كيف يعني ابعده عن اهله ماهو لازم بيجتمع مع اهله هو بيتوتي يامعي يامع امه وخواته. وانا اكيد بروح لاهلي بدونه واذا انا رحت لاهلي اكيد اهو بيروح لاهله

عطوني اسماء استشاريين مختصين بحالته

كيف تعرفين أنه خبر أهله ؟

أولاً
إخبار أهله بمشاكلكم ما لها لازم، لو كانت هنام مشاكل ويريد يحلها على الأقل يخبر أم الزوجة أو أبوها حسب نوع المشكلة، أما أهل الزوج فما أرى له داعي.

وثانياً نشر المشاكل الزوجية بين الأهل وعند الأقارب هذا يزيد الطين بلة ويسبب تدخلات في الأمور الزوجية التي من المفترض أن يحسمها الزوج بنفسه، وبالتالي تكثر المشاكل ويكثر القيل والقال مع بعض تشويه سمعة الزوجة ، والحريم ما شاء الله أروع من بث قناى الجزيرة في نشر الأخبار، إلا من رحم الله.

ثالثًا : يجب أن تتفقوا على إجراءات في حل أي مشكلة:
1 مناقشة المشكلة للتوصل الى حل.
2 في حالة عدم وجود الحل بالإمكان الاستعانة مستشار أسري
3 ثالثاً إذا لم تجدوا حل حكموا اثنين من أهلكم بينكم وتنتهي القضية بإذن الله.

وأخيراً : المشاكل لو لم تنهى بسرعه تزيد آثارها في النفس.

أسأل الله لكم التوفيق السداد في دينكم ودنياكم.

الاغلب امه تقولي سواء بشكل مباشر او غير مباشر تنحيز او تلميح واحيانا احس هالحكي مو كلامه واورطه اقوله علمت اهلك وينكر ولما اقوله امك قالت لي يعترف ومن قريب صرت افتح جواله وهو يدري اني افتحه لانه اكثر من مره يشوفني فاتحه الجوال طبعا سابقا ماكنت اتجرا افتح جواله لكن حاليا افتحه وبعلمه

سابقا كان مو مقصر ينشر مشاكلنا للطرفين اهلي واهله لكن انا كنت اقوله من ضمن الحكي لاتغث اهلي بمشاكل تافهه ومره بعد مره بطل يقول لاهلي لكن اهله مازال مو راضي يبطل

المشكله مانستفيد من اخبار اهله لاني نحلها بدون تدخل لكن مادري ليه يقول لهم ونعم تشوهت سمعتي كثير عندهم وصرت مو محبوبه حتى ابوه كان كويس معاي وتغير وصار يطلع فيني عذاريب احيانا اقول يتعمد ينشر المشاكل بصوره تطلعني غلطانه علشان اذا عمل شي كبير معاي ماحد بيوقف معي من اهله

صح مو حلو يخبر اهله
انتم تنسون مع الوقت لكن الاهل لا
واحد من اقاربائي مثله .. ينشر اخبار حرمته والحين عياله
سارت الحرمه ماتقول له شئ.. حتي لو سار خطا من عيالها مثلا سارت لهم مشكله مع احد هي تحاول تحلها ولاتعلمه
لانه ينشر كل شئ بحسن نيه لكن الناس ياخذون الموضوع تريقه وشماته علي عياله..

أهله ما يجيب طاريهم من تلقاء نفسه ، في حال سؤالك يجاوبك ويعطيك معلومات عنهم
يمكن هو ما يحكي بس ينسحب منه الكلام ، بالأخير هذا تصرّف خطأ منه وضعف
المشكلة يدرك الخطأ ويوعدك يعالجه وتتفاجئين انه ما تغيّر . هذا هو الضعف

__________________
"أليس الصبح بقريب"
قال عليه الصلاة والسلام: إني أحرّج عليكم حق الضعيفين ، اليتيم والمرأة.

اهله مايجيب طاريهم وانا مااسال لكن لما قالي اهم يسالون جربت اساله ومايعطيني الاجابه يقول ماادري وانا ادري انه يدري فعرفت انه يحب ينشر مشاكلنا لكن مشاكل اهله لا فبطلت اسال لانه بالاساس مايهمني اعرف