اي انا ابي كذا لانزلت يجي قدام و صار هالشي مرتين << لان انا ركبت اول ..

بس والله قبل اول زواجي كان ينزلهم لان ماكنت ارضى و نتعاند انا و اخوه .. انا بس ابي احترام .. مافيها شي لو ركبت ولانزلت جا هذاك .. هذا المفروض لكن اذا هالشي جايز لزوجي وش اسوي انا كيف اقنعه وهذا تفكيره ؟ والاكيد انه يستحي منهم او يخاف من اهله مدري

__________________
تم تغيير النك .. < ريتاج2016 سابقا

الموضوع بسيط جداً

خلاص يوم يكون مشواركم قريب مثلا انتي رايحه لبيت ابوج وهو قريب
مايضر تقعدين ورى

اما اذا مشوار بعيد انتي اولى تقعدين جدام عند زوجج
ماعدا في الحالات التاليه لازم تقعدين ورى :
الريال يقعد جدام دايماً
ولو عمره 12 يعني كبير نوعا ماً بعضهم يفضلون يخلونه جدام
ومايستاهل الموضوع تسوون مشكله عشانه
وبالحاله الثانيه اذا امج ولا امج ريلج او وحده كبيره بالسن مثلا جدته هي اولى تقعد جدام
اما خواته او غيره لا طبعاً انتي اولى


لكن بالاخير اختي
صدقيني الموضوع ابدا مايستاهل النقاش والزعل
ومحد غلطان ومحد صح
الموضوع كله يصير على حسب الحاجه والحاله مثل ماشرحت فوق

مثل ماقالوا الاعضاء
لاتدورين على اي مشكله مع زوجج
واستمتعي بحياتج

احد اخواتي ^^ اذا حملت اتشائم جدا
لدرجه اخر حمل لها لما جاني خبرها
شعرت بدوار ومسكت ع راسي
من الصدمه والضيق والله لدرجه جلست اهدي نفسي
واقول حمل بالحلال مو حرام
عشان اتضايق واتشائم !! والسبب انها اذا حملت
تعيشنا في جحيم خلال 9 شهور نكدددددد بكل ماتحمله كلمه من معنى ×_×
مرات نصبر .. ومرات نرد عليها ونقلبها مصارعه ومرات يجيني برود ^^
مايقهرني الا حاجه صريخ وصياح عشان الريحه !!
..يعني الله يعين الرجال ع حريمهم
اللي حملهن كذا يجيب الهم والنكد ومشاكل شبه يوميا
ف ياعزيزتي راقبي نفسيتك واعطي الامور حجمها
اياك تتهاوني وتتصرفي بسذاجه وتكوني نكديه بنظره
ماقلتي مجتمعهم معدد ^^
انتبهي قبل لا يفوت الفوت ولا ينسمع الصوت هههه

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

من جد لما يقولك هم يضحك و هم يبكي

هذي مشكلة كبيرة عند الحريم و ممكن تطير فيها رقاب و تتحارب بسببها قبايل

فمو اي احد يفهم حجم المعاناة

مرة كنت في جمعة حريم و يتناقشون في هالمشكلة و ابشركم لقوا لها حلول جبارة و فتاكة

وحدة تقول ليش ما يصنعون سيارات اربعة الى خمسة راكب قدام و تكون بالعرض

هنيتهم بصراحة على جهودهم في خدمة المجتمع و مساهمتهم في ازالة كل مسببات التشتت الاسري

مررت من هنا و ضحكت .. اضحك الله سنك يا روح هادئة و جعلها اكبر همومك

__________________
يـــــا رب
و الباقي وحدك تعلمه ..

هذا الأمر يدخل ضمن العرف السائد .. والعرف أن الكبير في المقعد الأمامي والصغير في الخلف.

فكيف إن كان هذا الصغير طفلاً أو على أعتاب المراهقة؟!!!



طيب سؤال..

لو كان زوجكِ سيركب مع اثنين من إخوته مثلاً .. والكبير سينزل قبل الصغير .. فكيف يكون توزيع الأماكن؟

هل يطبق عليهما نفس وجهة النظر التي يطبقها عليكِ؟ .. وهل يطبقها على نفسه هو بذاته عندما يكون في نفس الموقف؟!

__________________


اللهم طِيبَ الأثر .. وحُسْنَ الرحيل.

هو موضوع تافه و مهم بنفس الوقت لكن اذا عقلية زوجي كذا وش اسوي انا .. يمكن هالشي يسبب له احراج لما يقول لاخوه انزل روح ورى ومدري ايش .. وهو يتحجج بقول اللي يجي اول و اصلا انتي قريب و من هالكلام .. بحاول اطنش و بتجنب الركوب معه اذا فيه احد معنا ..
ههههههههههه اختي كانت كذا قبل اتزوج انا وكنت اشيل هم لاحملت اقولها الله يعيننا ع الكآبه 9 شهور .. ولما تزوجت انا صرت مثلها و ازود وحملي الاول بس عيشتهم الحزن من الشهر الثامن وهالمره لان عندي بنت و لان جررربت الولاده .. زاد الخوف عندي ومن حملت وانا برعب و حزن وافكار اعوذبالله و اوصيهم ع بنتي هههههه .. بحاول اتصرف بذكاء لان ماني حابه اسبب مشاكل بيننا و لان حابه اكبر بعينه يعني مايقول عقلها صغير تتهاوش مع اخواني و الا تقعد قدام و و و الخ و ياليت مجتمعهم المعدد لان مجتمعهم مجتمعي يعني ولد عمي بس البلااا اهله المعددين وهذا اللي خايفه منه هههههه
ههههههههههه اصلا لوووو فيه مقعد قدام يكفي 10مستحيل اقعد معهم هههههههههههه سلامااااات .. ذكرتيني ب وحده وانا ابحث عن هالموضوع قبل اكتبه لكم قلت ببحث اشوف و ان وحده تقول انا و امه نركب قدام مع بعض ومدري ايش والله جيت ابي احط ضحكه عشرين سطر بس خساره ماعندي عضويه هههههههه
لو اثنين من خواته اتوقع الصغيره تروح تركض ورى لان تحترم اختها طبيعي .. تدرين والله عند اهلي الرجال مايتدخل يعني مثلا اخوي الكبير زوجته تجلس قدام و امي ورى مع ان هالشي غلط الف بالميه بس اخووي ساكت ليه ما ادري يمكن لان امي عادي عندها او يمكن امي سمحت لها مادري لكن احنا كنا نستغرب ومع مرور السنين وكذا صارت تخلي امي قدام .. و انا و مرت اخوي الثاني مرات تبي تجي تركب اقول لها روحي ورى ابي اجلس قدام عشان اصور و من هالكلام عادي تروح بس طبعا مو دايم يعني يمكن مرتين صار هالشي مره قبل اتزوج ومره وانا حامل قلت مقدر ازحف < لان زحمه السياره .. و انا و اختي اللي اكبر مني ب3 سنين نتهاوش اذا المشوار بس لنا ونتفق ان وحده بالروحه و وحده بالرجعه هههه بس ان بزر عمره ماوصل 13 ويركب قدام وكبير ورى ؟ هذي ماصارت عند اهلي ابداا بس انا اللي يقهر لما كنت بروح معهم للمستشفى وكانوا اخوانه يتمشون عند السيارات قدام الباب ينتظرون زوجي ولما شافني واحد منهم < النشبه اللي يزاحمني > ع طووووول راح علق شنطته ع مراية الباب الاول وانا بعيدددده عن السياره بس ضحكت وحطيته ببالي قلت بقلبي هين بدل هالحركه .. و جا زوجي و كنت امشي وراه بالضبط و هذاك خساره كان بعيد شوي جا يركض لما شافنا متوجهين و ان زوجي قال مهبول وين معلق شنطته بعده سئلهم حقت مين ؟؟؟ قال حقتي قال عطيه و اركبي وانت تبي تكسر المرايه والله ان علقتها ثاني مره ياويلك و الخ.. وهو انجلط و صار لما يعرف اني معهم اجي القاه راكب و وجهها ع شباك السياره مو ع جنب لا .. يكون يطالع مثل اللي اعمارهم اقل من 5 .. يعني حركاته تنرفز و احاول اهدي نفسي واقول معليشششش يابنت الحلال

__________________
تم تغيير النك .. < ريتاج2016 سابقا

من زاوية في بعض المجتمعات يعتبر ركوب المرء في الأمام نوع من الاحترام والتقدير، وأن وجوده في الخلف يعتبر عدم تقدير واحترام، وربما هذه النقطة التي تقصدها الأخت، ولعلها نشأت على ذلك المفهوم، فطبيعي أن يؤثر ذلك بها.

__________________
ياصبحِ لاتِقبل !!
عط الليل من وقتك..

ايوووا بالضبط ..

__________________
تم تغيير النك .. < ريتاج2016 سابقا

اشكرك ع فهمك ل ردي ..واتمنى لك التوفيق

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم