السلام عليكم ورحمة الله وبركآته
أولاً أحب أشكركم عل هالمنتدى الرائع ..
واتمنى ألقى عندكم الحلول اللي تحل مشكلتي من بعد الله
يااخوان تكفون ساعدوني
والله اني في هم ما يعلم به إلا الله
ومو عارف من وين أبدآ
تأنيب الضمير ذبحني
انا متزوج من 3 سنوات ، انا من السعوديه وزوجتي من الإمارات
تزوجنا عن قصة حب والحمد لله الله جمع من بيننا
بالأول أبي أقول لكم عنها ثم عني
هي مو مقصره معاي ، أبد
من كل النواحي ما قصرت معاي
يعني من الناحية الخاصه ( أقصد العلاقه الخاصه من بيننا وقت النوم )
مو مقصرهـ أبد ، مهتمة بأنوثتها ونظافتها وكل شي
من الناحية الإجتماعية ( علاقتها بأهلي تمام التمام ، رغم انها مو اجتماعيه مره )
من ناحية الطلعات والسوق ( ما تحبه أساساً ، وطلباتها جداً بسيطة )
من ناحية الوظيفة ( ما عمرها قالت انا جامعية وابي أتوظف زي كل البنات ، بالعكس ، ربة بيت من الدرجة الأولى رغم ان عمرها 23 )
ما تحب الشغالات ورافضه هالشي نهائيا ً
يااخوان والله لو أعدد ايجابياتها ما بخلص
مزيونه ماشاءالله تبارك الله
لكني ما أستاهل هالنعمه والله ما أستاهلها
بالنسبه لي انا الحمد لله ما قصرت معاها بـ شي وبشهادتهـآ
طيب وحنون بـ طبيعتي
بس مشكلتي عصبي مرره وغييور بشكل مو طبيعي
أغار عليها من كل شي
عارف اني طولت عليكم بس عشان تكونون عارفين التفاصيل المهمة
تخيلوا بعد سنه من زواجنا ، رحنا نكشف انا وزوجتي لـ نعرف سبب تأخر الحمل ..
مع اني أصلا ً ماابيها تحمل من أول سنه لكن هي أصرّت نروح نكشف
المهم ، رحنا وطلعت النتيجة ( اني عقيم )
رضيت بقضاء الله لكن كانت مصيبتي هي ، خفت انها خلاص تطلب الطلاق والله بموت لو سوتها
لكن تفاجأت بإنها لما رجعنا للبيت ، ضمتني وقالت ( إذا العيآل مب منك مـآأبيهم )
تخيلوا ، والله ان دمعتي نزلت بـ ذيك الليله وحمدت ربي ألف مره على هالزوجه
عشنا مع بعض والله ما أبالغ إن قلت إننا أسعد زوجين
عمرها ما فاتحتني بموضوع العقم .. ولا جابت هالطاري أبد عشان ما تضايقني مع إني أعرفها تموت بالأأطفال
لكن
البلا فيني انا ، من بعد كل هالتضحية عشاني
خنتها .. إي أعترف خنتها
تعرفت على بنت من النت وتوطدت علاقتي فيها ووصلت للجوال
لا تسألوني ليه ، والله اني مو عارف ليه سويت كذا
هي عرفت ، لما مرة طلعت من غرفة النوم في الليل ورحت للصاله أكلم هالبنت
وليتني ما طلعت ..
بعد ما أنهيت المكالمة ، وقمت أبي أرجع للغرفه شفتها واقفه تناظرني والدمعه على خدها وساااكته ما قالت شي
رحت لها على طول وجيت أبي أعتذر ، قآلت لي كلمه قطعت قلبي ( يعني لأني بعيدة عن أهلي ما لي بهالدنيا إلا إنت ، تسوي فيني كذا ؟ إذا انا ما مليت عينك وما تبيني ، خلنا نفترق )
ثم قالت ( خلني بروحي )
يانااااس ،، سااعدوني كيف أعتذر لها ، كيف أبين لها إني من جد ندمااااان
ما عطتني مجال أعتذر لها ، تخيلوا كل يوم تسوي الفطور والغدا والعشا ، وتحطه بالصاله وترجع للغرفه
يعني تؤدي واجباتها وتخليني .. بحآلي وهي بحآلهآ
وانا متأكد انها ما علمت أهلها ، لأن مو من طبايعها هالشي
والله مو عارف كيف أحط عيني بعينها وخايف أعترف بتفاصيل علاقتي بـ ذيك البنت تزعل اكثر وتكبر المشكلة
وخايف أسكت وما أبين لها وتظن إني مو مهتم
04-08-2013, 04:33 PM
هدمت حياتي وسعادتي
ضوابط المشاركة
العرض الشجري