الحمدلله و للأفضل يا رب

للمعلومية انا من زمان اتابع مواضيعك و قلبي معاك

و حسبي الله و نعم الوكيل في الساحرة الله يجعل كيدها في نحرها و يجعل تدبيرها تدميرا عليها

الحمد لله اخبار جميلة
الله يتمم لك بالشفاء
ويحفظك من كل حاقد وحاسد

الحمدلله من قبل ومن بعد
ماشاءالله تبارك الرحمان
الف مبروك هداية زوجك وصلاحه وربي يسخركن لبعض ويديم عليكن السعادة
دائما بعد الصبر الفرج وانتي بتستاهلي وتعبتي وربنا كافئك
وبالنسبة للسحر حسبي الله على ظالم ما بخاف ربه
الله يمهل ولا يهمل
داومي على الرقية الشرعية وتشغيل سورة البقرة
وحصني نفسك وزوجك واطفالك
فرحت بمستجداتك باستثناء السحر
وان شاءالله بنفرح بس تتخلصي منو
الله يسعدك دنيا وآخرة عزيزتي روح الطير
احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

ماشاء الله أخبار سارة حبيبتي روح ...أدام الله عليكم السعادة وراحة البال..والله يشفيك ويذهب عنك البأس إستودعناك الله الذي لاتضيع ودائعه.

__________________
سبحان الله وبحمده..سبحان الله العظيم

وعليكم السلام ورحمة الله وبركاته ..
ماشاء الله تبارك الله ،الحمدلله رب العالمين .

.


روح الطير

الله يسعدك دوم يارب
ويثبت زوجك على الطريق المستقيم ويسخركم لبعض
ومن اراد بك سوء الله يرد كيده في نحرهـ .

__________________

مبرووك روح
فرحت جداا
كنتي داييم على بالي
وادعي لك ولاملي في الله
لانه احنا الثلاثه بنفس الوقت كتبنا عن خيانة ازواجنا
وانتي كنت قبلنا
لكن الحمدلله
والله لما كنت تكتبين عن الطلاق كنت اتالم واقولك اعطي انفسكم فرصه ثانيه
لاني وقفت موقفك
واعرف شعورك واحساسك
الحمدلله
الحمدلله
على هداية زوجك
واسال الله بهذه الساعه ان يهديه لطريق الحق ويصلح لك ذريتك
ولاتخافي السحر اهون من العين
بس الي يقهر انه من عمل شياطين انس وجن
عسى ربي يبطله بحول منه وقوه
عليك بالاضطلاع بماء زمزم
حاربي وضيقي عليه حتى يبطل
مااضعف من الشيطان الا شيطان
يخافون ويضعفون من الذكر والقران
شغلي البقره بالبيت يوميا
على اذان المغرب اوصدي ابوب البيت والنوافذ اقتداء بنصيحة الرسول اللهم صل عليه
حاولي ترقاين سورة البقره
وتشغلين الاذان بالبيت
ضيقي على الشياطين
حتى تهرب وتخرج ولن تعود مع التحصين والايمان القوي
هي تكره المؤمن القوي
اللهم ابطله اللهم ابطله اللهم ابطله

بعد وفاة أمي الله يرحمها ، و بعد المواقف اللي حصلت من أخواتي و أخواني سابقا في وقت العزاء
و بعد الأحداث السابقة مع زوجي من أكثر من سنتين ..

تقربت من أهل أمي و المتواجدات في مدينة أخرى تبعد عننا ، و كانت أمي الله يرحمها هي اللي تتواصل مع الكبار دائما
و تثق فيهم ثقة عمياء ، و تحكي لهم كل شي عننا ..

أنا تواصلت مع بناتهم ، بحكم إنه الكبار ما عندهم واتس .. و دخلوني في القروبات الخاصة بهم ..
و الخاصة بأهل أمي الله يرحمها .. و حسيت إنهم من ريحتها و دخلت معاهم .. دخلة قوية جداً ..
حبووووووني مرة و يفتقدوني و يسألوا عني بإستمرار .. و كلهم أكبر مني ، لكن أصغر من أمي ..

المهم ..
فيه وحدة منهم .. بنفس المدينة اللي أنا فيها ، كانت تزور أمي الله يرحمها بعض المرات مع أمها ..
و أنا و هي في نفس العمر .. لكن من زمان ما نتفق ، ما أعرف ليش ؟

كنت ألاحظ أمها تحاول تقلل من شأني كل مرة تشوفني ، لكن أمي على نياتها فما كانت تنتبه و لا تفهم لهم ..
هذه قريبة أمي اللي بنفس عمري ، ما كملت تعليمها المتوسط و برغبة منها ، و تزوجت و تطلقت و هي صغيرة ..
و تزوجت اخر و كان سيئ جداً ، و أنجبت أطفال ماشاء الله و اللي يشوفها يعطيها عمر أكبر مني بعشر سنوات ..

فكانت دايما تحاول تقهرني و تقول أنا تزوجت و أنا عمري كذا .. مع إني أنا تزوجت بعد ما تخرجت من الجامعة مباشرة
و أنا كنت أرفض العرسان و ابكي لما يتقدموا لي و أمي تكلمني عنهم ، و كنت حابة أكمل دراستي و الحمد لله تخرجت
و توظفت و تعينت و سافرت و كملت دراستي ووو إلخ

.
.

قريبة أمي هذه اللي بنفس سني ، كانت معانا في نفس القروب ..
بدأت تلاحظ إنه الأقارب صاروا ينتبهوا لي ، و يميزوني و يفتقدوني إذا غبت ..

و أنا كنت هبلة ..
أحكي كل شي في القروب ، عن بعثتي ، دراستي ، وظيفتي ، أولادي ، بيتي ، شغالتي ، غربتي ، مستقبلي ... إلخ
كأني أكلم أمي الله يرحمها ، و كنت استشيرهم بأمور كثيرة بحكم إنهم كبار مرة .. و عندهم بنات متزوجات ..

.
.

قريبتي هذه ، كانت تدخل بس للقروب عشان تشتمني بدون أي اسباب !
و هي معروفة من زمان إنه لسانها - سليط و كلماتها وسخة و تشتم شتائم جدا سيئة - من باب المزح ..
بس كانت معايا خاصة تتقصد ، و لاحظوا أغلبهم اللي هي جالسة تعمله ، و استفزازها لي ..
و محاولتي تطنيشها مرات ، و مرات ارد عليها بسخرية و لكن كلمات محترمة .. و مو مثلها ..

و لما تغلط علي بزيادة و تسب تسب مثل الأطفال و بدون سبب ،
كنت أرد عليها و أطلب منها توقف عند حدها ..

و حاولت تتدخل مرات بيني و بين أخواتي و تقلبهم علي ..
في الشي هذا ما كنت أسمح لها ، و لا أقدر اسكت ..
و كنت أواجهها و أقول لها تلزم حدها ..

المهم ..
إني أتجاهلها قدر الإمكان .. و تقريبا الأغلبية لاحظوا تصرفاتها ..

قريبتي هذه ، أقارب أبوها .. معروفين بإنه ما عندهم شي اسمه حلال و حرام ..
و سمعتهم سيئة ،. و قريبات أمي كاننوا دايما يقولوا - فلانة عقلها صغير - ..

المهم ..
إنه جات فترة هي نقلت فيه من بيتها لشقة ايجار ، و عدد غرف قليلة و هم عددهم كثير ..
و أنا صدفة نقلت لبيتي - شقة تمليك - و عدد غرف أكبر و الحمد لله ..

كتبت إني نقلت ، و لما يسألوني أي شي .. كنت أرد عليهم ..
يعني ايجار و لا تمليك ؟
أقول لهم تمليك ..
طيب اسمك و لا اسم زوجك ؟
أقول لهم .. اسمي ..

و زي كذا ..

جبت ولدي الصغير في شهر ذو القعدة قبل سنة و 8 أشهر ..

و هذه قريبتي .. فجأة صارت تتصل علي كل شوي .. في الفترة هذيك ..
انقلبت معاي 180 درجة ، ماعرف ليه ؟

كنت مشغولة وقتها ، و كانت بس تتصل .. و ماني متعودة منها أي اتصال ..
و لا عمرها دقت على جوالي و لا كلمتني خاص ..

صارت ترسل لي ، أنا أحبببببببببببببك ..
كلميني ، دقي علي ، أتحجج مرات لإنها تطول ساعة كاملة و مافي أي هرجة بيني و بينها !

بس صارت تقول لي ( تصدقي إني كنت أكرهك زمان و ما أحبك ،
و دحين صرت أحبك من القروب ؟ صرت أمووووووووت فيك و إنت مرة وحدة طيبة و أنا أحبك مرة )

#. علامة تعجب كبيرة .. و أخدت كلامها بحسن نية ..

كلمتني مرة اسكايبي ، و تقول لي - افتحي فيديو و نجلس نتكلم مع بعض - ..
تحججت لها إنه الاسكايبي عندي خربان و ماعرف ايش ..

.
.

افتكر أختي الكبيرة ( هذه أختي ، و قريبتي .. مرة حبايب من زمان .. يتفقوا عالشر سبحان الله )
و كم مرة يختلفوا ، و كم مرة يرجعوا لبعض .. هي تشفي غليل أختي هذه ، لما تهرج عني ..
فأنا عادي ما يهمني .. أعرف انهم يهرجوا مع بعض عني ، بس ما اهتم ..

لإنهم مرة اختلفوا ، و كل وحدة تفضح في الثانية عندي إنه فلانة هرجت عني ..
كبرت عقلي و طنشتهم ، و كلمت قريبتي و قلت لها تلزم حدودها و ما تتدخل بيني و بين أخواتي ..
لإنه أخواتي أهم شي عندي بعد وفاة أمي و ما راح أسمح لأي وحدة تدخل و تفرق بيننا ..
و من يومها وقفت عند حدها ..

المهم أختي بحكم إنها قريبة منها ، سألتها و قلت لها : فلانة ماعرف إيش بها ؟
فجأة صارت تتقرب مني ؟ و تبغاني اكلمها بالفيديو اسكايبي ؟

أختي قالت لي ( انتبهي منها ، ترى هي ما تخاف الله و ممكن تأذيك و ممكن تتبلى عليك بأي شي ؟ )
قلت بداخلي مو للدرجة هذه ؟؟؟

لكن فعلا استغربت انقلابها ، و إلا مصررررررررة و مصممة تدخل بيتي أو نخرج أنا و هي سوا ..
و أنا لسى ما كملت 40 يوم ولادة ..

معليه الكلام منفصل ، لإني انشغل كل شوي و اخاف ولدي يلعب بالكيبورد و يقفل اللاب توب

يوم من الأيام دقت علي .. و قالت أنا طفشانة ..
( مع العلم إنها قريبة من أختي الكبيرة أكثر ، مو مني )
حتى أختي استغربت بعدين ، و قالت : إيش بها فلانة مطنشتني و تتقرب منك ؟

.
.

المهم ، كم مرة تقول أبغى أزورك ، و هذا كله ( فقط خلال شهرين أو أقل ) تقربها المبالغ و الغريب مني ..

دقت علي مرة في العصر و قالت أنا طفشانة و أبغى أجي عندك دحييييييييييين .. مرة طفشانة ..
ما كنت مستعدة أقابلها ، لكن ما رديتها .. و قلت لها الله يحيك ..
و كلمت أخواتي ، و جاتني أختي الكبيرة ..

و قريبتي دخلت بيتي - و كانت أول و آخر مرة تدخل فيه بيتي - ..
و ما كنت خلصت بيتي .. و جلستها في الصالة ..

بعد ما دخلت بيتي ، كنت مسافرة بعد يومين للمدينة اللي فيها أهل أمي ..
و هناك تجمعوا و عملوا لي - عشاء - .. و نزلوا صور في القروب و مبسوطين اني زرتهم و تعرفت عليهم عن قرب ..

هذه قريبتي ، بعدي بأسبوع .. سافرت هناك المدينة اللي فيها أقارب أمي ..
نزلت يوم واحد و رجعت نفس اليوم ؟؟؟؟؟؟

قلبت الدنيا كلها - فوق تحت - .. و ما عرفت غير بعدين ..