نفس كلامك قلت لهم ماني شايف مشكله حقيقيه
والكلام اللي قاعدين تقولونه كذب وجيبوا القران احلف لكم
او اروح المحكمه احلف اذا انتوا تقولون ان زوجتي تقول هالسوالف
جيبوها خلوني اسمعها تقوله بلسانه كذااابين يدرون انه كذب
وهذا اللي خوفني منهم وخلاني اعارض ع الشروط

اللهم امين جزاك الله خير

بدايت التدخلات طبطبه ومواساه لك وبعدها الكل ينشغل في حياته
ويتبقى لك دفع الثمن والضحيه ابرياء بلا ذنب

امين يارب رائي حلو مع اني لست من الغربيه
ولكن لن يقبلوا به لانهم مايتقبلون مني اي شي
واتقفل الموضوع ع شروط او طلاق

اللهم احفظهم يارب وجزاك الله خييير

مشكلتك بااخوي ماتعرف للحريم
هي تتغلا عليك
زود الجرعه حبتين وشوف النتيجة ،،
المرأه تحب تتغلا على زوجها عشان تتأكد هو متمسك فيها صدق والا كلام فاضي يسكتها فيه
والشروط صدقني هذي عاده قديمه ان الزوجه اذا زعلت من زوجها ماترجع الا بشروط ويمكن امها متمسكه بهالعاده صدقني محد يبي يذلك
وافق على شروطهم بس بدون محكمه
وزوجتك افتح عنها الحظر وتلطف معها وقل لها كل الي بقلبك
قل لها انا احبك انتي وبس وتحملها راح تتدلع عليك شوي وتتغلا بعدها راح ترضى
تحملها شوي خلك الرجل الحليم امسك العصا من المنتصف
واذا رجعت لبيتك على خير ،، تفاهم انت وياها وافتحوا صفحه جديده بدون تدخلات
الآن قدم تنازل ووافق ع شروطهم او ع الافل تفاوض معهم عليها مو لازم تقبل الكل
صدقني هذي عاده قديمه عند السابقين صعب يتخلون عنها
سكت امها بالموافقه وخذ زوجتك وتفاهموا ببيتكم ،،
ربي يصلح حالكم

__________________
nh

لو تسمع كلمتك كان جتك ركض
يااخوي سكت اهلها بالموافقه ،،
صدقني يمكن لو بعد سنين تجيك بنتك لا سمح الله تشكي من زوجها صدقني ماراح ترجعها بالساهل
الضنا غالي

خلك حليم
وخل عنك العناد والمكابر
انت افقدتها الثقه فيك ،، والآن رجعها ،، وارجع الثقه لبيتكم ،،

__________________
nh

ترى كثر الكلام يشتت المشكله ،،
تغافل يااخوي ،،
انت وياها غلطتوا ،،
الرسول صلى الله عليه وسلم يقول ( خيرهما الذي يبدأ بالسلام )

نصيحتي اذا الشروط مو صعبه وافق ورجع ولم شمل الأسره بييت واحد لو ع الاقل عشان الاطفال ،،
واتوقع الشروط ماهي صعبه بس انت يمكن تعتقد انها من باب تكسير الروس ،
ولكنها صدقني ماهي تكسير روس عادة قديمه معناتها ان المرأه ترجع بعز ولها قيمة عند اسرتها وزوجها
صحيح ان هالعاده صارت قديمه
لكن بعض الاسر للحين متمسكين فيها
والله يعينك ،،

__________________
nh

ماهي الشروط؟وماعلاقتها بكذبهم
وبما كذبوا عليك؟وبما صدقو؟

__________________

نصيحتي لك انك تقوم الليل وتصلي وتبكي واطلب من الله ان يفرج همك وان يرد لك زوجتك ردا جميلا.واطلب من الله ان يزيل عنك هالغمة لانه وحده القادر على ذلك.
روح لاهل زوجتك وخذلها هدية ذهب وقولهم انك موافق ع شروطهم.واستحضر في قولك قوله تعالى هل جزاء الاحسان الا الاحسان.لا تتوقع النتايج الفورية لكن مع الايام ستجد المعجزات امامك.لا تيأس.نصحنا ابو ملك وما شاء الله رجعت المياه لمجاريها.
اترك من حولك وتوجه الى الله.يوم تروح تصالحها خذها بحضنك لان هذا ماتحتاجه المراة ولو انها مثلت انها ماتبيك ولكن هي بداخلها نار.روح الها وانته مؤمن ان الله معك.وما ستفعله خالص لوجه الله .تصدق وانته في الطريق اليها.ازل من قلبك كل الحقد الذي تحمله لها ولاهلها.ان شاء الله نسمع منك الاخبار الحلوة.مثل ما انشرح صدري امس بخبر رجعة ابو ملك لام ملك.الشيطان بينكم واستعينوا بالله لازالة هذا الخلاف.