شكرا لكم على ردودكم ولكن انا اهلي بالرياض ولازم يمر الرياض بعدين يسافر للدوره فقلت خلاص اروح الرياض بعدين هو يسافر بس استثقل سفري معاه على ان بجلس عند اهله بس الله يصبرني يارب

افضل اختي انك تحاولي تسافري معاه هذا رأيي

__________________

لا اله الا انت سبحانك اني كنت من الظالمين

ياأختي انا ابد ما رفضت اني ما اسافر معاه هو اللي رافض وانا حاولت بس هومن اساس الفكره رافضها

شكرا لك الله صادقه صعب الروتين بس اللي عندها اطفال صعب ولله واحد يصحى والثاني ينام وانا اتعب معهم مره بس استغل وقت سهري معهم زي ما قلتي اصلح حلا او اسوي غدا واقوم بس اسخنه للغدا لانه صعبه يجي من الدوام مافي غدا والله
اما على المفاجأه والله اسوي عشا وحركات ويجي من الجامعه 10 بالليل يحط كم لقمه في فمه وينام
والله ما اكذب عليك ان مضى على زواجنا 6سنوات وقات بسوي حفله صغيره مع سويت عشا وسويت كيكه واخر شئ جا قال ماشاءالله والله اني مواعد واحد اطلع وتوه جا من برا واتصل عليه قال بس ساعه واجي قعد تعشا واكل كيك وفتح هديته وقال مع السلامه وحتى نسى مايجيب لي هديه قال معليش نسيت وتخيلي اكل وطلع بالله واحد كذا يشجع تسوين له شئ
وانا حاولت معه يمكن الف مره الخميس والجمعه لي ولعيالك قسما بالله كأني اكلم جدار اخلص الكلام وطلع

مدري لو أنآ مكآنك اروح بالقوه .. مآفيهآ شي لو رحتي معاه منهآ تغيرون جو بعد

نصيحه الصقي فيه ^_^

__________________
أستعنْ بآللّه ولآتَعجزْ, وتأكدَ أنّ آلصٌعوبَه إنمَآ هيّ في آلمقدمآت
وبَعدهآ بحولَ آللّه ستجني عِنباً ,فقط تحملْ ألمَ آلبدآيآتْ ... !!

السلام عليكم

معليييييييييش احترم اللي ردوا بمثالية ودعيه بحب وشوق !!! خلونا نكون منطقيين الرجال لما شافها طيبة وما تتكلم وساكته خلاص معد صار همه الا نفسه ... ليش ماتسافر معاه بالله ايش المشكلة هي غير موظفة واطفالها مايدرسون وظروفهم بعاد عن بعض في هالمرحلة حلو انهم يتقربون من بعض في هالسفر ...
طيب مو قادر على التكاليف مثلا ليش يمنعها تروح لاهلها ؟؟؟ يعني تنحبس في الملحق ؟؟ هذي جزاة الصبر ؟
خلونا نكون واقعيين ..
من رايي تخييرينه بالخيارين سفرك معاه او لاهلك وهو يختار ... واذا مررررة عاند ورفض خليك هادية وبدون عصبية لكن ودعيه بهدوء لاتحطين عينك في عينه ... خليك ساكته طول الوقت ونفس الوقت اكتبي رسالة له وحطيها في شنطته بدون مايدري قولي فيها :
تمنيت لما تفتح هالرسالة اكون بجنبك .. كنت اتمنى اي لحظة تقربني منك وخصوصا مع الضغوطات اللي تمر في حياتنا هالايام .. انبسط في السفرة والله يوفقك في الدورة وانا راح انتظرك في ملحقنا الجميل استودعتك ربي ولاتنسى صلاة الفجر وانت مسافر ...

خلي اسلوبك حلو مع شوية زعل بسيط ...الله يسخره لك ياااااارب

__________________
ربي فرج همي ويسَر امري

لا تفوتك انك تودعينه وكأنك لا تحملين بقلبك شي عليه..
ارمي له جملة وحدة (كنت اتمنى اشاركك اوقاتك هناك)
خلي الصورة الذهنية الاخيرة لك في باله شي جميل..
مشكلة الانسانة اللي ترتبط بزوج في مكان ليس لها فيه اقارب تنتج امور مثل اللي انتي شكيتي منها..
واعتقد من بين سطور كلامك ان زوجك غير راضي عن وضعك في البيت ولذلك يطفش كثير من البيت...
اتمنى يكون تخميني خاطيء ولكن هذا الذي ظهر لي..
حاولي تستميلينه اكثر حاولي تجذبينه اكثر من اخوانه والتزاماتهم..
حاولي فلن تخسري ..والله سبحانه كريم على الجميع

__________________
ان انت اكرمت الكريم ملكته.. وان انت اكرمت اللئيم تمردَ!!

والله خلاص زوجي سافر وتركني وولدي قعد يبكي قبل مايسافر وانشغلت فيه وطلع بدون حتى مايقول مع السلامه الله يستر عليه والله متضايقه مررره اخاف سفرته هذي تكون القشه التي قصمت ظهر البعير الله يصبر قلبي يارب لا وتأخرت رحلته وتبهذل ورجع البيت وماله عين يرجع يطلع لي الملحق جلس بمجلس الرجال بس بنات اخوه طلعوا عندي العصر وقالوا لي وكلمني اليوم قاعد يتمشى بالسوق احس انه فعلا اناني بكل ما تحمله الكلمه من معاااني

الله يعينك ويسهل امورك ويوفقكم
ادعي له ان الله يعطيكم خير هالسفرة ويكفيكم شرها
وادعي ان الله يوفقه عشان يبسطكم ويحقق لكم كل الي تتمنون

يعني هو الحين ما سافر ؟ ولا شلون ؟
إذا ما سافر لا تتركيه يسرح ويمرح بكيفه
اتصلي عليه قولي له الأولاد طفشانين نبغى نطلع شوي
مطنشته تبغينه يجي لوحده ؟ ، بعض الرجال بدون زن ما يمشي
ولا تجيبين طاري السفر خير شر ، ولا تشمتي في ضياع الرحلة
إلا إذا هو فتح الموضوع وشفتي الوقت مناسب اطلبي منه أنك
تسافري معاه ، وقولي له يمكن رحلتك تفركشت عشاني مو راضية عنها
قوليها بدلال مو بعصبيه وشماته ، وإذا رفض خلاص طنشي الموضوع
وادعي ربك واسعدي نفسك بنفسك ، يمكن تفركشت رحلته لأنك دعيتي

الله يعينك ~

::

__________________