بسم الله
اختي ناقصه خبره :
مشكلتك هذي هي في الحقيقه ما هي مشكله
يا اختي انتي اغرب انسانه شفتها
الحين وش مقياس الكره عندك ؟؟
زوجك يضربك ؟؟ زوجك يتكلم عليك بكلام سييء ؟؟ زوجك يشتمك عند اهلك واهله ؟؟ زوجك حرمك من حاجاتك الضروريه ؟؟ زوجك يظلمك ؟؟
انا متأكد على ان الاجابه بتقولين لا والحمد لله زوجي ما قصر علي بشي
الحين الرجال تعبان من عمله ومرهق وطالع يرتاح له كم يوم
ووداك لأهلك وتطمن على انك موجوده عند اهلك ومرتاحه ومبسوطه وبعدين ما اتصل اليوم او يومين هذا دليل على انه يكرهك ؟؟
زوجك اذا جا مرهق من عمله و منهك ويبغى يجلس في الغرفه لحاله يعني كذا انه يكرهك ؟؟
اذا ما اتصل عليك في اليوم مرتين او ثلاث يعني يكرهك ؟؟
يا اختي هذا طبع كل الرجال
الرجل اذا كان مهموم يحب يجلس لحاله دااااااااااااااااااااااائما
واذا تعرض لاي موضوع مهم وحاسم يحب يكون لحاااااااااااااله
( انصحك بقراءة كتاب النساء من المريخ والرجال من الزهره )
هذا يكشف لك خفايا الرجال وصدقيني بتحصلين فيه كل المشاكل اللي انت تبحثين عن حلولها
تصدقين انتي ذكرتيني بسالفتي وانا صغير مع امي
كنت اطلع مع زملائي ونسافر يعني قريب مدن قريبه او احيان نطلع للبر
وكانت امي تتصل علي كل شوي وتقول لي ليش ما تتصل علي ؟؟ دااااااااااايم تقول لي ليش اذا رحت ما تتصل علينا تطمنا ؟؟ وكانت تهاوش دائم تقول انت ما تهتم باللي وراك ولا تكلم اهلك !!
انا بطبعي كنت انبسط مع ربعي
وكنت متطمن لاهلي لاني مكلمهم امس ولكن اتفاجأ بإتصال امي وتقول لي وينك ؟؟ ليش طولت ؟؟ ليش ما اتصلت علي اليوم ؟؟؟
سؤالي لك :
هل انا ما كنت احب امي ؟؟؟
سؤال ثاني لك :
ليش زوجك ما يخلي عندك انترنت في البيت ؟؟
لا يغار ولا يخاف الا المحـــب
اخيرا" احب اقول لك شي :
زوجك الآن يحبك ولكنه بالتأكيد سيمل منك عندما تكررين نفس اسألتك ( ليش ما ترد - ليش تطنشني - ليش ما تسأل عني - ليش تشوف رقمي ولا ترد - انت اكيد تكرهني - انت اكيد ما تحبني )
فأحيانا" نفعل افعال يكون دافعها الحب والشوق وتكون نتائجها سلبيه وغير مرضيه
قد يكون ترديدك لهذه الاسئله وهذه الكلمات سببا في اقتناعه بها لاحقا" وتستقر في العقل اللاواعي
يا اختي انت الآن ليس عندك مشكله ولكنك تسيرين بقدميك لصنع مشكله قد تكونين ضحيتها
اخيرا":
لا تخسري زوجك بكثرة الإلحااااااااااح فأنت بفعلك هذا قد تخسرينه