بغض النظر عن الحلول :

نقطة مهمة لكِ ولكل من يعاكسها رجل ((( لا تردين عليه حتى ولو بسبه فإن ذلك يمتعه ويتأمل أكثر!!! )))

__________________
{ اللهم صلي وسلم على محمد وآله وصحبه تسليما كثيرا }

الله يحفظك ويقيك شره

كلمي الهيئه
وبعدين ليش تردين عليه
وتاخذين وتعطين معه
شايفك ساااااكته يحسبك رااااضيه
غيري رقم جواللك
وعندي احساس انه يبي يغويك ويوصل للي يبيه ثم يرميك
خافي على نفسك وسمعتك وسمعة زوجك

مع احترامي لك بس انتي عطيتية وجه بردك عليييه..
ولو انك سفهتية من البداية صدقيني ما استمر في ازعاااجك.. ومثل ما قالو الاخوان والاخوات اتصلي بالهيئة او خبري احد من اهلك..

الشيء الذي أخشاه عليك وعليه ..

( أن يغويه الشيطان فـ يعتدي عليك ثم بعدها ينساكِ إلى الأبد )

وحينها لاينفع الندم !!

أختي أنا لا أسيء الظن به ربما يكون مريض نفسي أو ربما فعلاً يحبك ولكن

الشيطان موجود واحذري من العواقب الوخيمة !!

ستر الله علينا وعليك في الدنيا والآخرة ~

__________________

راجعه لكم

بس اللي قال اني مستمتعه هذا مابعلق عليه

افففففف ياكررررههههه

اخبري زوجك ان فيه واحد يلاحقك ...

ولاتخافين حتى لو قال انا اعرفها..دام مافيه اثبات معه...اخبري زوجك

اوغيري رقمك ليش ماغيرتي رقم الجوال...وهو اساسا شو عرفه في بيت اهل زوجك وانك ساكنه عندهم..

وانتبهي حصني نفسك واقري سورة البقره...اخاف يحط لك شي عند الباب سحر ولا شي

اذكر قصه هنا كتبها واحد بكل ثقه كان يحب وحده وسحرها عشان يجيبها....

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

مرحبا فيك اختي
اعانك الله على هذا المعتوه الذي للأسف تعلق قلبه بغير الله ,, مسألة أنك تعلمين زوجك بوجهة نظري ابعديها من بالك فأعتقد أن الأخ او الأب أو الألتجاء إلى مركز الهيئه هو الحل المناسب فيه واحد أسمع عنه أسمه الشيخ المقبل لكن الأسم كامل سأبحث عنه واعرضها هنا ,ابلغيه بالموضوع وبذلك تكوني قد انهيتي الموضوع بنسبة كبيره أن شاءالله . ومايفعلونه الهيئه كألأتي : سيأتون بالرجل وأخذ جواله ومسح جميع الرسائل الموجوده لآنه عندما يفكر بالأنتقام والذهاب بالرسائل إلى زوجك فلا يستطيع لأنها محذوفه , و أخذ عليه تعهد بعدم تكرار هذا و أن تكرر يرفع الموضوع لجهات علياء من غير مايكون لي أي علاقة وبكذا ستكون حياتك خاله من هذا المتهور المعتوه , الذي سيدمر حياتك بعدما دمر حياته وحياة زوجته للأسف التي ليس لها أي ذنب في ذالك ,,

وعليكم السلام اختي
بصراحه الله يعينج على واحد ماعنده ضمير والي قاعد يسويه مو حب هذا اسمه مرض نفسي
ومن راي انج تخبرين احد اخوانج اذا تحسينه يقدر يحل الموضوع بدون فضايح واذا وصل زوجك الخبر مثلا ان اخوك ضرب واحد تقولين لان اذاني ويحاول يغازلني واخوي وقفه عند حده بس زوجك يعرف الموضوع صدقيني مشكلة جدا كبيرة
الله يريح بالج

هلا وغلا

شكرا لكل اللي رد

اولا ..

انا مقدر اقول لزوجي مستحيل اقول له ليه اخرب كل شي بيدي علشان تافه زي ذا

ثانيا انا ماعندي اخوان كبار اكبرهم عمره 16 يعني مراهق مابي ادخله

عمامي كبار بالعمر وبعاد مو نفس المدينه اللي احنا فيها معاهم واهلي مو متواصلين معاهم مره يعني بالمناسبات وحتى لو
وش اقول لخوالي والا عمامي ؟؟؟ احسها صعبه

والمنطقه اللي فيها زوجي رحت لها مره ... صحيح نائيه ناااااائيه يسمون الورشه عياده وعامل الورشه طبيب السيارات
مافيها مطاعم ولا محلات واكثرهم اجانب او من السكان الاصليين اللي ماتفهم لهم ولا لكلامهم
يعني حتى زوجي توهق على ما حصل له شقه مع 7 شباب في قحط شقق
مافي حتى مدارس الا من صفايح قسم بالله ما ابالغ وربي مو عيشه هناك
وعلى كذا قلت له عادي دور لنا شقه وبنقل ..... والله جلس يدور بالبدايه طبعا مافي بعدين مارضى قال حتى لو لقيت
مايصلح للعيشه هنا
يعني هي زي الهجره او القريه مو مدينه

واللي قال غيري رقم الجوال والله العظيم غيرته بس قلت لكم هو حقير يدق على البيت يمكن استدرج الشغاله او اختي البزر
واللي قال كيف عرف مكان بيت اهل زوجك... انا قلت انا يلحقني يعني بديهي لحقني من الدوام للبيت
واللي قال وين زوجك من السالفه كلها ... زوجي مايجي الا اربعا خميس وجمعه.. ويكند بس ويجي تعبان وهلكان ومو شرط اذا كان موجود انه يلاحقني كل مره
سبق وقلت هو يختفي شهر شهرين لاحس ولاخبر وفجأه كنه يتذكرني ويطلع
والاخ اللي قال مستمتعه .... يعني بالله عليك اذا اني مبسوطه ليه بجي هنا والا ليه بعور راسي والا ليه بيرتفع ضغطي
انا صرت ماانام والله يوم رحت المستشفى عطاني الدكتور حبوب يقول تخليك تنامين وماتفكرين
صرت اهوجس والله العظيم صرت اخاف حتى من باب الشارع ... بالليل انام على اعصابي وربي كواااااااااااااابيس تجيني
احيان قسم بالله قبل انام اتأكد اذا النوافذ مقفله عدل واناظر تحت الاسره وبالدواليب ورب البيت هو مجنون وبيجنني معه

ليه ارد ؟؟
انا ما ارد الا اذا طفحت فيني خلاااااااااااااص يمسكني من اليد اللي تعورني
ردي والا بدق الجرس ومااصدقه شوي الا يدق الجرس
او يدق على بيت اهلي اذا كنت هناك واذا رفعته يقول ردي على جوالك الحين شسوي والله اضطر ارد

وبعدين على فكره ترى خلال هال 3 سنوات يمكن مارديت الا 4 أو 5 مرات

طيب الهيئه ..
انا وش قلت يعني شدعوه مادقيت قالو لي جيبي ولي امرك ومانرضى بشكوى شفهي وقسم بالله هذا اللي صار تعالي للمركز ومعك ولي امرك وكتبي كل شي ....
وبعدين كيف من شنو خايفه
يعني كانت في مسجات ورسايل مكتوبه بيدي علبالي ايام روميو وجولييت

ومره قسم بالله دقيت عالشرطه وهو عند الباب ينتظر
وبعدها راح ... الشرطي بااااارد يسألني للحين موجود ؟
قلت لا راح بس هو دايم يضايقني ويكون موجود
رد علي وخويه يناديه عالعشا بسسسسسرعه تعااااااااااال تعششششى <<< حسيت نفسي داقه بالغلط
قال ... اذا جا مره ثانيه يصير خير
احس ماسوو لي شي

وفي شي انا خايفه منه
انا اخاف مثلا حتى لو سوو شي والا الهيئه اخاف ينتقم بعد كذا والا انتم وش رايكم ؟؟
تتوقعون بينتقم مني ومن بنتي ؟


يمكن البعض منكم قال مشكله تافهه والا مو معقول والا شدعوه
بس ورب البيت اني ابي اخلص من هالسالفه خلااااااااااااااااص ابي يكون همي بيتي وبنتي وبس
ابي انام مرتااااااااااااااااحه


واللي قال عقاب ..
ترى مو انت والا انتي اللي تفتين وتحددين اذا عقاب والا لا
ولا انتي اللي بتسامحيني والا انتظر منك مغفره
عندي رب يسامح ويغفر وباب التوبه مفتوح
اجل يوم اليهود يتطاولون على النبي (ص) ويرمون عليه القاذورات بأبي هو وأمي... كان عقاب بعد ؟
والا اذا طحتي بمشكله يوم من الايام بيكون عقاب بعد ؟؟
اتمنى انك تتذكرين كلامي اذا جاتك شده بيوم من الايام ...