شاكر لكم مشاركاتكم واهتمامكم الله يجزاكم خير جميعا .
فعلا البنت مجبرة على الزواج لانها غير ناضجة وقراراتها طفولية اجبرت على الزواج بي ولكن زي ما يقولو
تجري الرياح بم لا تشتهي السفن
وللاسف اصبح الموضوع معلق مني عارف انفصل ولا اكمل

واشعر بالأسى صراحه لحالنا ياخي المفروض يسوو دورات الزامية للحريم قبل الرجال في موضوع الزواج عشان البنت تعرف ايش الي لها وايش الي عليها اما كده ظلم صراحه للرجل قبل المرأة ومشاكل الزواج ماعمرها تنتهي سار الزواج انت وحظك الحمدلله على كل حال ..

ارجع اشكركم ياجماعة الخير على مشاركاتكم ماننحرم منكم الله يسعدكم ..

شوف ياخوي ،،، انا ابغاك تدخل على مواضيعي القديمه وتشوف قد أيش كنت معصب وكرهت الزواج وووو ،،،

شوف ياطويل العمر ،،انا بنفس عمرك وزوجتي تقريبا داخله 18 سنه. والله كنت افكر نفس تفكيرك وليش المعامله ذي وليش بس انا وليش اصحابي مبسوطين وزيارات وهدايا وغزل وحب ودلع ومكالمات ع البحر طول الليل وتعى ياحبيبي خدني وروح
وانا زعلااان ومشغل صارحيني منهو انا بدنيتك خذها مني ،،،وربي عارف نفسيتك ،،،، انتا كنت متخيل شي وانصدمت بالواقع وراح تتعلم وراح تعرف انه اللي انتا فيه اسمه اعجاب بس مايسمى حب ،،،انتا تبغى تحس انك زي الباقين ونفسك تتكلم مع زوجتك و تحصل احد يهتم فيك ويدلعك ووو ،،،صدقني الوضع مؤقت ،،،انا قعدت نفس وضعك تقريبا 6 شهور وربي كرهت كل شي له علاقه بالزواج ،،،انا واخوها خلال السته اشهر صرنا اكثر من اصحاب وبيوم قالي ليش ماصرت تجي لبيتنا وتزورنا وقلتله كل شي بقلبي ،،والله مازعل وانه رجال ابن ستين رجال ،،كلم امه وقالت تعالوا عندي البيت ونشرب شاهي ونتفاهم ،،رحت معاه وعرفت الموضوع من طقطق لسلام عليكم وانه كان ابوها محذرها بانها تتواصل معايا او حتى تكلمني وكان فارض عليها بعض الامور وانها ترفض زياراتي ووووو ،،،انا مازعلت لاني عارف انه يبغى مصلحتها وخايف عليها وخصوصا بالزمن ذا ،،واقلك زوجتي كانت رافضه الزواج من اصله وكانت تكره موضوع الخلفه والاولاد ولكن صدقني ،،،قعدت 6 شهور اسال عنها وعلاقتي مع اهلها نفس علاقتي مع اهلي بالضبط وضحك ومزح بيننا فهما حبوني اكثر لاني صارحتهم ومن بعدها كل شي تغير وصرنا سمن على عسل ،،،بس لا اخفيك فيه بعض المشاكل واختلاف في الآراء احيانا ووجهات النظر رشيد طبيعي وراح يصير كثير ،،بس حط الشئ ذا ببالك انتا قدوه لزوجتك وراح تطالع في تصرفاتك وكلامك و مع الوقت تسوي زي ما انتا تسوي
بس في حالتك انا ما اقدر اجزم انتا تقدر تعرف بطريقتك ،،،لمن تزورها شوف تصرفاتها ولازم تتذكر انك شاب غريب عليها ممكن هيا من النوع الخجول ،،، حاول تتقرب من اخوانها وتعرف عنها اكثر وعن شخصيتها ،،،اسالها سؤال مباشر ،،انتي مرتاحه معايا ومقتنعه بالزواج مني ولا لا ؟! إنتاج،تقدر تجمع كل المعلومات اللب تبغاها بطرق غير مباشره وبعدها استخير ربك وباذن الله مايصير الا كل خير

السلام عليكم ورحمة الله وبركاته.
من الصعب أن تعيش مع إنسانه مجبرة عليك، لهذا صارحها مرة أخرى...
لا تجامل في هذه الأمور مازلتما في مرحلة البداية..
اختبار كما لابد من اقتناع وتقبل من الطرفين..
صارحها واعرف منها كل الأسباب وستعرف القرار..
لا تجعل المجتمع يجبرك في هذه الامور خاصة الزواج لأنه عشرة وليس يوم أو شهر..

يشيخ بيض الله وجهك والله منتظر رد يشرح القلب زي كده من اول فعلا انا حاسس حالتي مشابهة لحالتك جدا واحتاج رأي شخص مجرب الوضع دا الله يجزاك خير يشيخ زرعت فيا امل في الحياة حبيبي انت يشيخ ههههه

فعلا جزاك الله خير على نصيحتك وانا قايم بها فعلا في الفتره الحالية والله يكتب لنا ولكم الي فيه الخير وجزاكم الله الف خير