اشراقة
الحمدلله ان أصله مو كذا
ترا التوجه المجتمعي يأثر عليه
اتذكر كثير يجي زوجي كلام مثل خلها تدفع الاجار والا تعطيك بدل وقت ضائع وكلام فاضي..
زوجي مع الوقت صار يحس انه متفضل علي انه ماياخذ شيء بينما شرعا المفروض يدفع كل شيء..
المهم بالحياة المادية بالذات محتاجة وضوووح تاام
جلسة واضحة وصريحة انا راح ادفع كذا وكذا وكذا والباقي عليك..
ومن تجربة الأفضل يكون اللي يدفعه سواء للبيت والا الأولاد مخصص شهري راح ترتاحين من سالفة ادفعي لاتدفعين عند كل طلب ورقم2اذا حبيتي تزيدين من عندك بتكون بصمت وتحت مصروفه..

وفيه نقطة اذا كلمتيه بيني له انك محتفظه بمعروفه السابق وانك عارفة انه مو هذا هو ولا هذا طبعه بمعنى أذكري معروفه علشان مايحس انك نسفتي معروفه والا انك انتهازية..
بعد الاتفاق راح تتعبين شوي بس خليك جادة وحازمة وبترتاحين باقي حياتك..

قلبي عمان

زميلاتي اللي تورطوا بالمشاركة واستصعبوا يفكون
اشتروا عقار منها يحفظ فلوسهم ومنها خلاص الزوج يعرف ان راتبك رايح اقساط وبهذلة..

راقتي بتعرفي لو وضع زوجك مش منيح كنت نصحتك انك تشاركيه النص بالنص بعد الاتفاق بيناتكن
اما معاشه اضعاف تلات مرات معاشك ماشاءالله للصراحة زودها وكتير كمان
فشوفي الطريقة الحلوة اللي تدخلي فيها وتخليه يصرف الشي الواجب عليه من دون ما تكون عينه على راتبك
لانو عنا مثل بقول ابنك على متل ما بتربيه وزوجك على متل ما بتعوديه

نا

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

مشكورة حبيبتي كلامك قواني ووعاني أكثر. .
زوجي محتاج له حزم من جد
وبيني وبينك انا نفسي عافت أطلب منه شي!

بالنسبة لتذاكر السفر ..

هل المفروض بس ادفع تذكرتي ولا معاه النص بالنص؟ لانه كل 3 شهور تقريبا نروح ويكند لأهلنا والموضوع دا مايتقفل

الحمد لله انتبهت على نفسي بعد مرور السنوات.... المشكلة انا البنات لما نحب ننسى العقل
بديت ألزمه بمصاريف محدده والي مخلني أساهم انه عيالنا بمدارس غالية فشي مقابل شي
الحمد لله.... دايم انبه المتزوجات حديثا انه لا تتنازلي عن حقوقك المادية طبعا حسب استطاعة الرجل.... بنات كثير يستحوا يطلبوا ويفضلوا ياخذوا من أهاليهم

نبض كلامك عين العقل..

ترا هو اصله مو كذا لاني ما كنت موظفة، تزوجني صغيرة توي متوظفة كملت سنة وشهر

وانا احس مو الناس مؤثرين عليه، هو مو مرتاح انه في يدي فلوس وهو عارف جارحني وممكن استغنى عنه..

بعدين انا وهو بنفس الشركة، امس يقول لي ترا اعرف سلم الراتب حقك محاتقدري تخبي وايش فيها لو عرفت !

صارت حياتنا بايخة.. كفاية انه متزوج ودحين صار فيه موضوع ثاني مستفز بيننا ..

شكلي كبرت راسه، دايما اقول له ما حانسى لك معروف انك دفعت لي حق الدراسة، وهو يقول لي تستاهلي الخير..

مصاريف البيت الاساسية يقوم بها، بس اي شي زايد يعلق وانا احس عيب عليه...

لما كنت معاه في السوبر ماركت جبت لي تشوكلت واحد ام اند امز حطيتها في العربية.. الا حرك راسه انه لاحول ولا قوة الا بالله وهو مبتسم..
قمت شلتها من العربية ورجعتها محلها وقلت له مابغى شي !

رحت معاه باث اند بودي ووركز واشتريت شموع ب 90 ريال.. قعد يزن فوق راسي بالمزح حولي ال 45 ريال .. !
نفسي ماعطتني وطاح من عيني رحت وحولت الفلوس...

كنت اضحك له وارادد بس حاليا طفشتت

الوضع صاير مرة اوفر...

ايوة ميمو عشان كدة انا مستنكرة تصرفاته..
راتبك عالي ومتزوج ثانيه وتقعد تحاسبني؟ !
مو شغلي عندك التزامات..

اشراقة زوجك زودها .. لازم تجلسين معاه وتكلمينه وتقولين له يشيل راتبك من باله ..


انا اشارك في البيت بدون تحديد ..
بمعنى لو رحت السوبرماركت لحالي اشتري اغراض البيت ادفع انا ولا اقول لزوجي شريت بكذا وعطني ..
او للعيد هو يعطيني من نفسه مبلغ وطبعا هو مايعرف ان السوق يكلف اضعاف اللي عطاني .. فأنا احط من عندي وما اقول له ..
احيان اعزمه في مطعم .. خصوصا اخر الشهر اعرف انه على الحديدة ..
لما اروح لاهلي .. اغللللب الاوقات انا ادفع تذاكرنا انا وبناتي .. وهالشي يضايقني .. بس بصراحة لما افكر بعقلي اعذره .. صافي راتبي اعلى من صافي راتب زوجي يمكن ب 3 اضعاف .. وهو لما يكون عنده مايقصر .. بس هو شوي ماعنده حسن تدبير .. وانا صار مايهمني لو اصرف واعيش حياتي .. ماحب امسك فلوسي .. احس اني اشتغل واتعب وابي اعيش حياة مناسبة ..

طيب خلاص دام اتفقتوا انه غلطان .. اليوم راح اكلمه محاسكت..
كيف اتفق معاه؟
لو قال انا ماقدر اسفرك سياحة لازم تدفعي
او ماقدر افرش لك البيت،
او ماقدر ادخل الصغير السنة الجية نفس مدارس اخوانهم

وهو انا عارفه يقدر ! كيف اقدر عليه راسه ناشف وعنيد وشخصيته مو سهله

بالنسبة للتذاكر اشراقة انت ادري لو هو يروح عشانك كل ثلاثة اشهر و لو عشانه هو ما همه وما راح ما فيها شيئ لو ساهمتي بالنص

__________________