيره يتحمل
مهما كان هذي لسه ماكملت العشرين
فمسئوليه زواج بالاضافه تفرض عليها اشياء
صعب
اتابع يوميات بسناب لمجموعه شباب
دخل اخوي وانا اشوف سناباتهم
وتضايق
وقدرت شعوره لكن لازلت اتابعهم واحس هذي حريات شخصيه
اصبر ومع الوقت بتمونون على بعض
وصارحها حزتها

سؤال
ايش فرق بين اللي يتابع يوميات بسناب
واللي يتابع مسلسل من بطوله ممثل فلاني
؟؟؟
احس كلها واحد

لا وبالعكس
سناب شات ارحم مليون مره من المسلسلات التركيه
والافلام الامريكية السخيفة

سناب شات فيه ناس منا وفينا
يطبخون ويقولون نكت
يعملون تغطيات مطاعم وسياحة
ويتكلمون عن القرارات الجديدة
والا شغلات تنمية شخصيه وغيره


احنا بعام 2016
لا تصير نظرتنا للامور سلبيه
تذكرون اول ماطلع الدش
ياكثر اللي منعوه عن زوجاتهم وعيالهم
والحين صار شي عاااااادي

انا ضد ثقافه المنع اذا الشخص واعي
ويستخدم الشي صح
مافي اي مبرر ابدا ابدا
واذا عالغيره فلازم تعرف اخوي
انت زوج وهم اشخاص عابرين
والمرأة ماتتفتن زي الرجال!
الرجال هو اللي بالعاده ينفتن بالنساء

فلا تخلي زوجتك تقول بنفسها
ليتني ماعلمته بسنابي ولا قلت له من مضافين عندي


انسى الموضوع بارك الله فيك