خواتي فيه حل ولايحتاج تحسي بمهانه او ذل
بالبنوك فية استمارة(امرمستديم) استقطاع شهري يعني
يسوي زوجك هذة الورقة بالبنك ويكتب فيها المبلغ الي يستقطعه من حسابه
لحسابك وديركت تلاقي كل شهر نزل بحسابك مصروفك وبدون احراج او خجل.ولا ينقطع الامر الا اذا زوجك وقف الامرالمستديم.
الصراحة اشكركم انكم وعيتوني حتى ما اخلي زوجتي تنحرج مني لابغت فلوس مع العلم اني انا الي
أسألها تبي فلوس ولا لا.
أنا أشتغل من سنتين وأساعد زوجي في مصروف البيت ، وعادي دائماً بنتهاوش على المصروف إنه أنا مسرفة ، بس هذا راتبي و من حقي أعز نفسي وألبس أحلى لبس وأحسن كريمات وأدير بالي على حالي ، وهو بس شاطر في الإنتقاد ليش نصحتي وليش هاي التجاعيد ، وبالنهايه فرطت معي وصرت أصرف على حالي اللي بشوفه مناسب وأعطيه الباقي أو اصرفه على البيت ،
بس هو حرام عنده إلتزامات كثيره مع أهله ، و ما بلومه ، بس ما في حياء و لا شي ، بنحكي وبنتحاسب في الأمور الماليه بكللللل صراحة ، مع إني متزوجة جديد مو جديد جديد من سنتين يعني
هو في البداية كان يهاوسش ويدقق بس بعدين يئس مني وسكت
يمكن ردي يكون خارج الموضوع شوي....
بس اتمنى من الكل انه يدعيلي ما اتوظف او اتاخر بالتوظيف على الاقل 4 سنواااات....
لاني من الواقع اللي اشوفه الوحده من تتوظف تدب المشاكل بينها و بين زوجها.....و اوسخ شي بالدنيا المشاكل الماديه بين الزوجين....وانا مرتاحه حاليا كطالبه و كارهه الوظيفه....
اما عن موضوع خجلك.........
باول زواجي اشتكيت لامي من خجلي من طلب المصروف...و قالت لي تستحين تطلبين فلوس و ما تستحين من(.......)...و فعلا والله كلامها صح...حسيت ان اللي قاعده اسويه هبل .....بعدين انا ما اشحذ منه مثل ما انتي تقولين....هذا حقي وواجبه...
وشكرا
يمكن انتِ خجولة شوي((مب شوي الا واااااااااااااااايد)) بس بصراحة الموضوع مب طرارة
بالعكس الرجال يفرح ويستانس يحس بقيمته وانج محتاجتله
وانا وحدة احب اطلب من زوجي مع انه يحط لي لفلوس في شنطتني
يفتحها ويشوف ويحط لي مبلغ قبل لا يطلع بحيث ان ماتقل لفلوس الي عندي عن مستوى معين
مع ذلك احب اطلب منه وهو يستمتع ونحن نتمازح اثناء ما اطلب منه لفلوس..
هاي وجهة نظر .. واتمنى انج تغيري نظرتج للموضوع بشكل عام
وتكتشفي الجمال في طلب الزوجة من زوجها ..
والله يا اختي اعاني من نفس الشيء و اكره نفسي لو طلبت شيء لنفسي يعني للاولاد عادي هداية للناس و مشتريات للبيت كله عادي الا مصروفي الخاص مستحيييييييل اطلب الا للحاجة الضرورية جدااااااااا واموت من القهر لما اطلب و هو يعصب علي وما يرضة ويقول بدون ما تطلبي خذي الكارت واسحبي او مدي يدك بجيبي وخذي وانا والله ما اكدر امد يدي بالرغم صار لنا 5 سنوات متزوجين بس هل عادة السيئة ما بطلتها !!!!!!!الله يهديني يا رب .......... تصدقين حتى السيارة لما يخلص البترول اخليه هو يطلع فيها حتى يشوفها فاضية ويمليها !!!!!!!!!!!!مجنونة صح!!!!!!!!!!
وانا كما قالو بعض الاخوات كنت في بيت اهلي لا اطلب الفلوس اصحى الصبح الاقي عل كبد بتاعي اخذها واحيانا ما اعرف شنو اسوي فيها ادخل سوبر ماركت وابدأ اشتري اي شيء سواء احتاجيتها ولا لا و كنت اذا احتاج شي بنطلون الوالد ما يقصر امد يدي واشتري ولا كنت استحي ولا شي سبحان الله
زوجي يتهمني ويقول انت تتكبرين وتعتبرين اخذ فلوس مني نوع من التنازل او الرضوخ لي
ممكن صحيح مادري
عزيزتي المحترمة....... صحيح ان وجود ناس يعانون مثلي يخفف علي بس ما يحل المشكلة ........ما اقول الا عساي اشوفك الاسبوع الجاي على اطلق مكتب والفلوس تفسفسينها على راحتك ولا احد له شغل فيك يالغالية..........
حبيبتي الهنوف شكرا على النصيحة ........بس انا مشكلتي لها شق ثاني وهي اني مغتربه يعني استعمل الريال والجنيه يعني حوسة جعلك ماتحتاسين وانا احس طلب الفلوس يتعلق بالكرامه مو المسأله خجل
مرحبا اختي روما حلولك جذرية وصارمة بس ماتناسبني على الرغم من وضوحها ومنطقيتها .........اشكرك.....
ميموتا....انا فاتحته من قبل بهالشي بس ماسواه الى الحين ......انتي عارفة الرجال والعجز ..لكن تستاهلين مني هالدعوة ......الله يهون عليك طلوعه وطلوقة ويرزقك بره قولي اااااااااااااااااااااامين
اخي ابو ليال اشكرك على المعلومة المهمة ........والله يهني ام ليال فيك .......
الغالية ام راشد.....الحمد لله انك متوظفة هذا الشي مهما كان متعب بس فيه ميزه ..........الله يخليكم حق بعضكم
الغالية دوت فعلا كلامك منطقي بس انا اهون عندي اطلب منه اللي خبرك...... ولا اطلب منه ريال .....عموما وجهة نظرك احترمها ....
اختي الفلوجه ........اقدر اقول اني واياك نعاني من نفس المشكلة انتي بالضبط مثل حالتي ....احساسنا بالرضوخ للزوج مايرضينا مع اننا من قبل راضخين لاهلنا .....اذا عندك تصنيف لها الحالة وافيني بها ودمتي
غاليتي همسه اتمنى وجود قناعاتك عندي لكن لا اظنها امنيه ستتحقق ....شكرا لردك
اختي ام نبراس ورض الله يعينك على بلواك ويعيني على ما بلاني فعلا الاحتياج للطرف الاخر مشكله خاصة اذا اتبعها بالمن والاذى الله يبلغك في نبراس ورضا ويصبرك على ابوهم ويهديه
ااااااااااااااااااامين
اهلين دوت مشكلتك اهون مني الفلوس احتاجها انا وبس بس اللي انتي عارفته حتى لو ما طلبته هو بيعطينياه مو عشان خاطري عشان سعادته اهو
وتسلمييييييييين