ههههههه زوجتك ماعندها سالفه وهي. ومبادئها اخذه الكلمه حجه عشان تستحي تشوفك
انت كلم ابوها وقله ياعم بزوركم باليوم الفلاني وارسلها مسج كلمت عمي وقلتله بشوفك عاد لاتفشليني عند اهلك وتقولي مبادئي انسي الكلمه شوي

اخوي اذا تملكت تقدر أشوفه بس هي الى الان ماصارت زوجتك

ليش مستعجل الا اذا كنت تقصد أشوفه الشرعيه فهي من حقك
غير كذا ماله داعي

أنا اللي فهمته انك للحين ما ملكت بعدك... يعني هي مب زوجتك علشان تبادلك المشاعر... و يا اخوي البنت عمرها 16 سنه و تبي عقلها يكون كبير و تجاريك!!! كم عمرك انت؟

اللي يخطب طفله لا يتضايق من تصرفاتها الطفوليه... لأنها اصلا مب فاهمه شو يعني زواج ( و انا اقصد بنات هالجيل)... هي تشوف الزواج دلع و دلال و سفر و وناسه... بس تعال لواقع الحياة الزوجيه... صفر ما تعرف عنه شيء...

انا عمري 24وعاارف هالشئ طبعا انها احتمااال انها صغيرها بسنها بس والله هي عقلهااا كبير جدااا و احتمال اكبر من عقلي بس اسلووبها يووم حلوووو جدا ويووم سئ جدا امس رسلتلي لاني قلت لها حاب اتغلى زيك قالت لا حرام عليك انا احبك والله اصير تائهه بدونك وطنشتهااا وبعدها رسلت خلاص تعااال وشوووفني انا موافقه وتسلمووا على تفاعلكم

تــــطور جميل (وعرفت من أين تأكل الكتف) أسلوب الضغط بثقلك عليها جاب نتيجه..

يالله من قدك بتشوفها بالعيد بس هاه لاتنسى جيبلها ذيك العيديه الزينه

بس ســـؤال أنت عاقد عليها شككوني الخوات؟؟

__________________
{اللَّـهٌـمَ أنـي أَسْـأَلٌـكَ الـهٌـدَى والـتٌقَـى والـعَـفَافَ والـغِـنَـى}

لا لسى ماني عاقد فدوو

مب عاقد و حاشرنا!!!!

تبا حب و غراميات و اهتمام من وحده للحين ما حلت لك شرعا!!!!!

اخوي.... الحلال بين و الحرام بين.... و البنت للحين ما عقدت عليها...يعني بعدها مب حلالك.. و اللي تطلب من اهتمام و دلع المفروض ما تطلبه لأنه شرعا لا يجوز لأنها مب حليلتك علشان تعطيك هالإهتمام و الدلع و الغزل... إذا مستعيل على هالسوالف... اعقد و خلص عمرك... و ما في داعي تقع في المحرمات علشان اتباع قلبك...

أفــا أفــــا ماعقدت عليها أهــــا الحين فهمت المبادئ الي تقصدها البنيه،،

أخوي مايحتـــاج نقولك أنه حرام ومايجوز أكـــيد انت تدري!!

حتى لو نيتك زواج منها مايحلكم اي نوع من التواصل

فنصيـــــحه أذا تبغى ربي يوفقك مـعها ويــــسهل عليك زواجك،،أقطع تواصلك وعجل بعقد الـــقران..

بس مستغربه كيف ابوها يسمحلها تتواصل معك ولا وتشوفك بعد؟
أنت سعودي؟!

__________________
{اللَّـهٌـمَ أنـي أَسْـأَلٌـكَ الـهٌـدَى والـتٌقَـى والـعَـفَافَ والـغِـنَـى}

الله يوفقك اخوي ويتمم عليكم

انا كثير اخذ اختي اللي عمرها ١٦ اوديها السوق أو طبيب الاسنان او اوديها المدرسه أو غيره
صراحه واكون معك صريح,,, العمر هذا توها طفله
وهي معي احسها عمرها ١٠ سنوات مب ١٦,, على نياتها وما تعرف الصح من الغلط من الحلال من المبادئ

كونها البنت تقولك مبادئ فهذا دليل على انها عاقله وهذا شيء ايجابي

اهم شيء اخوي استمتع معها ولا تدقق في اخطائها وتذكر تصرفاتك لما كنت في أول ثانوي يعني بعمرها,, فأكيد بعدها ما راح تلومها اذا اخطت.

وما اوصيك ,, خلك حنين شوي ولا تتهاوش معها كثيـــر



ربي يسعدكم ويألف بين قلوبكم (:

-

ايه سعوودي انا في منطقة الجنوب تحديدا جيزان يسمح لنا بالعااده التعارف والمناسبات نشوووفها