ليه رابطه السعاده فيه وليه السلبيه هذي
كوني قويه بالحق مو بالسب اذا غلط عليك بشي انتي مو غلطانه فيه ردي عليه بثقه وقولي انا مو كذا ولا اسمحلك تغلط علي
وليه تبخلين على نفسك ترا ذا الشي مراح يخليه يحبك ومايشوف الدنيا الا فيك
وكمان راجعي طريقتك بطلبك للمشاوير وشوفي طريقة اخواته بطلبهم
ما انصحك بالطلاق لأن على قولتك فيه صفات كثير حلوه وفوق هذا تحبينه
انتي عندك مشكله بطريقتك في التعامل معاه ولازم تعرفيها
روحي ابحثي عن البوصله الشخصيه واعرفي نمطك ونمط زوجك
وفي حسابات ممكن تفيدك بس ما اعرف اذا تسمح الاداره اني احطها هنا
وبسألك انتي كم مرا تروحي لأهلك بالاسبوع وقد ايش تجلسي
وعندك صحبات والا لا

ينابيع الهوى احب اقول ان زوجي ما يحبني اصلا ادخل هاذي المواقع وانا ما احبها يعني ما تعجبني.. وبعدين انا شخصيتي قبل الزواج كانت غير جدا.... يعني قبل ما اتزوج كنت احب ابدي رأيي في كل شيء بعد ما تزوجت اصبحت افضل الصمت دائما

الجنة طريقي معاك حق انا عارفة اني رابطة السعادة فيه....وكلامك كلو مضبوط ..لا ماعندي صاحبات واهلي اجيهم يومين بالاسبوع
انا بس اللي قاهرني ليش يعلقني فيه

كيف نظرتك لنفسك؟

__________________

لا تكثرين لوم عن زوجك ، كل مشكلتك تدور حول تقديرك لنفسك.

__________________

ليه ماتعبرين عن رايك انتي مو انسانه لها الحق في الكلام والتعبير عن رايها
انا ما اقولك لاتحبي زوجك بالعكس حبيه بس لاتحبيه اكثر من نفسك
انتي قلتيها بنفسك انك قبل الزواج كنتي تعبرين عن نفسك يعني كنتي اكثر ثقه من الان يعني هذا سبب حب زوجك لك اول بس الان انتي تغيرتي بس للأسوأ
اتوقع ان ثقتك بنفسك راحت لأنك شايفه ان زوجك كثير عليك


ابغى اسألك ايش شهادتك
واتمنى من كل قلبي ان ربي يصلح احوالك

ملكة ذاتي ... يعني ضرب الزوج لزوجته عادي لو على سبب تافه زي ما ذكرت
والجنة طريقي انا ادرس قسم انجلش الحمدلله ومتفوقة وزوجي مو كثير عليا بلعكس واحنا قرايب

يعني ما أدري انتو تشوفوا ان الزوج السعودي زي زوجي ؟؟؟ ولا كيف

إنتي من البدايه أديتيه جوه المفروض ماتخليه يتمادا كذا وهو عارف سلبيتك وتعلوقك فيه وهذا مخليه يتمادا اكثر

__________________
اللهم صَل وسلم على نبينا محمد

ولما ضربك ليه ماتكلمتي ودافعتي عن نفسك وخبرتي أهلك على الأقل يعرف ان وراك عزوة وسند...؟ سكتي عنه لما خليتيه يحس انك راضيه بهذي الحياة....بالعكس اشجعك تنزلي الانستغرام ووسائل التواصل المفيدة وتضيفي حسابات في العلاقات الزوجية لتطوري ذاتك وحياتك وتتعلمي كيف تعاملي زوجك.....واجابة سؤالك لا مو كل الأزواج مثل زوجك .مو كل الأزواج يضربوا ويبخلوا على زوجاتهم..