جزاك الله خيرا . الله يرضى عنك ويرضيك
كلامك صحيح
وريحني كثير ولن أعاتب نفسي عليه فيما بعد

شكرا لكم جميعا ... الله يكتب لكم من الخير أجمعه ويكتب لكم السعادة
استفدت منكم كثيرا
وأنا الآن أبشركم أني بعد محاولات رجعت للدراسة شكرا لوقفتكم معي
أما وظيفتي إن شاء الله بعد الدراسة سأعود إليها
.................. سأكون مشغولة تماما في الدراسة و أوعدكم عشان وقفتكم آخذ الممتاز بإذن الله لأنكم ريحتوا بالي فذهني الان في صفاء بعد ما كان متعكر ما اعرف اقرأ فضلا أن أحفظ شيئا
ولي عودة إن شاء الله بعد الانتهاء من دراستي وأبشركم بها

وفقك الله ويسر أمرك .

خالتو بيتا وبقية الاخوة اللي في فوق اسمائهم ( المتفائل بالله - ابو حكيم ) أشكركم ما قصرتوا معي
مستجدات موضوعي خالتوو بيتا الذي قلتي " وطمنينا عنك عزيزتي بما يستجد " ...>>>> صدق ما انعطي وجه
وأحب تداخل الاخوة بما يفيد على قدر استطاعتهم
جديد موضوعي
طبعا استخرت وقلت لأهلي خلاص افسخوا الخطوبة وربي يعوضني ويعوضه خير بعدها أهلي عزموهم المهم اجتمعوا في بيتنا ودار الحوار في المجلس وتكلموا أهلي عن الولد لا يتواصل معنا جيدا ويحدد لنا مواعيد ويلغي وليس له عذر منطقي وهو غير جاد وان الوضع سيء ونحن جادين في فسخ الخطوووبة
ردوا عليهم أهل الولد قالوا نعتذر لاتفسخوها انتظروا الان اسمعوا الصراحة نحن ظننا ان الخبر والأسباب عندكم ما فكرنا أن ولدنا يسوي كذا والحقيقة أن الولد يريد أولا تعديل وظيفته أو النقل أولا ولن يتقدم خطوة قبل ذلك وقد يكون النقل بعد أشهر فقط وبما انكم الآن عرفتوا الموضوع وليس من بداية الخطوبة فلكم الحق ولكم الرأي الأخير ولو كنتم تعلموا منذ البداية ما كان لكم الحق
ونحن الآن ننتظر ردكم وقراركم الأخير فأخبروه أن هذا الآن خبر جديد لابد من إطلاع البنت عليه والرأي الاخير لها قالوا حسنا
وكان خطيبي ساكت لا يتكلم قال لاخي لاحقا كنت ساكت في المجلس لاني غلطان ومقهور اخاف أتكلم أصيح والارض ضايقة بي مت قهر عمووما معكم حق وانا غلطان بس أنا ابغاها ومتمسكة فيها بقوة وابتعدل وقال امه زعلت ومرضت لان اصلا امه مريضة سابقا وهذه الهموم تاثر عليها بزيادة سكت أخوي ولا كلمة قال له
ثم صار الاجتماع الأسري
أبوي تكلم مع أخوي الكبير وأمي فقط ثم خرج بقيت أمي وأخوي الكبير ثم دخلوا كل اخواني واخواتي
رأي اخواني واخواتي افسخوا الخطوبة ما نبغاه أبدا لأنه ينتظر تعديل وظيفته والنقل وهذا أقل شيء يبغالها 6 سنوات مافي شيء اسمه شهور ولن ننتظره أبدا
رأي الوالدة لا. ننتظره لمدة هذه الشهور ثم نفسخها
ثم قالوا لي الآن سمعتي الكلام والاراء استخيري قبل تتكلمي وشاوري نفسك وأهل المشورة وننتظر قرارك الأخير قلت لهم كم مرة أنا أقول قراري وأصلا ما العزيمة هذه الا خلاص ننهي الموضوع قالوا نعم بس هم اعترفوا واعتذروا والآن عندك كلام جديد مو زي أول فكري واستخيري ونحن لانأخذ رأيك الآن فكري بعدين ردي
بس يا خالتو بيتا ويا ناس
امكن هم ما يعرفوا أو ما جربوا الحالة النفسية اللي يمر فيها الواحد يضغط على نفسه ويتكلم و أنا قراري الاول بالفسخ بالقوة قلته وتعبت حسيت بالالم ومن أسابيع فقط نفسيتي شوي تحسنت ودخلت جو الدراسة لانسى
الآن أعادوا علي توقعت أنه ماضي وانتهى ... لكن صار حاضرا و ينتظروا القرار الآخير
أنا لو فكرت بالعاطفة فقط أنا تعلقت به وكأنه أمل عاد لي يمكن انتظره سنوات خاصة كلامه أنه متمسك في يخليني اتراجع عن الفسخ
ولو فكرت بالعقل فقط لا خلاص المفروض ننهي الموضوع وأفعاله المماطلة و اني انتظر ويقدم عمله يخليني افسخ الخطوبة
ولو فكرت بالعقل والعاطفة فقط ننتظر لعدة شهور ثم نفسخها لكن القهرهم قالوا ردوا علينا بسرعة قبل الشهور اللي قالوا محتمل فيها التعديل والنقل نسوا مماطلتهم وخلونا ننتظر شهور قرابة السنة ونحن لازم كل شيء من عندنا بسرعة حتى في البداية اعتذرت اسبوع من عملي عشانهم يبغوا بسرعة مقابل ذلك اجلس انتظر قرابة سنة مدري ناس غريبين
مدري أخلي الرد عليهم بسرعة أم نؤخرهم أم ماذا نفعل ؟
علما أنا الان ولا كلمة قلت ؟؟ ولا عندي رأي ؟؟ وما اعرف أيش أسوي ؟؟
ونفسيتي ما تأهل اني اتكلم ونفسيتي زفت أخخخ أنا أهدأ وحدة صرت عصبية من أفعاله
وبعدين أيش السالفة من شهر شوال كل ما الاهل بيقطعوا الموضوع ويفسخوا الخطبة يرجعوا ثاني مرة ولا يفسخوها ارسلهم يفسخوووها يرجعوا بها مرة ثانية


اللي أعرفوا إني تعبت وضاااايعة والله
خالتو بيتا وبقيه الاخوة اعذروني لو صرت في مستشفى المجانين بحاول احجز لي جناح

الدنيا بدها صبر يا خالتو طولي بالك

ما فهمت موضوع نقل العمل بالضبط وليش ممكن ياخذ سنين مو شهور .. هذي نقطة ضروري تكوني على علم جيد فيها

من رأيي تاخذي راحتك برد الجواب لهم ولا تتوتري بسبب استعجالهم لك .. ومثل ما هم يقدروا أنه لهم أعذار مفروض يقدروا أنه لك أعذار .. قولي لهم بفكر وأرد لكم بعد اختباراتي لأني مشغوله فيها وما أقدر أشتت تفكيري الان ..

اقترحت عليك هذا الاقتراح مو واحده بواحده .. انما لسببين 1- انتِ تهدا أعصابك وتفكري صح .
2- تركزي بدراستك
3- هو يحس ببعدك عنه وبأنه ممكن يفقدك وممكن وقتها يتحرك ويصير يتصل ويسأل .. وهذا يعتمد على شخصيته . ممكن يظل خجلان لأنه شاعر بغلطه والنقص اللي عنده .

__________________

السلام عليكم ورحمة الله وبركاته
اختي سماهر كيف الحال

انا اشوف انك مش فار تجارب يجربوا حظ ولدهم عليك بمعنى انة اذا نقل راح نزوجكم واذا مانقل خلاص افصخوا الخطوبة وكأنج تشتغلين عند اللي خلفوهم!! كلام اهلة بجد ينرفز ويدل ان ماعندهم ذوق وﻻ احساس (وكأن بنات الناس لعبة بأيدينهم)!! ثم ان لو هم فعلا متفاجأيين من ولدهم واكتشفوا ان هو اللي يماطل يسرعون بزواجة ويسترون علية مو يبررون هروبة بالنقل والوظيفة!!

مدام الولد موظف يتزوج لو ان وظيفتة بالخرخير وزوجتة تتبعة ، ودامة اقدم ع الزواج معناتة انه جاهز له من النواحي النفسية والمادية
ومن زاوية اخرى انا حاس ان هالولد ماهو رجل خشن ولايعتمد علية!! وشو هالمصخرة وهالنعومة!! مابيتزوج الا لما ينقل!! شكلة متدلع واجد

قلتلك وبرجع اقولك هالولد يماطل واهلة مثلة طلعوا يماطلون!! وحطي ابالك انهم يدرون بولدهم انه يماطل وتفاجأهم من الموضوع مصطنع
والا من صدقك يصبرون ع ولدهم من غير زواج وهو موظف ومستعد ومو ناقصة شي !! عشان خاطرك انتي او خاطر اهلك!! مستحيييييييييل

الله الغني عنه وكرامتك فوق كل اعتبار ، واعتقد انك اذا نطرتيهم فوق كذا انهم بيقولون انها ماصدقت خبر "تنطر" وبيماطلون اكثر واكثر ، وبالاخير ماكو زواج والخاسر الاول والاخير هو انتي فقط!!

هذا رأيي وانتي استخيري وقرارك بيدك

موفقة.

__________________
استغفر الله واتوب إليه

لا خالتو والله أنك نعم الاخت الله يسعدك في الدنيا والاخرة وكما ما تابعي وتهتمي في أسأل الله يحفظ لك كل حركاتك وسكنات الله يرضى عنك ويرضيك دائما

فعلا الدنيا يبغالها صب بس الله يسامح دولا الناس قتلوا كل الصبر
وقصة العمل انا أفهمك فيها يا الغالية عندنا في بلدنا الشخص لما يتوظف وظيفة حكومية وهو أصلا مثلا كان ساكن وأهله في أقصى الجنوب يأتي التعيين حقه وويوظفه في أقصى الشمال ويكون في وظيفه في الشمال أقل مدة 5أو 6 سنوات هذا هو النظام وبعدها ينقل إلى أقصى الجنوب أو أقلها يقربوه من مدينته اللي أصلا كان فيها أحياناً في ناس بتعمل دورات أو بدل أو تابع قضية ويحاولوا فيها النقل قبل الخمس سنوات بس هذه مو دائم تحقق وايضا يبغالها متابعة وأصلا دولا الناس الله يهديهم باردين وأقل مدة سنة مافي شيء اسمه شهور نحن يا خالتو في البلد وعارفين وشايفين

لو تدري يا خالتو أنو نحن أيش كنا بنسوي اخواني قالوا سيبي الوظيفة وروحي معاه وكلموه أنو خليناها تترك الوظيفة وأنا أيش سويت وقفت عملي 3 سنوات لخاطره على أساس أروح معاه وين ما يكون وللأسف ليومك ولا عمل شيء برضو مماطلة بس حمدت ربي وذكرت اخواني اني ما تركت وظيفتي كان القهر قهرين منجد ماكل ناس تستاهل


اقتراحك رائع ماشاء الله تبارك الله كروعتك
فعلا بأخذ وقتي وراحتي والاقرب لظني أني أمكن بالكثير اسبوع أو 5 أيام وأقولهم : الله لنا
الله يعوضني خيرا
وأما السبب الثالث ما أظن يا خالتو وهذا اللي حاز في خاطري بس الحمد لله ربي يجيب لي واحد يعوضني خيرا منه

وآسفة على التاخير في الرد أمس كنت اتكلم مع الاهل في الموضوع هذا إلى درجة أغمي علي والله