والله لجو ما يحمس...


انا جيت ولزقت في البيت حر ما اقدر اطلع..


ن شاء الله تزورينا بالشتاء... مره حلو الشرقية...


الشقق ما اعرف شئ...


اذا فيه مادية روحي للشاليهات العزيزية مره حلوه...

اذا فيك اسكني بالخبر احسها احلى من الدمام.. خصوصا الدمام شوارعه مقلوبه فوق تحت... حفريات...


لازعلون يابنات الدمام احاول سرقة ضيفتكم...


روحي للبحر... وادخلي كم مجمع.. حلو الظهران مول.. وفينيسيا..والمطاعم على كورنيش الخبر مره حلوة..

ولايفوتك الشبيلي...

زيارة ممتعه

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء

سلطانة نفسهاأ
طياف
الكسائي
دلوعه ومبسوطه(بإذن الله)

جزاكم الله خير على تواجدكم الطيب وإفادتكم

زي ماقلت قبل الروحه كلها عشان العمل
زوجي عنده انتداب هناك..
فما أتوقع إني بأطلع كل يوم وخاصة إنه دوامه طويل ومايرجع قبل الساعه 5..
وبالنسبه للأسواق سبحان الله ماأحب أدخلها إلا لو كنت محتاجه شي أما إني أتمشى فيها بس ماأحب..
وبالنسبه للشاليهات
أتمنى والله وإن شاء الله ربي ييسرها لو يوم واحد..

وبالفعل أخي الكيسائي كل مره كنا نسكن بالخبر بس زوجي يبغا شي قريب مره على محل انتدابه..

__________________
.. ربي لك الحمد والشكر ..

سؤال يسدح نفسه أختي الحلم هل برفقتكم أطفال أم لا لكي أستطيع افادتك بالأماكن المناسبه..تقبلي فائق احترامي..

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

لا لسا ربي مارزقنا..
بانتظارك..

__________________
.. ربي لك الحمد والشكر ..

حياك الله في الشرقيه بتنور بوجودكم اختي
بحاول افيدك بالي اقدر عليه
الجو رطوبه عدل بس هاليومين خفت الرطوبه اشوي
اما الشقق اسفه ماعندي خبره بالشقق
اما الاماكن عندك الكورنيش بالدمام حلو وكورنيش الخبر ايضا..
اما المطاعم ..عندك مطعم الكورنيش مره حلو
ومطعم ابو نواس ومطعم البحار ومطعم الصيني..ومطعم دارين ومطعم ليالينا..
واذا عندك اختي اي استفسار ماراح اقصر والجميع ماراح يقصروا

أختي الحائره..
منوره بأهلها الطيبين أمثالكم
شاكره لكِ تواجدك هنا..
لكِ ودي..

__________________
.. ربي لك الحمد والشكر ..

الله يحييك بالشرقيه وعقبال ماتزورونا مع كتاكيتكم والله يرزقكم عاجلا غير آجل..
الجو عندنا من دون مبالغه كأنك داخله حمام سونا..حر ورطوبه خياليه..
التفاصيل الباقيه الليله ان شاء الله اسدحها لك هنا..الله وياك

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

اهلا"وسهلا" بكم بالشرقيه بالنسبه للشقق المفروشه القريبه من الشيراتون والتي تطل على البحر فتوجود في اطراف الاحياء التاليه : طلال والشاطى والمباركيه والحمراء.ولديكم فرصه زيارة سوق الخميس بالقطيف من الصباح الى الظهر وكذلك منطقة دارين بالقطيف وتطل على البحر وسوق السمك بالقطيف ويعمل ليلا" فقط ولديكم مطاعم منتشره على كورنيش الدمام والخبر علما" بأن بمول الراشد بالخبر يوجد مطاعم وكارفور وبمنطقة الظهران مول مجمج الظهران ويوجد فيه مطاعم وجيان ومقابله هايبر بندة واذا لديكم فرصه لزيارة البحرين فيفضل الاتجاه الى الجسر ويوجد فيه مطعم اعلى البرج ويفضل الذهاب الصباح الباكر لتلافي زحمة الجسر واهلا"وسهلا"بكم والحمدلله بدئة تخف الرطوبه ولايوجد سموم .

عدنـا

اختي الاحياء القريبه من الشيراتون هي حي الشاطئ وحي طلال والكورنيش

والله يسلمك اذا خليتي فندق الشيراتون على يمينك بعد الاشاره اخذي يمين تلقين الشقق والاجنحه الفندقيه على يساارك

مليانه المنطقه هناك وبنفس الوقت يكون الشيراتون لمكم

ايه صح بنفس شارع الشيراتون مليان مطاعم اختارو الي يعجبكم

وبالنسبه لجندولا في الخبر اذا تحبين الايطالي ترا خقااااااااااااااق بس غالي شوي بس والله يستاهل وترا مافيه بارتشن

بالنسبه لي اقلمت نفسي اكل بنقابي هههههه

<<<<تحسين اني بربرتي كثيره

فمان الله

__________________

مشكورين الله يعطيكم العافيه ماقصرتوا
أنا الآن في الدمام والجو اليوم أفضل وخفت الرطوبه..

جينز ..
أهلاً بعودتك وبربرتك بالعكس حلوه
لقينا شقه في الشاطئ الشرقي بنفس الوصف الي وصفتيه ماشاء الله عليك..
وأنا برا عادي عودت نفسي على الأكل بالنقاب
بس ماقد جربتها في السعوديه..

__________________
.. ربي لك الحمد والشكر ..