تبين نصيحتي الرجال اصلا اكثرهم ما يحبون الوحده اللي تحن وتبكي حتى لو هم غلطانين
انتي المفروض تطنشي وتضحكي صراحححححححححه
بعدين انا لاحظت ان انتي تطبقين كل الاوامر بحذافيرها وللاسف هالشي ما يمشي بهالزمان
خليك شوية شخصيه
طبعا مو بالضرابه او الشكوى والصريخ لا
حسسيه انك انسانه مو زعلانه وانك مو مهتمه اللي عليك تنظفي البيت وترتبي امورك وشكلك وطنشييييييييييه سولفي اضحكي يوم يرمي كم كلمه ردي عليك بكلمه تمازحينه واضحكي
صراحه باين ان زوجك ما يحب امور البكاء والاكتئاب ولو هو من هالنوع صدقيني راح يبتعد اكثر واكثر
واذا انتي مفكره انو بهالاسلوب راح يحن عليك او راح ينصلح حالو غلطانه
لازم تتعاملين معاه بشكل ثاني كوني اقوى منه ولكن بهدوء وبرقه
لا تخلي اي كلمة تهزك ولا تقعدين تسولفين وياه عن امور الجامعه وهالاشياء حسسيه انه موجود بس مو كثير
ونصيحه مني كوني مرحه حتى لو تمثيل بشكل مؤقت جربي ماراح تخسرين
بعدين
في شي مستفز صراحه اخر جمله كتبتيها
ولا تخشى ان اخاصمك .. قال : خاصميني لا يهم . قلت : انت تعلم انني لست اهلاً لذلك و لم افعلها مع غيرك لأفعلها معك
ليه تبينين لزوجك انك ما تقدرين تخاصمينه وانك مجرد لسان وكأنك فتحتي اوراقك كشفتيها وتقولين ان لست اهلا لذلك انتي وصلتي لزوجك رساله
افعل ما شئت وبهدلني كثر ما تقدر وانا مستحيل ازعل طبعا لاني ماقدر اعمل هالشي
هذا الاسلوب راح يخليه يستغل ضعفك اكثر حبيبتي هاللي تسوينه كله غلط
لازم يكون لك رأي ولازم يعرف انك ممكن تخاصمينه بس طبعا لا تخاصمينه بهالوقت لانه حاليا مرتاح اخر راحه وواثق انك ضعيفه انتي العبي بالكرت الاول وهو التطنيش
ومو معنى كلمة تطنيش انك تمحينه لا
كوني موجوده معاه اضحكي سولفي بس لا تعطينه اكثر من اللازم يعني لما تشوفيه قاعد ويكلمك ويخلص كلامه قومي وروحي عالمطبخ اعملي كوفي او اي شي يعني حسسيه انك مو دالقه نفسك
بعدين كلمة تطنيش لا تاخذينها بمعناها العادي
التطنيش اللي اقصده انو لو قالك كلمه تجرح او شي لا تاخذين زاوويه تبكين فيها لا
سوي نفسك ما سمعتي وروحي شوفيلك مسرحيه ولا فلم كرتون وقعدي اضحكي وانبسطي
كأنك تقولين معلش هالمره ما سمعتك
انتي بصراحه مره خاضعه له بكل المقاييس
والله تبين الصدق اول ما تزوجت كنت خايفه اخاصم زوجي
بعدها قويت حالي ولما يغلط اصده بقوه واوقفه عند حده الحين والله العظيم يموت ولا يزعلني لانو عاررف اني لو زعلت كل شي بيتعكر